Inge Makatazho Emuvujila

Abino byo byamwekejile ba Sallya bekala ku United States, kimye bipe byabo kyo byaonaikile na kinkunkwila. Baambile’mba: “Kechi nayukile bya kuba ne. Pa moba avula namwenengatu nobe kechi nakonsha kuchinchika ne.”

Pano kyakonsha kwikala byepi inge mwanenu nangwa mulongo wenu wafwa? Ba Janice bekala ku Australia baambile’mba: “Baana bami babalume babiji byo bafwile, kyankolele bingi ku muchima. Nalombele kwi Lesa amba: ‘Nakankalwa kuchinchika. Kyawamatu ne kufwa.’”

Ba Daniel nabo kibakolele bingi ku muchima bakazhi babo byo bebafutukilemo. Baambile’mba: “Bakazhi bami byo bambuujile’mba balaalanga na banabalume bakwabo, naumvwinetu nobe bangasa mpoko ku muchima. Kyankolele bingi ku muchima pa bañondo bavula.”

Kino Kyamba kya Usopa kisakulumbulula byo twakonsha kutwajijila kwikala na lusekelo

• Inge Kwamweka bya Malwa

• Inge Mulongo Wenu Nangwa Mulunda Nenu Wafwa

• Inge Benakwenu Baleka Kwikala Bakishinka mu Masongola

• Inge Muji na Kikola Kikatampe

• Inge Kemulanguluke’mba Kyawamatu ne Kufwa

Pano twakonsha kuchinchika byepi inge tubena kupita mu bya malwa?