Byakubijika
◼ Mabuku akutambika mu January: Buku yense uji namapeja 192 wanembelwe palutwe yamwaka wa 1987 umvwe poaji pakipwilo. Bipwilo biji nabuku wa Ukusapika Lesa Ukwa Mutundu wa Muntu, byakonsha kumutambika. February: Mabuku akala aji onse amapeja 192 aji pakipwilo. March: Buku wa Kuyuka Kutangijila ku Bumi Bwa Myaka. Twafwainwa kwingila nangovu nekutatula mafunjisho a Baibolo apanzubo. April: Magazini a Kyamba kya Usopa ne Loleni!. Tambikai buloshuwa wa Nanchi Lesa Ukebaka, nekutatula mafunjisho a Baibolo.
◼ Basapwishi bonse babatizwa bakatanwa pa Kupwila kwa Mwingilo mumulungu wa kutendeka January 28 bakatambula kikachi kya Advance Medical Directive/Release netubikachi twabaana babo twa Identity Card.
◼ Kutatula mu February, kwakubula kukila pa March 3, jashi ja mvula-bantu jikambiwanga nabakulumpe babijiiji jiji na mutwe wa kuba’mba “Kuvimbilwa Muino Ntanda ya Malwa.”
◼ Bipwilo byafwainwa kunengezha bulongo Kivuluko kyauno mwaka kikekalako pa Kina, March 28, panyuma yakuzhika juba. Nangwa kyakuba jashi jakonsha kutatula bukiji, kupishamo bimpashañano kwafwainwa kutatulatu panyuma yakuzhika juba. Ipuzhai bipamo bimona ñendelo yaluvula bemubule muyuke bulongo kimye kizhikilamo juba koko kwenu. Nangwa kyakuba’mba kipwilo kimo kimo kisaka kwiikela na Kivuluko kyakyo, kimye kimo kuba kyakonsheka kuba byobyone. Umvwe bipwilo byavula bingijisha Nzubo ya Bufumu imo, kipwilo kimo nangwa bikwabo byakonsha kwingijisha kishimikwa kingi pajino juba. Kokyakonsha kubiwa, twikimona kuba’mba kyafwainwa kuwama inge kipwilo kimo kyapwisha kupwila, pafwainwa kupita maminiti 40 pakuba’mba kikwabo kitatule. Kino kikalengela bonse kumwenamo bulongo mu Kivuluko, kwikalako nakimye kyakumonañana nabenyi nekukosesha bakatataka baji nalusekelo lwakufunda bukine. Mwafwainwa kukokela nemizhilo yapamukwakwa, pakwimikila myotoka, nekumona papatamina nepapatukila bantu. Jibumba jabakulumpe mukipwilo jafwainwa kumonapo jishinda jimo jakonsha kwingila bulongo mumpunzha yomujiko.
◼ Bapesa-pesa byakupesa-pesa nebakwabotu basolomoka balongo bavula nakwipuzha mabulañano pamambo a Bakamonyi bakwa Yehoba ne ñiñijilo yabo. Bakeba’mba mapepala abo akupesela-peselapo anembwe, bayuke byotwaitabilamo nemafunjisho etu. Umvwe bantu bauno mutundu basolomoka musapwishi wamukipwilo, wafwainwa kwibabula jizhina jamukulumpe utangijila mukipwilo. Bakulumpe mukipwilo bobakonsha kukumbula mepuzho auno mutundu nekupana mikumbu yafwainwa kwesakana nabyambo biji munkalata yatuminwe kuonse mabumba abakulumpe mubipwilo yanembelwe pa April 25, 2001.
◼ Umvwe mukulumpe utangijila mukipwilo watambwila Sitetimenti yakipwilo yapañondo pañondo, wafwainwa kumona’mba mabulañano onse a Bupe bwa Nzubo ya Bufumu ku Sosaiti nebwamwingilo wantanda yonse atangiwa kukipwilo pamo nasawakya wamaakaunti.
◼ Loleni! mu Kizulu pano ifumanga imo pañondo pañondo mukifulo kyaibiji.
◼ Vidyo Yakatataka Ijipo: The Greatest Man Who Ever Lived—On Videocassette, Volyumu 4—Mu mulaka Wakwamba na Maboko Wakina America