Mutanchi Wakupwila Kwamwingilo

Mulungu Wakutendeka September 9

Lwimbo 209

Mamini. 13: Byakubijika byapakipwilo. Byakubijika byasalululwa mu Mwingilo Wetu wa Bufumu. Kwingijisha mashinda atanshi abiji aji papeja 8, mweshai bimwesho bibiji, mwakutambikila magazini ya Kyamba kya Usopa, kya October 1. Mukimwesho kimo kimo, mweshai jishinda japusanako jakukumbwilamo bantu bachibikizha misambo bamba’mba: ‘Nshaba Uwasekelela mu Nte sha kwa Yehova.’—Monai buku wa Ukupelulula, mapeja 17-18.

Mamini. 17: “Tukwashenga Bakwetu Kuba’mba Nabo Bamupenga Yehoba Lukumo.”a Umvwe kimye kokikiji, tongolaipo nekishinka kimo nangwa bibiji mubuku wa Ukupelulula, mapeja 100-2.

Mamini. 15: Mamboka Akubula Kwikala Nalwitabilo? Kwisamba naluonde. Javula tutana bantu baji nalwitabilo lucheche. (2 Tesa. 3:2) Pakuba’mba twisambe nabo bukine pamambo a Yehoba, patanshi twafwainwa kuyuka kibalengela kwikala nayoyo ndangulukilo yabo pamambo a Lesa. Monai bishinka bina byatongolwa mubuku wa Ukupelulula, mapeja 358-9, byakonsha kulengela bantu kubula kwikala nalwitabilo. Ipuzhai luonde bambepo mashinda afwainwa kwingijishiwa pakishinka kimo kimo. Shimikizhaipo kyamwekele kimo kyawama kyañambilo yafwainwa yakwisambilamo namuntu, nangwa shimikizhai kiji mu Loleni! wakizungu wa August 22, 1993, mapeja 14-15.

Lwimbo 122 nelulombelo lwakupezhako.

Mulungu Wakutendeka September 16

Lwimbo 163

Mamini. 10: Byakubijika byapakipwilo. Sawakya wamaakaunti. Tundaikai bonse bakapituluke mubishinka byobanembele pakupwila kwakijiiji kwajingako nekwinengezhezha jimo pa Kupwila Kwamwingilo kwamulungu wiya.

Mamini. 18: Mwaka Wapwa Twaingijile Byepi? Jashi jambiwe namukulumpe utangijila mwingilo wamubujimi. Ambai biji musawakya wakipwilo wamwaka wamwingilo wa 2002. Sanchilai bonse pamwingilo wawama yebaingila. Ambai pakibelengelo kyakipwilo kyabatainwenga kukupwila, babwelelenga kubakeba kufunda bukine, bafunjishenga Mafunjisho a Baibolo, baingijile nemwingilo wabupainiya bwakukwasha, mwambepo nemashinda awama akukwasha kuyilako palutwe. Ibikilai bikonkwanyi byomukoba mwaka wiya.

Mamini. 17: Makatazho Abena Kupitamo Bansemi Babula Mukwabo Wamumasongola. Mukulumpe mukipwilo epuzhe nsemi umo nangwa babiji babula bakwabo bamumasongola (nangwa aba baji nabena kwabo babula Bakamonyi) bashimikizhe byobabena kuba namakatazho alamata kukufunjisha, kujimuna nekutangijila baana babo kumupashi. Boba byepi kuba’mba bakonshe kwingila mingilo yakisemi nekutanwa kukupwila nekuya mumwingilo wamubujimi kimye kyonse? Ambaipo mashinda amo aji mubuku wa Icaba Inkaama Ku Nsansa Sha Lupwa, mapeja 104-10. Byonka byokyaambiwapo pamapeja 113-15, ambaipo mashinda awama bakwabo obafwainwa kukwasha.

Lwimbo 149 nelulombelo lwakupezhako.

Mulungu Wakutendeka September 23

Lwimbo 107

Mamini. 10: Byakubijika byapakipwilo. Kwingijisha mashinda abiji apelako aji papeja 8, mukulumpe mukipwilo nenkwasho bamweshe mwakutambikila Kyamba kya Usopa, kya October 1, mukulumpe mukipwilo amweshe jishinda jabusatu nenkwasho naye amweshe jabuna. Panyuma yakimwesho kimo kimo, ambai jibiji byambo bitanshi byakwambiwa pakutendeka byajikulengela mwinanzubo kwikala nalusekelo.

Mamini. 10: Lukatazho lomuji nalo pakipwilo.

