Mutanchi Wa Kupwila Kwa Mwingilo

Mulungu wa Kutendeka March 12

Lwimbo 112

Mamini. 10:Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Kabokoshi ka Mepuzho.

Mamini. 17:Byo mwakajilwa pa kipwilo kyenu.

Mamini. 20:“April—Kimye kya ‘Kwingila na Ngovu ne Kwibikako Atweba Bene.’” (Mapalagalafu 1 kufika ku 13) Jambiwe na utangijila mu kipwilo. Mwisambo wa kutundaika byo tukoba mu April. Tundaikai bonse mu kipwilo kufika pa kikonkwanyi kya kwingila na ngovu mu mwingilo mu ñondo wa April.

Lwimbo 147 ne lulombelo lwa kupezhako.

Mulungu wa Kutendeka March 19

Lwimbo 166

Mamini. 8:Bya kubijika bya pa kipwilo. Sawakya wa maakaunti.

Mamini. 17:“Ifyo Ubutumikishi Bwafwilishiwa.” Jashi kufuma mu buku wa Abateyanishiwa ku Kupwilikisha Ubutumikishi Bwesu mapeja 119 kufika ku 121. Mwambepo bya bumpanyi bwa kukwasha Mwingilo wa Ntanda Yonse wa Sosaiti ne Buntungi bwa Mazubo a Bufumu byo bwakwasha bipwilo ku nyuma kwe kabiji’mba busakutwajijila na kukwasha ne mu kimye kya kulutwe. Byo kiji kine kuba’mba bupe bo tupana ne mashinda otupainamo apusana-pusana, umvwe pa kuya nakupota saka tushako mali ku bya kupota-pota byetu, kiketukwasha mambo tukekalangako na mali amo akukwasha pakatampe mwingilo wa ntanda yonse wa Sosaiti ne Buntungi bwa Mazubo a Bufumu. Bumpanyi bwa uno mutundu busangajika muchima wa Yehoba, kabiji bukosesha ne balongo betu. Ambaipo ne pa byambo bikwabo byakonsha kukwasha kipwilo kyenu. Umvwe kipwilo kyenu kibena kukebewa kuwamishako mashinda a kubwezhezhamo mali a loni ya Nzubo ya Bufumu kulubako kwambapo ne.

Mamini. 20:“April—Kimye kya ‘Kwingila na Ngovu ne Kwibikako Atweba Bene.’” (Mapalagalafu 14 kufika ku 30) Jambiwe na utangijila mwingilo wa mu bujimi. Jashi ja mepuzho ne mikumbu mu mapalagalafu o mwasalulula. Bonse bafwainwa kutanchika bulongo kuba’mba bakengileko mwingilo mu April pa kapelela ngovu yabo. Lumbululai mutanchi wa kupwila kwa kuya mu mwingilo wa mu bujimi ye mwatanchika mu ñondo wa April. Koseshai bonse bakonsha kwingilako bupainiya bwa kukwasha kutambula mafomu pa nyuma ya kupwila.

Lwimbo 188 ne lulombelo lwa kupezhako.

Mulungu wa Kutendeka March 26

Lwimbo 204

Mamini. 10:Bya kubijika bya pa kipwilo. Vululai balongo kuba’mba kunengezha bulongo kimye kwakonsha kwibakwasha kufika pa kikonkwanyi kyabo kya bupainiya bwa kukwasha. Lumbululai kuba’mba kimye ko kikiji kya kunembesha bupainiya bwa kukwasha mu April. Koseshai bonse kulondela mutanchi wa kutanga Baibolo mu kimye kya Kivuluko kya April 3-8, byonka byo atanchikwa mu kabuku ka Ukubebeta Amalembo Cila Bushiku mu 2001. Bijikai juba jikekalako kupwila kwa Lufunjisho lwa Kyamba kya Usopa mu mulungu wa Kivuluko. Kange mulubeko jashi jiikajila ja mvula-bantu jikambiwa pa Mulungu, April 1, jiji na mutwe wa kuba’mba “Ñanyi Wakonsha Kupuluka?” Koseshai bonse kwingilako mwingilo pa jino juba, kutatwilako jimo mwingilo mu April.

Mamini. 20:“Twayai Tunemeke Yehoba ne Mwananji.” Jashi ja kutundaika ja mu Binembelo jambiwe na mukulumpe mu kipwilo. Koseshai bonse kwingila papelela ngovu yabo mu mwingilo wiikajila mu April ne kwibikako na kwita bantu kwiya na kutanwa ku Kivuluko.

Mamini. 15:Kunengezha Ñambilo ya byo Twakonsha Kutambika Magazini Etu. Mu April tukatambikanga Kyamba kya Usopa ne Loleni! Pitulukai mu Mwingilo Wetu wa Bufumu wa mu kibemba wa October 1996, peja 8, palagalafu 3 ne 10. Lumbululai (1) mutwe, (2) kishinka kimo kyakonsha kuwama kwambapo, (3) jipuzho jakonsha kutundaika muntu kuteleka, ne (4) kinembelo kyafwainwa kyakonsha kwingijishiwa bulongo pa kutambika magazini yo muji nayo pa kyokyo kimye. Esekai kwingijisha buloshuwa wa Nanchi Lesa Ukebaka nangwa buku wa Kuyuka kutatula mafunjisho a Baibolo ku bantu baji na lusekelo lwa kukeba kufunda bukine. Pezhaiko na kimwesho kyanengezhiwa bulongo kibena kumwesha byo mwakonsha kuba kino pa kufwakasha kutanshi.

Lwimbo 207 ne lulombelo lwa kupezhako.

Mulungu wa Kutendeka April 2

Lwimbo 220

Mamini. 9:Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi a March. Pitulukai mu “Bya kuvululako bya pa Kivuluko.”

Mamini. 18:“Butemwe Bwitutundaika Kusapwila.”a Lumbululai binembelo biji mu uno mutwe. Vwangaimo byambo biji mu Insight, Volyumu 2, peja 673, palagalafu 1. Ipuzhai musapwishi wabambakana pa myaka yavula ashimikizhe butemwe bwa kutemwa Lesa byo bumutundaika kukosela mu mwingilo wa busapwishi. Koseshai basapwishi kwingila mwingilo wa busapwishi mu April ne mu bañondo bonse bakalondelangapo.

Mamini. 18:“Kwashai Bakwenu Kutanwa ku Kipwilo.”b Mu kya mukachi kya Mwingilo Wetu wa Bufumu wa Kibemba wa June 1996, mapalagalafu 14 kufika ku 16, muji byambo bibena kwamba pa bya kutangijila babena kufunda Baibolo ku jibumba ja Yehoba. Mweshai buloshuwa wa Nanchi Lesa Ukebaka (lufunjisho 5, palagalafu 7) ne buku wa Kuyuka (kitango 5, palagalafu 22) byo byakonsha kwingijishiwa pa bimye bitanshi kukosesha babena kufunda Baibolo kutanwanga ku kipwilo. Mweshai kimwesho, kyanengezhiwa bulongo kibena kumwesha musapwishi wafikapo saka akosesha ubena kufunda Baibolo kulangulukisha pa ene mambo o afwainwa kutainwanga ku kipwilo.

Lwimbo 47 ne lulombelo lwa kupezhako.

[Tubyambo twa mushi]