KYA KUFUNDAMO

Twakonsha kutwajijila kwikala na muchima wa kusanta inge ke tulanguluke pa bintu byawama bitubila Yehoba ne kumusanchila. Kwikala na muchima wa kusanta kuketukwasha kuchinchika meseko ne kushinda muteeto wa kubula kusanta. Kinembelo kyetu kya mwaka wa 2015 kisakwitukwashanga kuvuluka kino kishinka mu uno mwaka yense.

Uno mutwe waamba pa ene mambo o twafwainwa kuvulukilanga lufu lwa kwa Yesu. Walumbulula shinkwa ne binyu byo bengijisha pa Kivuluko byo bimenako ne bantu bafwainwa kujako ku bimpashañano. Uno mutwe usakwitukwasha atweba bonse kuyuka byo twakonsha kwinengezhezha jimo saka tukyangye kutanwa ku Kijiilo kya Nkambo kya Mabanga.

Baji mu masongola babena kupita mu makatazho avula bingi ne meseko. Bino Yehoba wakonsha kwibakwasha kukosesha masongola abo ne kwikala na lusekelo. Mutwe mutanshi waamba pa matafwali atanu a ku mupashi a kushimikila masongola akosa abula kupwa ne ndaka ya kushimikila pa kuba’mba akose. Mutwe wa bubiji waamba pa bya kwikala na moyo wa kwakamwa Lesa mu masongola.

Kwitemwa kya kine kwa mwanamulume ne mwanamukazhi kulumbulula ka? Nanchi mwakonsha kwitemwa kya kine nyi? Mwakonsha kumwesha byepi butemwa bwa kine? Fundai biji mu buku wa Lwimbo wa Solomone mumone byo twakonsha kufunjilako pa butemwe bwa kine.