Mutanchi Wakupwila Kwamwingilo

Mulungu Wakutendeka August 11

Lwimbo 101

Mamini. 10: Byakubijika bya pa kipwilo. Byakubijika byasalululwa mu Mwingilo Wetu wa Bufumu. Kwingijisha mashinda atanshi abiji aji pa peja 8, mweshai bya kutambika Kyamba kya Usopa kya September 1. Mu kimwesho kimo, mweshai jishinda japusanako ja kukumbwilamo bantu bachibikizha mwisambo bamba’mba: ‘Ndi uwapamfiwa.’—Monai buku wa Ukupelulula, peja 19.

Mamini. 15: “Londai Buwame bwa Yehoba.”* Ipuzhai luonde kushimikizhapo pacheche bibamwekejile kimye byubilo byawama byo bamwesheshe ku bantu byo bibashinkwijile jishinda ja kutendekelamo kusapwila. Sanchilai kipwilo pa kwibikako kwabo kukwasha bakwabo ba mu lwitabilo.

Mamini. 20: “Mapesho Afuma mu Mwingilo wa Bupainiya.”a Ipuzhai mepuzho anembwa. Ipuzhaipo painiya umo nangwa babiji bashimikizhepo mapesho o batanamo mu kwingila mwingilo wa bupainiya. Ambai ne kuba’mba uji yense ukeba kwingilako mwingilo wa bupainiya wafwainwa kutambula pepala wa kwipuzhizhapo bupainiya ku munembeshi mu kipwilo.

Lwimbo 11 ne lulombelo lwa kupezhako.

Mulungu Wakutendeka August 18

Lwimbo 82

Mamini. 12: Byakubijika bya pa kipwilo. Sawakya wa maakaunti.

Mamini. 15: “Mwingilo Ukokolosha.”b Nengezhezhai jimo babiji nangwa basatu beye bashimikizhepo mwingilo wa bwina Kilishitu byoebakokolosha.

Mamini. 18: “Twayai Tusunge Bulongo Mapunzha Etu po Tupwila.”c (Mapalagalafu 1-5) Ipuzhai mepuzho anembwa. Pa kwisamba palagalafu 3 ne 4, pitulukaimo mu mutanchi wenu wa pa kipwilo wa kuwamisha Nzubo ya Bufumu. Ambaipo pa bintu biji byonse bibena kukebewa kwingijilapo. Sanchilai kipwilo pa kwibikako kwabo kwa kutwajijila kusunga kifulo kyawama kya bupopweshi bwa kine.

Lwimbo 114 ne lulombelo lwa kupezhako.

Mulungu Wakutendeka August 25

Lwimbo 175

Mamini. 10: Byakubijika bya pa kipwilo. Kwingijisha mashinda apelako abiji aji pa peja 8, mweshai bya kutambika Kyamba kya Usopa kya September 1. Mu bimwesho byonse bibiji, nsemi ne mwananji wamulume nangwa wamukazhi bamweshe patanshi saka babena kunengezha bya kutambika magazini mu mwingilo. Patanshi bapitulukemo mu byakwamba pa kutambika magazini apa bino bamweshe kimwesho kine.

Mamini. 15: Lukatazho lomuji nalo pa kipwilo.

Mamini. 20: “Twayai Tusunge Bulongo Mapunzha Etu po Tupwila.”d (Mapalagalafu 6-12) Ipuzhai mepuzho anembwa. Lumbululai buneme bwa kutwajijila kusunga Nzubo ya Bufumu na manono kwingijisha bishinka bikatampe biji mu kabokoshi kaji pa peja 5. Ambaipo pacheche ne sawakya wa Nzubo yenu ya Bufumu byoiji, ne kwamba mutanchi uji yense ye mwatanchika wa kwiiwamishanga.

Lwimbo 125 ne lulombelo lwa kupezhako.

Mulungu Wakutendeka September 1

Lwimbo 84

Mamini. 10: Byakubijika bya pa kipwilo. Vululaiko basapwishi kuleta masawakya a mwingilo wa mu bujimi wa August. Tongolai mabuku a kutambika mu September. Nengezhezhai jimo umo nangwa babiji kushimikizhapo byamwekele bya lutundaiko byo basapwijile busapwishi bwa kushukilwa mu kimye kya kupwila kwa nkambi, kimye kyo bajinga pa kukokoloka, nangwa pa bimyetu bikwabo.

Mamini. 15: Nanchi Mubwelako Umvwe Mwalaya Nyi? Jashi ne kwisamba na luonde kwingijisha byambo biji mu Mwingilo Wetu wa Bufumu wa Kibemba wa December 1996, pa peja 1, pa mutwe wakuba’mba, “Ni Bani Bakakutika ku Bukombe Bwesu,” ne wa May 1995, pa peja 2, pa mutwe wa kuba’mba, “Na Iwe Wine Kuti Waipakisha Ifya Kukumanya Fisuma!” Umvwe twatana bantu bamwesha lusekelo mu mwingilo wetu, javula tunengezha mutanchi wa kubwelako jibiji pa kuba’mba tukatwajijile mwisambo pa kimye kikwabo. Nanchi tubwelako umvwe twalaya nyi? Ambaipo mafunde amo a mu Baibolo afwainwa kwitutundaika kufikizha mulaye wetu. Ipuzhai luonde kwambapo mfweto yo batainemo pa kubwelako bukiji bukiji.

Mamini. 20: “Bafunjishai mu Bintu Byanengezha Lesa Bayuke.” Jashi ja kwisamba na luonde jambiwe na mukulumpe utangijila sukulu. (Monai buku wa Isukulu lya Butumikishi, pa peja 285.) Mwakonsha kutanga sawakya wa byo ibena kwenda sukulu ya kufunjisha bantu kutanga, kabiji mwafwainwa ne kutundaikako bakwabo kwiya na kutanwangako umvwe bakeba bukwasho bwa kukeba kuwamishako ntangilo yabo. Mwakonsha kwambapo ne pa bishinka byawama kabiji bikwashañana biji mu nkalata yatuminwe katataka ku mabumba a bakulumpe yaambilenga pa sukulu wa kufunjisha bantu kutanga. (Umvwe sukulu wa kufunjisha bantu kutanga kechi poaji nangwa kechi mulangulukapo amba akekalepo pa kipwilo kyenu ne, ingijishai kino kimye kyonse mu Sukulu ya Teokalasi.)

Lwimbo 41 ne lulombelo lwa kupezhako.

[Tubyambo twa mushi]