Byakubijika

◼ Mabuku akutambika mu March: Kuyuka Kutangijila ku Bumi bwa Myaka. Twafwainwa kwingila nangovu pakuba’mba tutatule mafunjisho a Baibolo. April ne May: Magazini a Kyamba kya Usopa ne Loleni! Basapwishi bafwainwa kubuula benamazubo kupanako bupe bwamwingilo wantanda yonse umvwe bakeba kupana. Bantu bamwesha lusekelo, batambikai buloshuwa wa Nanchi Lesa Ukebaka, nekwingijisha nangovu kutatula mafunjisho a Baibolo. June: Nanchi Lesa Ukebaka Kwiatweba? nangwa Kuyuka Kutangijila ku Bumi bwa Myaka. Umvwe bena mazubo baji nao ano mabuku, mwakonsha kwibatambika buloshuwa mukwabo yemuji nanji pakipwilo.

◼ Basapwishi bakeba kwingilako bupainiya bwakukwasha mu April bafwainwa kunembela jimo pepala yakwipuzhizhapo nekwiipana bukiji-bukiji kubakulumpe mukipwilo. Kino kikebakwashako kunengezhezha jimo mutanchi wamwingilo wamubujimi. Ñondo neñondo, mazhina abonse baitabizhiwa kukengilako bupainiya bwakukwasha afwainwa kubijikwa kukipwilo.

◼ Kivuluko kikekalako pa Kina, March 28, 2002. Umvwe mupwila pa Kina, mwafwainwa kupimpwila pajuba jikwabo Nzubo ya Bufumu poibula kwingijishiwa mukachi kamulungu. Umvwe kino kyashupa kabiji kyakonsha kulubankanya Kupwila kwenu kwa Mingilo, mwakonsha kwamba mbaji imo iji mukuno kupwila yakonsha kukwasha kipwilo kyenu mu Kupwila kukwabo kwa Mingilo.

◼ Ofweshi yamusampi kechi itumina musapwishi bunke bwanji oda wamabuku yeakebane. Pañondo pañondo, pepala yakuodelapo mabuku saka ikyangye kutumwa ku Sosaiti, utangijila mukipwilo wafwainwa kubijika kukipwilo pakuba’mba bonse bakeba mabuku akyabo kyabo banembeshe kumulongo utala pamabuku. Mwane mwafwainwa kuyuka mabuku aoda wiikajila.

◼ Inge jibumba jabantu 20 nangwa kukilapo jibena kukeba kufwakashisha ofweshi yamusampi ku Makeni, kyanema patanshi kutuma nkalata nangwa foni ku Ofweshi ya Betele. Kufwakasha kwikalakotu kufuma pa Kimo kufika pa Kitanu kimye kya 8:00 hrs kufika 15:00 hrs kwapwa. Inge 15:00 hrs yapita kechi kwikala kufwakashane, nangwa kumpelo yamulungu nakone. Tumai kibelengelo kyabantu bakeya, juba nekimye kyomukafika. Saka mukyangye kunyamuka, pitulukai mu Kabokoshi Kamepuzho mu Mwingilo Wetu wa Bufumu wa Kibemba wa March 1998 waamba pamvwajilo nemwekelo kimye kyomubena kufwakesha mazubo a Betele.