Mambo Awama A Teokalasi

Mu 2001 muñondo wa Ntundwe ne Kapande kwapainwe Mazubo a Bufumu akatataka afika ku 22.

Ano kine kemambo awama aleta lusekelo! Mazubo a Bufumu 10 apainwe muñondo wa Ntundwe o ano: Chitenda East, Kabwe Chowa Central, Kabwe Highridge, Kabwe Mine, Kabwe Mine West, Lumpampa, Mazabuka, Mazabuka Central, Mbete ne Musaba. Muñondo wa Kapande, Mazubo a Bufumu afika ku 12 nao apainwe: Chamalenje, Chongwe East, Choto West, Kafukula East, Kapululwe, Lusaka Kabanana West, Lusaka Malipodi, Matuku, Nakabwe, Nyakasongo ne Rufunsa kwapainwe Mazubo a Bufumu abiji.

Mwane tubena kwimusanchila jibiji anweba bonse muji mu Bipanyi bya Bantungi ba Mazubo a Bufumu mumapunzha onse mwaya kyalo, bamingilo bakwitemenwa nebisemi byenu pakwikala namupashi wakwipana anweba bene kukwasha kutunga Mazubo a Bufumu abena kukebewa bingi. Kwesakana nabyanembwa byetu byakatataka, bibena kumwesha kuba’mba Mazubo a Bufumu apanyiwa afika ku 145. Nangwa byonkabyo, Mazubo a Bufumu akwabo abena kukebewa. Tubena kutundaika bipwilo byonse bibena kukeba Nzubo ya Bufumu: (1) kwikala nampunzha yabyo, (2) kumonañana na Kipanyi kya Bantungi ba Mazubo a Bufumu kiji muyoyo Mpunzha ne (3) kutwajijila kupanagako bupe bwamali enu akwimutungila. Jibumba Jitangijila jibena kukeba bipwilo kupwilanga mu Mazubo a Bufumu atungwa bulongo. Onkao mambo, kikawama bingi umvwe atweba bavula twakwashako kutunga ano mazubo akupopwelamo.