Mutanchi Wa Kupwila Kwa Mwingilo

Mulungu wa Kutendeka November 12

Lwimbo 170

Mamini. 8: Byakubijika byapakipwilo. Byakubijika byasalululwa mu Mwingilo Wetu wa Bufumu. Bulañanai byomwanengezha kwingila mwingilo wamubujimi kumpelo yamulungu.

Mamini. 15: “Ketekelai Yehoba Kwimukosesha.”a Ambaipo nebyambo bicheche biji mu Kyamba kya Usopa kya Kibemba, October 1, 1999, mapeja 18-19, mapalagalafu 6-8.

Mamini. 22: “Mapesho Afuma Mukusanchila Butemwe bwa Yehoba—Lubaji 1.”b Pakwisamba mapalagalafu 3-6, ipuzhai kipwilo kushimikizha byalutundaiko byobamwene mubusapwishi bwakunzubo nenzubo, busapwishi bwamumukwakwa, lupempu lwakubwelako nemumwingilo wamafunjisho a Baibolo.

Lwimbo 191 nelulombelo lwakupezhako.

Mulungu wa Kutendeka November 19

Lwimbo 172

Mamini. 8: Byakubijika byapakipwilo. Sawakya wamaakaunti.

Mamini. 15: Byomwakajilwa pakipwilo kyenu.

Mamini. 22: “Komeshainga Maana Enu Alumbuluka.”c Mukulumpe mukipwilo apituluke mumajashi akupwila kwiikajila kwajuba jimo kwajingako mwaka wapwa wamwingilo.

Lwimbo 195 nelulombelo lwakupezhako.

Mulungu wa Kutendeka November 26

Lwimbo 177

Mamini. 15: Byakubijika byapakipwilo. Vululaiko basapwishi kuleta masawakya amwingilo wamubujimi a November. Kwingijisha ñambilo iji pa “Byakwamba Pakutambika Magazini” mweshai bimwesho bibiji byakutambika magazini byanengezhiwa bulongo. Kimo kimweshe byakutambika Kyamba kya Usopa, kya December 1, kikwabo nakyo kimweshe byakutambika Loleni!, wa December 8. Kepo mulumbulule byotwakonsha kumona mwakwambila pakutambika buku wa Umuntu Wakulisha Uwabalile Abako uwa Mweo nangwa mabuku akwabo otukatambikanga mu December. Monai mu Watch Tower Publications Index pamutwe wakuba’mba “Presentations” nepakamutwe kakuba’mba “List by Publication.” Tongolaipo kyakumwenako kimo nangwa bibiji. Vululaiko bonse kwingijishanga javula talakiti ya Nanchi Mukeba Kuyuka Byavula pa Mambo a Baibolo Nyi?

Mamini. 15: “Nga Kimye Nekitanepi?” Jashi nekwisamba naluonde. Vwangaimo bishinka bikatampe kufuma mu Kyamba kya Usopa kya Kibemba, October 1, 2000, mapeja 20-1, mapalagalafu 9-10, pakamutwe kakuba’mba “Ifyo Bamo Basanga Inshita ya Kusambilila.” Ipuzhai luonde kwambapo mashinda amo obatainamo kimye kyakubilamo bintu byanema mukifulo kyakuba bintu byatutu. Konkomwenai pabuneme bwakwikalako nakimye kyalufunjisho lwapabunke, lufunjisho lwakisemi, kuya nakupwila, kuya mumwingilo nekyakutanga Baibolo pajuba nejuba.

