Mutanchi Wa Kupwila Kwa Mwingilo

Mulungu wa Kutendeka April 9

Lwimbo 93

Mamini. 15:Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Bijikai kibelengelo kya batainwe ku Kivuluko pa kipwilo kyenu. Ipuzhai luonde kushimikizha biumvwine bamo batainweko ku Kivuluko kimye kitanshi.

Mamini. 10:Kabokoshi ka Mepuzho. Jashi jambiwe na mukulumpe mu kipwilo. Nungaipo bishinka bilondelwa pa kusala mpunzha ya lufunjisho lwa buku.—Monai Kabokoshi ka Mepuzho mu Mwingilo Wetu wa Bufumu wa Kibemba, April 1983.

Mamini. 20:“‘Payankanai’ mu Mwingilo Wenu.”a Ipuzhai basapwishi babiji nangwa basatu bashimikizhe byo basangalele na mwingilo wa kukwasha bakwabo byonka byo kyaambiwa mu mapalagalafu 3 kufika ku 5.

Lwimbo 80 ne lulombelo lwa kupezhako.

Mulungu wa Kutendeka April 16

Lwimbo 145

Mamini. 10:Bya kubijika bya pa kipwilo. Sawakya wa maakaunti. Kwashalatu milungu ibiji mu April, onkao mambo tundaikai bonse kwingilako mwingilo ñondo saka akyangye kupwa.

Mamini. 15:Byo mwakajilwa pa kipwilo kyenu.

Mamini. 20:“Ñambilo Yapela Kumvwa yo Ikebewa.”b Vwangaimo ne byambo biji mu Mwingilo Wetu wa Bufumu wa Kibemba, July 1999 pa mutwe wa kuba’mba ‘Tulelanda Bwangu Ico Tukonkele!,’ peja 8. Bukiji-bukiji mweshai jishinda jimo nangwa abiji apela a kwambilamo.

Lwimbo 146 ne lulombelo lwa kupezhako.

Mulungu wa Kutendeka April 23

Lwimbo 163

Mamini. 10:Bya kubijika bya pa kipwilo. Vwangaimo ne byambo bya lusanchilo pa lunengezho lwa bupainiya bwa kukwasha kufuma ku basapwishi baingijileko.

Mamini. 15:“Ñanyi Bintu Byo Twafwainwa Kulangulukila Jimo?” Jashi. Vwangaimo ne bishinka byawama biji mu Kyamba kya Usopa kya Kibemba November 1, 2000, mapeja 18-21.

Mamini. 20:“Nkalata Kufuma ku Jibumba Jitangijila.” Mukulumpe mu kipwilo esambile pamo na bankwasho babiji byambo biji mu ino nkalata.

Lwimbo 202 ne lulombelo lwa kupezhako.

Mulungu wa Kutendeka April 30

Lwimbo 215

Mamini. 10:Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa April. Batangijila Lufunjisho lwa Buku bafwainwa kumona’mba bonse mu mabumba abo baleta masawakya pa kuba’mba avwangiwe pamo juba ja May 6 saka jikyangye kufika.

Mamini. 15:“Sapwilai Bakwenu byo Muji Balunda Bawama.”c Tongolaipo mashinda akwabo amwesha byubilo byetu byo byakonsha kusapwila.—Monai Kyamba kya Usopa kya Kibemba, November 1, 1997, peja 18, palagalafu 16.

Mamini. 20:Bapainiya Babena Kukwasha Bakwabo. Jashi ne misambo ya mepuzho na utangijila mwingilo wa mu bujimi. Pitulukai mu pologalamu wa Bapainiya wa Kukwasha Bakwabo byonka byo alumbululwa mu Mwingilo Wetu wa Bufumu wa Kibemba, September 1998, peja 4. Shimikizhai byalutundaiko byaingijiwa kwenu. Ipuzhai painiya wakwashapo musapwishi ne musapwishi ye bakwasha. Lumbululai bonse babiji byo bamwenamo mu kwingijila pamo mu mwingilo. Tundaikai ne bakwabo kwingijisha jino jishuko janengezhewa mu bañondo beya.

Lwimbo 216 ne lulombelo lwa kupezhako.

Mulungu wa Kutendeka May 7

Lwimbo 84

Mamini. 10:Bya kubijika bya pa kipwilo. Pitulukai mu mutwe wa kuba’mba “Mumwesha Byepi Kuba’mba Musanchila Lunengezho lwa Bupe?”

Mamini. 15:“Byonse Byakonsheka kwi Lesa.”d Bukiji-bukiji ambai pa byaambiwapo mu buku wa Proclaimers, peja 443, bibena kumwesha busapwishi byo bwanungulukilenga mu 1935 kwesakana na masawakya aji mu Yearbook yakatataka. Lumbululai kuvujilako kwa basapwishi byo kwamwekelenga nobe kechi kukobiwa, mu yoya myaka itanshi ne.

Mamini. 20: Kisemi Kyetu Kyakonsha Kumwesha Byepi Buzhile? Mukulumpe mu kipwilo esambile pamo na kisemi kyanji byambo biji mu Kyamba kya Usopa kya Kibemba, August 1, 1996 mapeja 17 kufika ku 20. Bapituluke mu mashinda o bakonsha kumwesheshamo buzhile pa nzubo, ku balongo, mu kipwilo, mu kimasamasa, pa sukulu ne ku nkito.

Lwimbo 70 ne lulombelo lwa kupezhako.

[Tubyambo twa mushi]