Mutanchi Wa Kupwila Kwa Mwingilo

Mulungu wa Kutendeka December 11

Lwimbo 50

Mamini. 10:Bya kubijika bya pa kipwilo. Bya kubijika byasalululwa mu Butumwa Bwetu bwa Bufumu. Umvwe kipwilo kiji na buku wa Umuntu Wakulisha, mweshai byoakonsha kwingijishiwa bulongo mu busapwishi mu moba a maholide.

Mamini. 15:“Akamwai Yehoba pa Juba pa Juba.”* Vwangaimo ne byalumbululwa moyo wakwakamwa Lesa pa peja 26 mu Loleni! wa January 8, 1998. Konkomwenai pa buwame buji mu moyo wakwakamwa Yehoba.

Mamini. 20:“Byubilo bya Bakwenu ne Jishuko Jenu ja Kusapwila.” Jashi ne mepuzho. Lombai bantu bobakanjikizhenga ku bakwabo kuba byubilo byabula kufwainwa, kushimikizha byo batwajijile kwikala babambakana mu mwingilo wa busapwishi nangwa kya kuba batalañenenga na ano makatazho.

Lwimbo 78 ne lulombelo lwa kupezhako.

Mulungu wa Kutendeka December 18

Lwimbo 94

Mamini. 15:Bya kubijika bya pa kipwilo. Lipoti wa maakaunti. Bulañanai bya nengezhewa mwingilo wa mu bujimi wiikajila pa December 25 ne pa January 1. Kumbulai jino jipuzho jafuma mu buku wa Ukupelulula, pa mapeja 48-50: Abya kujipo bishinka bimo bikanya kwivwanga mu kusekela kumo kwabula mu bwina Kilishitu, kikulutu’mba mu ko ko kusekela kechi muji bya kupopwela ne?—Monai buku wa Ukupelulula, peja 48 kufika ku50.

Mamini. 12:“Sukulu ya Butumwa bwa Teokalasi ya mu 2001.” Jashi na utangijila sukulu. Koseshai bonse kutwajijila kutanga Baibolo mulungu ne mulungu ne kwibikako kwamba majashi obapewa mu sukulu.

Mamini. 18:“Nanchi Musapwila na Kuchinchika nyi?”* Ambaipo pa binembelo biji mu kino kibaba. Lumbululai byotwakonsha kuchinchikisha ne kwingila bulongo mu mwingilo wa mu bujimi, kwingijisha buku wa Abateyanishiwa, peja 86. Mu maminiti akupezhako asatu nangwa ana pitulukai mu kibaba kya kuba’mba “Kubambakana Kutundaika Bavula.”

Lwimbo 124 ne lulombelo lwa kupezhako.

* Ambaipo mawi atanshi acheche akubula kupitaila pa miniti umo, apa bino mutendeke mwisambo wa mepuzho ne mikumbu.

Mulungu wa Kutendeka December 25

Lwimbo 126

Mamini. 15:Bya kubijika bya pa kipwilo. Kabokoshi ka Mepuzho. Lombai luonde kushimikizha mankumanya a katataka aji onse obataine mu mwingilo wabo wa busapwishi. Tongolai mabuku akatambikwanga mu January.

Mamini. 10:Byo mwakajilwa pa kipwilo kyenu.

Mamini. 20:“Tunemeke Yehoba mu Bwikalo Bwetu—Lubaji 2.” Shetu esambile pamo na bana banji mapalagalafu 1 kufika ku 10. Avwangemo ne bishinka bimo byakonsha kukwasha kufuma mu binembelo biji mu jino jashi byamweshewa.

Lwimbo 151 ne lulombelo lwa kupezhako.

Mulungu wa Kutendeka January 1

Lwimbo 171

Mamini. 8:Bya kubijika bya pa kipwilo. Umvwe kipwilo kyenu kyapimpula kimye kya kupwila mu mwaka wa katataka, koseshai bonse kupwilanga kimye kyonse pa kyonkakyo kimye kya katataka. Bulaiko ne basambi ba Baibolo ne baji na lusekelo lwa kufunda bukine pa lupimpu luji lonse. Ambai pa lipoti wa mwingilo wa mu bujimi wa August wa kyalo ne wa kipwilo kyenu. Vululaiko basapwishi kutuma malipoti a mwingilo wa mu bujimi wa December.

Mamini. 17:Bya Kwinengezha kwingila Lupempu lwa Kubwelako. Shetu ubena kwisamba na kisemi kyanji byo bakonsha kwingilanga pa kuba’mba mufumenga kimo mu busapwishi bwabo. Akonkomwene pa bishinka bya mu Binembelo pa mambo akubwela jibiji ku bakeba kufunda bukine. Kwingijisha byambo biji mu Ulupungu lwa kwa Kalinda lwa July 1, 1999, peja 22, palagalafu 18, banengezha kwingila lupempu lwa kubwelako. Bonse baitaba’mba besambilepo na bantu bamo bafwainwa kwibafwakashisha jibiji. Bonse pa muntu pa muntu balumbulula byaambile mwina nzubo kimye kitanshi kyo besambile nanji, kepo bonse bamonapo mulanguluko umo ne kinembelo kyobakatanga pa kubwelako. Batana bishinka mu buloshuwa wa Nanchi Lesa Ukebaka byakonsha kwingila bulongo. Bansemi baambila mwana umo kupituluka mu byoakamba kimye kyo akabwelako. Baumvwañana kimye kya kupempula jibiji bobesambile nabo mukachi ka mulungu wiya.

Mamini. 20:Mukulumpe mu kipwilo, esambile pamo na mitwe ya bisemi bibiji mapalagalafu 11 kufika ku 18 mu jashi jiji na mutwe wa kuba’mba “Tunemeke Yehoba mu Bwikalo Bwetu—Lubaji 2.”

Lwimbo 212 ne lulombelo lwa kupezhako.