Mutanchi Wakupwila Kwamwingilo

Mulungu Wakutendeka May 13

Lwimbo 140

Monai’mba: Bipwilo kechi byafwainwa kupimpula Kupwila kwabyo Kwamwingilo mumulungu wa May 13 nekwikutwala pajuba jingine, posotu inge mukulumpe wakijiiji ubena kwibafwakesha. Bipwilo byonse byafwainwa kufunda kyamukachi kibena kwamba pakupwila kwankambi, Pakupwila Kwamwingilo byonka byokwatanchikwa. Umvwe uno mulungu muji nakupwila kwakijiiji, batangijila lufunjisho lwabuku bafwainwa kubijika mpunzha nemoba akekelamo kupwila kwankambi kubifulo byabo kobatangijila lufunjisho lwabuku.

Mamini. 10: Byakubijika byapakipwilo. Byakubijika byasalululwa mu Mwingilo Wetu wa Bufumu. Kwingijisha ñambilo iji papeja 8, mweshai bimwesho bibiji, kimo kimweshe byakutambika magazini a Kyamba kya Usopa, kya June 1, kikwabo nakyo byakutambika Loleni!, wa April-June. Mukimwesho kimo kimo, mweshai jishinda japusanako jakukumbwilamo bantu bachibikizha mwisambo bamba’mba: ‘Ndi uwapamfiwa.’—Monai buku wa Ukupelulula, mapeja 19-20.

Mamini. 10: “Twajijilai Kumwenamo mu Kyamba kya Usopa ne Loleni!” Jashi nekwisamba naluonde jambiwe namukulumpe mukipwilo. Tundaikai basapwishi bonse kulabijila bonse bobashila magazini, pakuba’mba bayuke bobakatwajilanga magazini. Konkomwenai pamfweto ikatampe iji mukusampanya magazini kuba’mba jojishinda jimo jawama jakutwajilangamo mambo awama a Bufumu kubantu. Monai kuba’mba muji namagazini avula kimye kyomubena kuya mumwingilo; atambikai pakimye kiji kyonse. Kwikala nalunengezho lwenu lwa Juba ja Magazini mulungu nemulungu jojishinda jawama jakushajikilangamo avula. Busapwishi bwa mumashitolo nebusapwishi bwakushajika magazini mumukwakwa nabo bwawama bingi.

Mamini. 25: “Kupwila Kwankambi kwa Bakamonyi bakwa Yehoba kwa ‘Bamukoyo Wakutaya Mbila ya Bufumu’ kwamu 2002.”a Jambiwe namunembeshi mukipwilo, kukonkomwena mapalagalafu 4-11. Sanchilai kipwilo namambo akutatulako bukiji-bukiji kwinengezha amba bakatanwe kukupwila kwankambi.

Lwimbo 219 nelulombelo lwakupezhako.

Mulungu Wakutendeka May 20

Lwimbo 13

Mamini. 15: Byakubijika byapakipwilo. Sawakya wamaakaunti.

Mamini. 10: Lukatazho Lomuji Nalo Pakipwilo.

Mamini. 20: Jashi nekwisamba naluonde mukyamukachi pa “Mepuzho Kufuma Kubatanga” aipuzhiwepo. Jambiwe namukulumpe mukipwilo wakonsha kwamba bulongo.

Lwimbo 42 nelulombelo lwakupezhako.

Mulungu Wakutendeka May 27

Lwimbo 208

Mamini. 12: Byakubijika byapakipwilo. Vululaiko basapwishi kuleta masawakya amwingilo wamubujimi wa May. Kwingijisha ñambilo iji papeja 8, musapwishi wakikulumpe amweshe byakutambika Kyamba kya Usopa, kya June 1, nemusapwishi wakyanyike amweshe byakutambika Loleni!, wa April-June. Pakupwisha kimwesho kimo kimo, ambaipo kinembelo byokyakonsha kuvwangiwamo bukiji-bukiji muñambilo yomubena kwamba namuntu.

