Mutanchi Wa Kupwila Kwa Mwingilo
Mulungu wa Kutendeka November 13
Mamini. 10:Bya kubijika bya pa kipwilo. Bya kubijika byasalululwa mu Butumwa Bwetu bwa Bufumu.
Mamini. 13:Kabokoshi ka Mepuzho. Jashi jambiwe na mukulumpe mu kipwilo.
Mamini. 22:“Kunungulula Lusekelo lwa Bantu Batambwile Talakiti ya Mbila ya Bufumu Na. 36.” Mwisambo wa mepuzho ne mikumbu washinkamana pa mapalagalafu 1 kufika ku 5. Bulai luonde byo mwanengezha kwingijila mu manyaunda abulwa kwingijiwamo. Pitulukai mu mapalagalafu 7 ne 8 pa mambo a lupempu lwa kubwelako, kabiji mweshai kino byo kyubiwa mu tubimwesho tubiji kufuma pa ano mapalagalafu. Konkomwenai pa byo kyanema kubwela ku bonse bamwesheshe lusekelo ne kweseka kutatula masambijilo a Baibolo. Pa kupezhako isambai pa byambo biji mu palagalafu 9 ne binembelo byonse bijimo.
Lwimbo 63 ne lulombelo lwa kupezhako.
Mulungu wa Kutendeka November 20
Lwimbo 111
Mamini. 10:Bya kubijika bya pa kipwilo. Lipoti wa maakaunti.
Mamini. 15:Mankumanya pa Kutambwisha Talakiti ya Mbila ya Bufumu Na. 36. Ambai pa buwame bo mwamona byo mu baingijilenga mu nyaunda yenu. Nanchi mu kipwilo mujipo wayile mu mwingilo kimye kitanshi nyi? Shimikizhai byawama byaambile bena mazubo. Nanchi basapwishi bamo batatwile masambijilo a Baibolo nyi? Umvwe ibyo, bashimikizhe nangwa kumwesha kakimwesho ka byo kyajinga pa kutatula jisambijilo. Vululaiko bonse kunungulula lusekelo lwa bobesambile nabo.
Mamini. 20:“Sapwilainga!” Jashi ne mwisambo wa mepuzho. Bamo baikala mu jibumba ja kwa Yehoba ne kukosela mu mwingilo wa busapwishi mu bwikalo bwabo bonse. Baji na lusekelo mu uno mwingilo, mambo a kwikala na mulanguluko wa kusakisha kwingila. (Monai buku wa Kuyuka peja 179, palagalafu 20 ne Ulupungu lwa kwa Kalinda lwa May 1, 1992, mapeja 21 ne 22, mapalagalafu 14,15.) Lombai musapwishi waingila uno mwingilo pa myaka yavula kushimikizha ene mambo oa koselamo mu mwingilo wa busapwishi.
Lwimbo 141 ne lulombelo lwa kupezhako.
Mulungu wa Kutendeka November 27
Lwimbo 153
Mamini. 10:Bya kubijika bya pa kipwilo. Vululaiko basapwishi kutuma malipoti a mwingilo wa mu bujimi wa November. Mu December tukatambikanga buku wa Kuyuka ne Baibolo wa New World Translation. Lumbululai Bakamonyi ba kwa Yehoba byo babena kwingila na ngovu mu kutuntulula uno Baibolo mu milaka yavula.—Monai Ulupungu lwa kwa Kalinda lwa October 15, 1997, mapeja 11 ne12.
Mamini. 20:Ingijishai Bulongo Buku wa Ukupelulula. Mwisambo wa mepuzho ne mikumbu washinkamana pa mapeja 7 ne 8. Ambai pa uno buku byo alengwa mu jishinda ja kwitukwasha kukokozha bulongo pa kwingila mu butumwa. Lumbululai uno buku byo akonsha kwingijishiwa mu busapwishi bwa pa foni. Mweshai bya kutana byambo byakonsha kukwasha muntu kukumbula jipuzho. Tundaikai bonse kwipizha na uno buku, kwendanga nanji mu kyola kyabo kya mu busapwishi ne kumwingijisha kimye kyonse mu butumwa.
Mamini. 15:Nanchi Ñanyi Wafwainwa Kwikala kya Kumwenako Kyenu? Nsemi wa mulume ubena kutangijila jisambijilo ja kisemi ku mwana ukitwala umo nangwa babiji. Watana kuba’mba javula bano bana besambatu pa bintu bya mu ntanda mambo a kulonda byubilo bya bakwabo. Besamba pa bishinka bikatampe biji mu buku wa Abacaice Bepusha, mu icipandwa 9. Banyike baumvwa kuba’mba mujitu makatazho mu kutumbijika bantu batumbalala mu ino ntanda ne kwitaba kuba’mba byonse biji mu ino ntanda kechi byakonsha kukwasha bena Kilishitu ne. Besamba pa mfweto iji mu kulonda kya kumwenako kya bansemi, bakulumpe mu kipwilo ne bakwabotu baji na byubilo byawama mu kipwilo, kikatakata kya kumwenako kya kwa Yesu Kilishitu.
Lwimbo 175 ne lulombelo lwa kupezhako.
Mulungu wa Kutendeka December 4
Lwimbo 189
Mamini. 5:Bya kubijika bya pa kipwilo.
Mamini. 20:“Nemekai Mabuku Etu.” Mwisambo wa mepuzho ne mikumbu. Vwangaimo ne kya kumwenako kimo kya musapwishi uji mu mwingilo wa magazini. Mwina nzubo wamwesha lusekelo mu byo aumvwa ne byambo biji mu magazini, kabiji waamba’mba usakutanga. Kepo musapwishi waamba kuba’mba: “Naketekela namba musakumwenamo mu uno magazini byonka bimwenamo bavula. Ano magazini akumbana mwaya ntanda yonse. Magazini wa Ulupungu lwa kwa Kalinda unembwa mu milaka 137. Uno mwingilo ukwashiwa na bupe bwa kwitemenwa. Tutambwila bupe nangwatu bucheche kufuma ku bo bo basaka kukwasha uno mwingilo.”
Mamini. 20:“Kyambo Kyambiwa pa Kimye Kyafwainwa.” Kwisamba na luonde ne bimwesho. Bavula balanguluka’mba kyakatazha bingi pa kutatula mwisambo, ne kumona kuba’mba kana umvwe bafunjilepo bimo byakonsha kwibakwasha pa kutatula mwisambo. Lumbululai atweba bonse kuvwangakotu ne basapwishi bapya ne bakyanyike byo twakonsha kutatula mwisambo na mulanguluko wawama. Pitulukai mu ñambilo yaambiwapo ne kukonkomwena pa byo mwakonsha kwiingijisha mu byambo byapela. Basapwishi babiji nangwa basatu bamweshe kino byo kyakonsha kubiwa. Ambaipo byambo biji mu Butumwa Bwetu bwa Bufumu bwa mu Kibemba bwa March 1998, peja 8, muji ñambilo ikwabo yo mwakonsha kwingijisha pa kutambika buku wa Kuyuka. Tundaikai bonse kwikala beketekela pa kuba’mba batane lusekelo mu butumwa bwabo.
Lwimbo 218 ne lulombelo lwa kupezhako.