Byakubijika

◼ Mabuku akutambika mu February: Buku wakatataka wa Palameni Kuli Yehova yeukatambikwanga. March: Buku wa Kuyuka Kutangijila ku Bumi Bwa Myaka. Twafwainwa kwingila nangovu kutatula mafunjisho a Baibolo apanzubo. April ne May: Kutambika Kyamba kya Usopa ne Loleni! Umvwe mwabwelako kubantu bakeba kufunda Baibolo, kuvwangakotu neboba beya ku Kivuluko nangwatu kubintu bikwabo bya teokalasi bino babula kupwañana nakipwilo, batambikai buku wa Pepeni Lesa Wine Wine Eka wajinga kala Abaikatana mu Kupepa Lesa Umo Eka uwa Cine. Mwafwainwa kwibikako kuba’mba mutatule lufunjisho lwa Baibolo lwa panzubo, kikatakata inge bantu bamo bafunda kala buku wa Kuyuka ne buloshuwa wa Nanchi Lesa Ukebaka?

◼ Mukulumpe utangijila mukipwilo nangwa mukwabo umo yeatongola wafwainwa kubala maakaunti akipwilo pa March 1 nangwa bukiji-bukiji panyuma yajino juba. Umvwe mwapwisha kubala, bijikai kukipwilo pakubijika sawakya wa maakaunti. Bijikai kukipwilo bupe bwamali buji bonse bwapanwa kukwasha mwingilo wantanda yonse ne malitu akwabo apanyiwa najibumba.

◼ Munembeshi nemukulumpe utangijila mwingilo wamubujimi bafwainwa kupituluka mumingilo yabapainiya bakimye kyonse. Umvwe paji bamo babena kukankalwa kufikizha maawala akebewa, bakulumpe mukipwilo bafwainwa kwibakwasha. Pakuba’mba muyuke bukwasho bomwakonsha kwibakwasha, pitulukai munkalata yapamwaka pamwaka ya S-201. Kabiji monai ne mukyamukachi kya Mwingilo Wetu wa Bufumu wa Kibemba October 1986 mapalagalafu 12 kufika ku 20.

◼ Mutwe wajashi ja Kivuluko kyamu 2003 jamvula-bantu waamba’mba “Nanchi Kimye Kyakuzhachisha Babilona Kyafika Kalanyi?” Monai byakubijika bikwabo byaamba pakino mu Mwingilo Wetu wa Bufumu wa September 2002.

◼ Kutendeka na kya March 1, 2003, Kyamba kya Usopa kya Kichewa kikanembwanga ne mubisopelo bikatampe.