Mutanchi Wakupwila Kwamwingilo

YUKAI’MBA: Mwingilo Wetu wa Bufumu ukatwajijila byonkabye kutanchika mutanchi wa Kupwila kwa Mwingilo mu mulungu ne mulungu mu kipungu kya kupwila kwa nkambi. Bipwilo byafwainwa kupimpula mutanchi wabyo wa kupwila pakuba’mba bikatanwe ku Kupwila kwa Nkambi kwa “Pai Lesa Lukumo.” Umvwe kyakonsheka, ingijishai maminiti 15 pa Kupwila kwa Mwingilo kwapelako saka mukyangye kuya na kukatanwa ku kupwila kwa nkambi kuba’mba mupituluke jibiji mu lujimuno lwingila koko kwenu luji mu kya mukachi kya uno ñondo. Mu ñondo wa October, Kupwila konse kwa Mwingilo kukatanchikwa kuba’mba tukapituluke mu bishinka bikatampe byaambiwe mu majashi pa kupwila kwa nkambi. Pakuba’mba tukapituluke mu bino bishinka, atweba bonse twafwainwa kukanembanga bishinka bikatampe bikambiwanga pa kupwila kwa nkambi, ne byotukamona kuba’mba byakonsha kwitukwasha mu bwikalo bwetu ne mu mwingilo wa mu bujimi. Apa bino bakwetu bakakoseshiwe pa kwibalumbulwila byotwaingijisha bino bishinka kufuma kimye kyotwatainwe ku kupwila kwa nkambi.

Mulungu Wakutendeka July 14

Lwimbo 25

Mamini. 10: Byakubijika bya pa kipwilo. Byakubijika byasalululwa mu Mwingilo Wetu wa Bufumu. Kwingijisha mashinda abiji aji pa peja 8, mweshai bimwesho bibiji mwakutambikila magazini ya Kyamba kya Usopa, kya August 1.

Mamini. 15: “Kupwila Pamo na Kutota Yehoba.”a Ipuzhai mepuzho anembwa. Tundaikai bonse kukatanwa ku bipungu byonse, kutendekatu lukelo lwa juba jitanshi kufika ne ku mabanga a juba ja busatu. Ambishai buneme bwa kulondela byo tufunda kukila kumvwatu. Ambaipo byambo byaambiwapo peulu po, pa mambo a mutanchi wa Kupwila kwa Mwingilo kwa mu October kimye kyo kukekala kupitulukamo mu bishinka bikatampe bya majashi a pa kupwila kwa nkambi. Tundaikai bonse kukanembanga bishinka bikatampe.

Mamini. :20 “Kusanchila Lesa pa Lusa Lwanji.”b Pa kwisamba palagalafu 3, ambaipo mashinda amo mwa kutendekela mutanchi wa kutwajila bantu magazini, kwingijisha byambo biji mu Mwingilo Wetu wa Bufumu wa October 1998, peja 8, wa Kibemba. Ipuzhaipo musapwishi wabambakana umo nangwa babiji kwambapo jishinda jo batana kuba’mba jo jawama kutendekelamo mafunjisho a Baibolo. Tundaikai bonse kwibikila kikonkwanyi kya kwikalapo na muntu wakufunjisha lufunjisho lwa Baibolo. —om-CW pe. 91.

Lwimbo 176 ne lulombelo lwa kupezhako.

Mulungu Wakutendeka July 21

Lwimbo 120

Mamini. 10: Byakubijika bya pa kipwilo. Sawakya wa maakaunti.

Mamini. 10 “Kupwila kwa Kijiiji Kubena Kwiya.” Jashi ne kwisamba na luonde. Bijikai juba ja kupwila kwa kijiiji kubena kwiya. Umvwe kipwilo kikekala na kupwila kwa kijiiji saka kukiji bañondo bacheche kulutwe, ambai kuba’mba aba bonse bakeba kubatizwa, bafwainwa kubuula mukulumpe utangijila mu kipwilo. Koseshai bonse kukatanwako ku bipungu byonse ne kuketako bantu bo bafunjisha Baibolo.

Mamini. 25: “Mvwajilo Yafwainwa Ipana Mushingi kwi Yehoba.”c Jambiwe na mukulumpe mu kipwilo. Ipuzhai mepuzho anembwa. Tongolaipo mulongo umo wayukisha kutanga kuba’mba atangenga palagalafu imo imo na jiwi jasansuka.

Lwimbo 35 ne lulombelo lwa kupezhako.