Mamini. 25: “Akamwai Lesa, mumupe lukumo.” (Lum. 14:7) Jashi nekwisamba naluonde kupitulula mumajashi aambiwe pakupwila kwakijiiji kwajingako mwaka wapwa wamwingilo. Ipuzhai kipwilo bambepo bishinka bikatampe byobafunjile nebyobebingijishe abobene nangwa mubisemi. (Bapelai jimo byobakambapo) Ambai ino mitwe yamajashi yajinga pakuno kupwila: (1) “Kwashai Bakatataka Kwikala na Moyo Wakwakamwa Lesa.” Twakonsha kukwasha byepi bantu bakeba kufunda bukine batainwe ku Kivuluko kuba’mba bayilengako palutwe nekwikala bakalume babambakana ba Yehoba? (2) Kwakamwa Yehoba Kulumbulula Kushikwa Byatama.” (w87-CW 4/15 16-18) Byambo bya Mana. 6:16-19 bitukwasha byepi kufuma kubintu Yehoba byoashikwa, nabiji kwitota, kubepa, kutemwisha bintu byakumubiji, byakisangajimbwe byatama, nekwingijisha bibi Intaneti? (3) “Pwañanainga na Bomwatemwa.” Twatemwa Yehoba, Yesu, balongo bamukisemi nebakwetu mukipwilo; kufwenya kwipi neabo kwakonsha kwituzhikijila byepi muino ntanda? (4) “Akamwai Yehoba, Kechi Bantu Ne.” Moyo wakuchina kufichisha Yehoba kumuchima wimukwasha byepi kubula kuchina kimye kyomubena kusapwila, kulamachila kumafunde a Lesa kimye kyomuji pankito, kusukulu, nangwa kwimukanjikizha kubakulumpe benu bankito amba mubule kuya kukupwila kwakipwilo, kukupwila kwakijiiji, kupwila kwajuba jimo kwiikajila, nangwa kupwila kwankambi? (5) “Ubilai Byonse Lukumo lwa Lesa.” (Sala. 119:37; Hebe. 4:13) Mamboka moyo wakwakamwa Lesa kyoakonshesha kwituzhikijila kubula kutomesha maalwa, kutamba byamulekese, nangwa kulenga mambo akwabo afyamika? (6) “Twajijilai Kwenda na Moyo Wakwakamwa Yehoba.” Yehoba wimupesha byepi byomubena kuswisha mupashi wanji amba engilenga mubwikalo bwenu bonse?—Sala. 31:19; 33:18; 34:9, 17; 145:19.

Lwimbo 171 nelulombelo lwakupezhako.

Mulungu Wakutendeka September 30

Lwimbo 116

Mamini. 15: Byakubijika byapakipwilo. Vululaiko basapwishi kuleta masawakya amwingilo wamubujimi a September. Isambai pa “Mwingilo Wakushimika Mazubo a Bufumu Ubena Kutwajijila.”

Mamini. 15: Kika Kilengela Magazini etu Kupusanako? Jashi nekwisamba naluonde. Mu October tukatambikanga Kyamba kya Usopa ne Loleni! Isambai pamagazini kyoapusenako: (1) Atumbijika jizhina ja Yehoba. (2) Atundaika kwikala nalwitabilo mwi Yesu. (3) Abijika Bufumu bwa Lesa. (4) Amba pa Baibolo kuba’mba ye buku wakufundamo. (5) Alumbulula kufikizhiwa kwabungauzhi bwamu Baibolo. (6) Alumbulula bikamwekana panopantanda. (7) Amba pabyakuba namakatazho otupitamo ano moba. (8) Alengela bantu bamumitundu yonse kwikala nalusekelo lwakwiatanga. (9) Kechi amba pabyabumulwila ntandane. Mweshaipo bimwesho bibiji bipi, byonse bimweshepo kishinka kimo pabino byokyafwainwa kwingijishiwa kutatwilamo mwisambo.

Mamini. 15: “Nemekainga Nekusanchila Bintu Bingijishiwa Mumingilo ya Teokalasi.”b Jambiwe namukulumpe mukipwilo. Ambaipo nebimo byamweka’mba byobibena kubiwa koko kwenu kabiji nekipwilo byokyakonsha kubapo pakuba’mba twingijishenga mabuku etu bulongo. Tundaikai bonse kukepeshako maoda abo amabuku baondengakotu obafwainwa kwingijisha. Vulukai kupanangako bupe bwamali akukwasha mwingilo wantanda yonse.—Monai mutwe wakuba’mba “Paingapo Bakwenu Bakajilwa” mu Mwingilo Wetu wa Bufumu, wa June 2002, peja 3.

Lwimbo 21 nelulombelo lwakupezhako.

Mulungu Wakutendeka October 7

Lwimbo 129

Mamini. 10: Byakubijika byapakipwilo. Pitulukai mu Kabokoshi ka “Nemekai Bakolwa.”

Mamini. 15: Kukosa Mubukine Kimye Kyomuji Kusukulu. Ipuzhaipo musapwishi wakyanyike umo nangwa babiji babwela kufuma kusukulu bayuka buneme bwakubula kukaya-kaya nabakwabo mobafunjila babula kwitabila. Balanguluka kubapo byepi mwakubila namakatazho nenabintu byongola biji mubyakuselemya byabumulwila ntanda, mazha apasukulu nekupwila pamo nakwisamba bintu byaino ntanda, nekuya nakulaala kumapunzha akwabo namambo amakayo, nebyubilo byatama? Ambaipo nepamashinda amo obalanguluka kusapwilamo kusukulu.

Mamini. 20: “Mamboka Otwafwainwa Kuchinuzhukila Miyebe?”c Ambai nebinembelo byobyajimuna, tangai nekwisambapo pabinembelo byamweshiwa kwesakana nakimye.

Lwimbo 105 nelulombelo lwakupezhako.

[Tubyambo twa mushi]