Byakubijika

◼ Mabuku akutambika mu June: Tambikai buku wa Kuyuka nangwa buloshuwa wa Nanchi Lesa Ukebaka. Umvwe bantu baji nao kala ano mabuku, mwakonsha kwibatambika mabuloshuwa akwabo o muji nao pa kipwilo. July ne August: Mwakonsha kutambika buloshuwa uji yense wa mapeja 32 nabiji: Bushe Lesa mu Cituntulu Alatusakamana?, Ilemenai Bumi Pano Pantanda Myaka Yonse!, “Moneni! Ifintu Fyonse Nafilenge Fipya,” Bushe Ulingile Ukusumina Muli Bulesa Butatu?, Ishina lya Bulesa Ilikatwalilila Kuli Pe na Pe, Kamfulumende Ukaleta Paradisa, Cinshi Cicitika Nga Twafwa?, What Is the Purpose of Life?—How Can You Find It? ne Ilyo Untu Watemwa Afwa. A Book for All People, A Satisfying Life—How to Attain It, Our Problems—Who Will Help Us Solve Them?, Mipashi ya Bafu Ya Konsha Kukukwashanyi Nangwa ku Kukozha? Nanchi Kine Koiji Nyi?, Mwakonsha Kwikala Balunda na Lesa! ne Mwijitana Jishinda Jaya Kubumi Bwamyakanyi? September: Mwakonsha kutambika mabuku aji onse akala o muji nao pa kipwilo.

◼ Kimye kyo muji mu mwingilo, mwakonsha kutana muntu washinka matwi. Umvwe ku yoyo mpunzha yenu kuji kipwilo muji jibumba jamba mulaka wa kwamba na maboko, mwafwainwa kulondela mukambizho uji mu nkalata ya March 20, 2000 yatuminwe ku bipwilo byonse. Ino nkalata yalondolola’mba: “Nembai mazhina a bantu bonse pa pepala wa ‘Twapaapaata Fwayeni Uyu Muntu’ kikale baji mu nyaunda ya kipwilo kyenu nangwa ya kipwilo kingi bamba mulaka ungi, kuvwangako ne bamba mulaka wa kwamba na maboko. Kano kapepala ke kakunembapotu mazhina a bantu ba iwe mutundu nangwa kyakuba kechi bamwesha lusekelo mu mambo a Bufumu ne... . Panyuma ya kunemba mazhina pa kano kapepala ka ‘Twapaapaata Fwayeni Uyu Muntu,’ mwafwainwa anwe bene kwikapana ku munembeshi nangwa kwikabikatu mu kabokoshi kakubikamo masawakya a mwingilo wa mu bujimi kaji mu Nzubo ya Bufumu.” Umvwe musapwishi yense ke obe bino, bipwilo muji bantu bamba mulaka wa kwamba na maboko bikanemba mutanchi wa mazhina a bantu banshinka matwi baji mu nyaunda yabyo.

◼ Pakuba’mba kitukwasheko kunengezha ne kukemba nyimbo bulongo pa Kupwila kwa nkambi kwa uno mwaka kwa “Pai Lesa Lukumo,” aye nyimbo yo yasalululwa kukembiwa: 4, 12, 18, 59, 63, 79, 92, 96, 111, 113, 157, 160, 164, 175, 193, 201, 202, ne 212. Bakulumpe mu kipwilo bafwainwa kunengezha kuba’mba kipwilo kipitulukilengamo jimo mu ino nyimbo. Twayai atweba bonse tupitulukilengamo jimo bulongo mu ino nyimbo kuba’mba tukembe nyimbo ya kumutota Yehoba na bulume ne na kizaku.