Mulungu Wakutendeka July 28

Lwimbo 51

Mamini. 5: Byakubijika bya pa kipwilo. Vululaiko basapwishi kuleta masawakya a mwingilo wa mu bujimi wa July. Kwingijisha mashinda abiji apelako aji pa peja 8, mweshai bimwesho bibiji mwakutambikila Kyamba kya Usopa, kya August 1. Kimwesho kimo kikale kya musapwishi ubena kusapwila busapwishi bwa kushukilwa.

Mamini. 15: “Ikalai Bakumwenako ba Mingilo Yawama.”d Ipuzhai mepuzho anembwa. Lumbululai buneme bwa kulondela mikambizho yapanyiwa ne kuba’mba tumwenemo. Londololai ene mambo o kyanemena atweba bonse pa muntu pa muntu kumwesha byubilo byawama.

Mamini. 15: “Kwingijila Pamo na Bakwetu Kuleta Bingi Lusekelo.”e Pa kwisamba palagalafu 3, ambaipo ne byambo biji mu Kabokoshi ka Mepuzho mu Mwingilo Wetu wa Bufumu wa September 2001. Ipuzhaiko pacheche mukulumpe wa Lufunjisho lwa Buku pa Kipwilo pa mambo a mutanchi wa mwingilo ye atanchika na jibumba janji ja lufunjisho lwa buku ne jibumba byo jibena kumwenamo mu kwingijila pamo.

Mamini. 10: “Ikwashainga Anwe Bene na Bene Kwingilanga Kimye Kyonse.” Jambiwe na mukulumpe utangijila mu kipwilo. Mwisambo wakaba wa kwisamba pa byo tubena kukebesha kwingila mu August. Tundaikai bonse mu kipwilo kwingila na ngovu kuba’mba bakafikizhe kikonkwanyi kyabo kya kwingilako pabaya mu uno ñondo. Londololai mutanchi watanchikwa wa kukwasha basapwishi babulanga kuyayaya mu mwingilo kunyuma kwe. Nanchi bonse bakonsha kukoseshiwa byepi kwingilanga pabaya pa ñondo pa ñondo? Nga basapwishi bakosa bafwainwa kukwasha byepi bakwabo? Kimye kyo muji pa lwendo lwa kuya ku kupwila kwa nkambi, ingijishai kino kimye kusapwila ku bantu.

Lwimbo 89 ne lulombelo lwa kupezhako.

Mulungu Wakutendeka August 4

Lwimbo 178

Mamini. 10: Byakubijika bya pa kipwilo. Tongolai mabuku akutambika uno ñondo. Mweshaipo kimwesho kimo nangwa bibiji kumwesha byakuba pakutambika ano mabuku.

Mamini. 20: “Kushajika Mabuku mu Nyaunda Muji Bantu Bamba Milaka Ingi.”f Ipuzhai mepuzho anembwa. Pa kwisamba palagalafu 3, mweshaipo ka kimwesho kepi ka kutambika buku ku muntu wamba mulaka ungi wambiwa mu nyaunda yenu bino kafwako kipwilo kipwila mu yeo mulaka ne.—Km-KD 7/02 pe. 1 pala. 4.

Mamini. 15: Bakyanyike Babena Kutakaika Yehoba! Jashi ja kwisamba na luonde ne kwipuzhapo bamo. Kituletela bingi lusekelo byotumvwa pa kupwila bakyanyike sa bakumbula mikumbu yobanengezha bulongo. Kabiji kitusangajika bingi pa kumona byo bebikako kunengezha bulongo ne kununguluka mu Sukulu ya Mwingilo wa Teokalasi. Bamwesha lwitabilo lwakine kine byo basapwila bulongo mu mwingilo. Byubilo byabo bya kunemeka Lesa bimuletela lukumo. (yb88 mape. 53-4) Kununguluka kwabo kwa ku mupashi kwala kitendekesho kya kwingila mingilo mu kipwilo kulutwe na lwendo. Ipuzhaiko pacheche bakyanyike ba bwina Kilishitu babiji nangwa basatu bekala na lusekelo pa kwingila mingilo ya kipwilo kimye kyonse. Basanchilai bakyanyike mu kipwilo pa mingilo yabo yobengila na ngovu ya kutota Yehoba.

Lwimbo 49 ne lulombelo lwa kupezhako.

[Tubyambo twa mushi]

Watwajijila pa peja 7

Kupwila kwa Mwingilo (kufuma pa peja 2)