Mamini. 15: “Nanchi Kipwilo Kyenu Kiji na Nyaunda Yabayanyi?” Jashi nekwisamba naluonde jambiwe namukulumpe utangijila mwingilo wamubujimi. (Bipwilo biji nanyaunda icheche bipituluke mukibaba kyaamba’mba “Bomfyeni Bwino Inshita Yenu” kiji mu Mwingilo Wetu wa Bufumu, wa Kibemba June 1999.) Tongolai nyaunda yakipwilo byoyabaya nelubaji lwasapwijilweko mwaka wapwa. Londololai mashinda apanwa byoafwainwa kwingila munyaunda yenu. Pitulukai mumutanchi wamumoba abena kwiya yemwatanchika kukapwisha kusapwila nyaunda yonse ibulwa kusapwilwamo javula.

Mamini. 18: : “Nanchi Mubena Kwingijisha Buloshuwa wa Nanchi Lesa Ukebaka Kutatula Mafunjisho Nyi?” (Bonse bafwainwa kwikala nakyamukachi kya Mwingilo Wetu wa Bufumu, wa January 2002, pakwisamba jino jashi.) Tendekai patanshi namusapwishi winengezha bulongo amweshe kimwesho kyakutatula lufunjisho, kwingijisha kyakumwenako kiji mupalagalafu 3. Panyuma yakimwesho, ambaipo bishinka bikatampe biji mubuloshuwa, nekulumbulula ino buloshuwa byoyanengezhiwa bulongo kutatwilamo mafunjisho. Ambai pabuneme bwakupitulukanga muñambilo yakwambilamo iji mukyamukachi kya January 2002. Ipuzhai luonde bambepo ñambilo imo ibakwasha kutatwilamo mafunjisho. Pakupezhako, bwezhaipo kimwesho kyomwaji kutendekelapo.

Lwimbo 93 nelulombelo lwakupezhako.

Mulungu Wakutendeka June 3

Lwimbo 178

Mamini. 15: Byakubijika byapakipwilo. Ipuzhaipo basapwishi bamo bashimikizhe lusekelo nemfweto yobatanamo pakwingilako mwingilo wabupainiya bwakukwasha nangwa bwakimye kyonse mu March, April nangwa May.

Mamini. 15: Buku wa Ukupelulula Byoengijisha Ntuntulwilo Yama Baibolo Akwabo. Ambaipo byambo bicheche bino apa mutatule kwisamba naluonde. Tangai palagalafu 2 papeja 8 mubuku wa Ukupelulula, nekulumbulula ene mambo nebyotwafwainwa kwingijishishanga Baibolo kimye kyonse mumwingilo. Tongolai mutanchi wamazhina ama Baibolo obaipipisha aji papeja 6, nekulumbulula kyotwingijishisha byambo bimo biji muma Baibolo akwabo. Isambai palujimuno lobetujimunako luji mu Kyamba kya Usopa, kya Kibemba October 1, 1997, peja 16, palagalafu 2, ne peja 20, palagalafu 15. Kwingijisha mitwe iji mubuku wa Ukupelulula yaamba’mba “Ukupyanwa kwa Batumwa” “Ifipasho,” ne “Bulesa Butatu,” ipuzhai luonde lulumbulule kwingijisha ma Baibolo apusana-pusana byokwakonsha kwitukwasha kufunjisha bukine.

Mamini. 15: “Lwitabilo Lwetu Lwitutundaika Kwingila Mingilo Yawama.”b Pakwisamba palagalafu 2, ipuzhaipo Kamonyi umo wabambakana kwambapo tubyambo tucheche. Ipuzhai uno musapwishi ambe kusapwila kubakwabo byokumwesha nekukosesha lwitabilo lwanji.

Lwimbo 56 nelulombelo lwakupezhako.

[Tubyambo twa mushi]