Mamini. 15: Banyike Babena Kutota Yehoba. Kwisamba naluonde. Mubipwilo byavula muji bakyanyike bavula bingi bengila mwingilo wabusapwishi. Kyawama kuba’mba bobenga byobyo, nangwa kyakuba kino kilumbulula kusapwila javula kubakulumpe. (Sala. 148:12, 13; Mat. 21:15, 16) Umvwe bansemi nebasapwishi bakwabo bebatako maana kwibafunjisha nekwibakosesha, banyike bekala bingi nalusekelo lwakwingila mwingilo wamubujimi. Ipuzhai luonde kwambapo mashinda obakonsha kwingijilamo pamo nabakyanyike kunzubo nenzubo nekulupempu lwakubwelako. Lombai bansemi kushimikizha byobauba pakukwasha baana babo kufunda byakutambika magazini, kwingijisha Baibolo pakwamba nekubula moyo pakwamba namwinanzubo. Konkomwenai pabuwame bwakutakaika banyike. Isambai nekwipuzha musapwishi wakyanyike umo nangwa babiji, bambe byobabena kwiyowa mwingilo wabusapwishi ne ene mambo.

Lwimbo 198 nelulombelo lwakupezhako.

Mulungu wa Kutendeka December 3

Lwimbo 179

Mamini. 10: Byakubijika byapakipwilo. “Bakwenu Bakinka Manungo Mwianweba.”d Koseshai bonse kulanguluka pamwingilo yebaji nanji wakukomesha bisemi byabo nekipwilo. Atweba bonse tuba byavula kukosesha bakwetu pakwikala bakumwenako muñambilo yakukoseshañana.

Mamini. 15: Misabilo iji mubuku wa Ukupelulula. Kwisamba naluonde. Ambai pabyakumwenako byalondelapo bibena kulumbulula misabilo yapusana-pusana iji mubuku byoyanema kulumbulwilamo mafunjisho a Baibolo: Ndumbulwilo, nabiji “Ubufumu” (mapeja 256-7) nangwa “Umupashi” (peja 400); ngesakenyo yabyambo byobyatuntululwa mukupusana-pusana, kumwesha pakutana nebyakwingijisha jizhina ja Lesa mu Baibolo (mapeja 419-21) nangwa bukine pamambo a helo (mapeja 103-4); ndonda ibena kulumbulula bishinka byalwitabilo lwitupusanyako nabupopweshi bukwabo (mapeja 180-3) nangwa kumwesha muntu byoakonsha kuyuka bupopweshi bwakine (mapeja 288-90); mpito isolola kwafumine kiminshiminshi (mapeja 45-8) nangwa bena Kilishitu batanshi byobabujile kwitumpa mubyabumulwila ntanda (peja 368-70); bishinka byasayansi, bibena kushiina kulengwa kwabintu (mapeja 25-6) nangwa kumwesha butame buji mukupepa marijuana nefwanka (mapeja 157-60). Koseshai basapwishi kwingijisha buno bukwasho bwamfunjishilo yawama umvwe bashukilwapo muntu mumwingilo wamubujimi waipuzha pabino.

Mamini. 20: “Tuji Nakyakwingijisha Kyakatataka Kyakutatwilamo Mafunjisho a Baibolo!” Kwisamba naluonde kwambiwe namukulumpe utangijila mwingilo. Patanshitu, bulai baasha bapane talakiti wa Nanchi Mukeba Kuyuka Byavula pa Mambo a Baibolo Nyi? kubonse baji muluonde. Kwingijisha ñambilo iji mukabokoshi ka “Byakwamba Pakutambika Magazini” mweshai bimwesho bibiji byanengezhiwa bulongo. Musapwishi umo amweshe byakutambika Kyamba kya Usopa, kya December 1, mukwabo naye amweshe byakutambika Loleni!, wa December 8. Mubimwesho byonse, musapwishi pakupwisha, atambike talakiti ya Nanchi Mukeba Kuyuka Byavula pa Mambo a Baibolo Nyi? kumwinanzubo ukana kutambula magazini nekuyewa wiatambula. Tundaikai bonse kupana ino talakiti yakatataka kubonse bobatana mumwingilo.

Lwimbo 200 nelulombelo lwakupezhako.

[Tubyambo twa mushi]