Mutanchi Wakupwila Kwamwingilo

YUKAI’MBA: Bipwilo kechi byafwainwa kupimpula kimye kya Kupwila kwa Mwingilo mu mulungu wa kutendeka April 21 ne, kana umvwe mukulumpe wa kijiiji wibafwakashisha. Bipwilo byonse byafwainwa kufunda kya mukachi kyaamba pa kupwila kwa nkambi kwesakana na monka mokyatanchikilwa. Makalata a CO April 1, 2003 afwainwa kulamikwa pa kipabi kya mabulañano panyuma ya Kupwila kwa Mwingilo.

Mulungu Wakutendeka April 14

Lwimbo 20

Mamini. 15: Byakubijika bya pa kipwilo. Byakubijika byasalululwa mu Mwingilo Wetu wa Bufumu. Kwingijisha mashinda atanshi abiji aji pa peja 8, mweshai bimwesho bibiji mwakutambikila magazini ya Kyamba kya Usopa, kya May 1.

Mamini. 10: Kabokoshi Kamepuzho. Jashi jambiwe na mukulumpe mu kipwilo.

Mamini. 20: “Musamenga Pamo Nobe Byeya.”a Pa kupezhako ambai jashi ja maminiti atanu kufuma mu Kyamba kya Usopa kya Kibemba, June 1, 1997 mapeja 14-15, ma palagalafu 8-13. Lumbululai kyotubujila kufila mambo awama a Bufumu ku bantu.

Lwimbo 134 ne lulombelo lwa kupezhako.

Mulungu Wakutendeka April 21

Lwimbo 25

Mamini. 10: Byakubijika bya pa kipwilo. Sawakya wa maakaunti.

Mamini. 15: “Kupwila kwa Nkambi kwa Bakamonyi Bakwa Yehoba kwa ‘Pai Lesa Lukumo’ kwa mu 2003.”b (Ma palagalafu 1-7) Jambiwe na munembeshi mu kipwilo usakutesha muchima ku byambo biji mu palagalafu 3-7. Saka mukyangye kutendeka kufunda kya mukachi, tangilai jimo nkalata ya mingilo ya CO April 1, 2003. Umvwe kemwisambe palagalafu 7, lumbululai mwingilo wa munembeshi wa kukwatankanya bya kupwila kwa nkambi mu kipwilo. Tundaikai bonse na lusekelo kunengezhezha jimo kukatanwa ku kupwila kwa nkambi.

Mamini. 20: ‘Kitambulai’c Ipuzhaipo umo nangwa babiji babena kwingijisha kimye kyabo bulongo kyo bakyangye kutwela mu masongola na kutwajilamo palutwe mwingilo wa Bufumu. Bepuzhai bambe bintu bibakwasha kwikala balusekelo mu mwingilo wabo.

Lwimbo 35 ne lulombelo lwa kupezhako.

Mulungu Wakutendeka April 28

Lwimbo 51

Mamini. 10: Byakubijika bya pa kipwilo. Vululaiko basapwishi kuleta sawakya wa mwingilo wa April. Kwingijisha mashinda apelako abiji aji pa peja 8, mweshai bimwesho bibiji mwakutambikila magazini ya Kyamba kya Usopa, kya May 1.

Mamini. 15: “Kupwila kwa Nkambi kwa Bakamonyi Bakwa Yehoba kwa ‘Pai Lesa Lukumo’ kwa mu 2003.” Mukulumpe utangijila mu kipwilo nangwa mukulumpe mukwabo wafikapo atangijile mwisambo wa kwisamba na luonde wa kya mukachi kya palagalafu 8-12. Kwesakana na kimye kyo muji nakyo tangai binembelo ne ma palagalafu ashinkamika mokyafwainwa kwikela ko ko kwenu. Lumbululai biji mu kabokoshi pa peja 3 ne byambo biji pa ka mutwe ka yukai’mba pa peja 5.

Mamini. 20: “Kubwelako, Kuleta Mafunjisho a Baibolo.”d Jambiwe na mukulumpe mu kipwilo kwingijisha mepuzho ajimo. Lombai luonde kwambapo bimo byamwekele mu mwingilo wa mu bujimi bibena kukosesha bishinka bibena kwambiwapo. Pa kwisamba palagalafu 5, ambaipo kimo kyamwekele mu nyaunda yenu kya lufunjisho lwa Baibolo byo lwatendekele.

Lwimbo 89 ne lulombelo lwa kupezhako.

Mulungu Wakutendeka May 5

Lwimbo 120

Mamini. 10: Byakubijika bya pa kipwilo. Mungipipishilo pitulukai mu mashinda aambiwepo mu Mwingilo Wetu wa Bufumu, wa April 2002 peja 2, pa jashi jajinga na mutwe wa kuba’mba: “Nengezhezhai Jimo.”

Mamini. 20: Kutanga 2003 Yearbook. Mwisambo wa ba mulume ne mukazhi. Mulume alumbulule kuba’mba Yearbook itanshi yalupwilwe mu 1927 kabiji pabapite ne myaka kukila 70 munembwa ne sawakya wa ntanda yonse wa Bakamonyi bakwa Yehoba. Besambile pamo bibelengelo biji mu sawakya. Batundaike bisemi kutanganga uno buku yense pa juba pa juba ne kumupwisha pa kupwa kwa mwaka. Kabiji bamweshepo ne mashinda amo mwakwingijishisha uno buku pa kuleta bakatataka mu Jibumba ja Yehoba ne kutanwanga ku kupwila (Nengezhezhai jimo bamo bashimikizhepo masawakya ne bintu byamwekele byobamona kuba’mba bya lutundaiko kabiji bikosesha lwitabilo). Umvwe Yearbook mufwaye, ingijishai ano maminiti 15 kwamba jashi ja lukatazho lomuji nalo pa kipwilo.

Mamini. 15: Sawakya Wawama Uleta Bingi Lusekelo. (Mana. 15:30) Kwisamba na luonde na kulumbulula byaingijile kipwilo mu ñondo wa March ne April. Lombai kipwilo kushimikizha bintu byamwekele byalutundaiko mu bino bintu: (1) Byo bakwashishe muntu uji na lusekelo lwa kukeba kufunda kwiya na kutanwa ku Kivuluko, (2) byo baingijile mwingilo wa bupainiya bwa kukwasha, (3) byo bakwashishe musapwishi wakoka kutendeka kwingijila pamo na kipwilo, (4) byo bakwashishe wakatataka kutatula kusapwila, ne (5) byoatundaikile lusekelo lwa bantu batainwe ku Kivuluko. Nengezhezhai jimo bamo kwambapo pa bino bishinka bimo bimo. Batakaikai ne kutundaika bonse kukengijisha mu uno mwingilo kulutwe na lwendo.

Lwimbo 126 ne lulombelo lwa kupezhako.

[Tubyambo twa mushi]