Mutanchi Wakupwila Kwamwingilo

Mulungu Wakutendeka October 13

Lwimbo 215

Mamini. 10: Byakubijika bya pa kipwilo ne Byakubijika byasalululwa mu Mwingilo Wetu wa Bufumu. Tundaikai bonse kupituluka mu byambo byo banembele pa Kupwila kwa Nkambi kwa “Pai Lesa Lukumo” kupichila mu kwingijisha mepuzho aji pa peja 1 kuba’mba bakenengezhe kukumbulapo pa kupitulukamo mu majashi pa Kupwila kwa Mwingilo mulungu wiya. Kwingijisha mashinda atanshi abiji aji pa peja 8, mweshai bya kutambika Kyamba kya Usopa kya November 1. Mu kimwesho kimo, mweshai amba mwabwela ku muntu ye mwashijile magazini. Mumweshai kabokoshi ka “Biji Mukikalondelapo” mwale kitendekesho kya kuba’mba mukabweleko ne jikwabo.—Monai Mwingilo Wetu wa Bufumu wa October 1998, wa Kibemba, pe. 8, mapala. 7-8.

Mamini. 20: “Ingijilai Yehoba na Lusekelo.”a (Mu jino jashi, bonse bafwainwa kwikala na kyamukachi kya Mwingilo Wetu wa Bufumu wa January 2002.) Panyuma ya kwisamba palagalafu 4, ambai’mba mu November tukatambikanga buloshuwa wa Nanchi Lesa Ukebaka? ne buku wa Kuyuka. Lumbululaiko pacheche jishinda jimo jiji mu kyamukachi kya Mwingilo Wetu wa Bufumu wa January 2002. Apa bino mumweshepo kimwesho kyakwatankana na jino jishinda ja kutambikilamo. Tundaikai bonse kunengezha bulongo umvwe ke baye mu busapwishi.

Mamini. 15: Kufunjisha Mafunjisho a Baibolo Kuleta Bingi Mfweto. Jashi ne kwisamba na luonde. Ambaipo byakumwenako bimo biji mu mabuku etu byaamba pa mafunjisho a Baibolo akomenako. (w99-CW 1/1 pe. 4; yb98 mape. 55-60) Ipuzhai luonde lwambepo pa byo tufunjilako ku byakumwenako ne byo tumwenamo mu kufunjisha mafunjisho a Baibolo.

Lwimbo 172 ne lulombelo lwa kupezhako.

Mulungu Wakutendeka October 20

Lwimbo 86

Mamini. 5: Byakubijika bya pa kipwilo.

Mamini. 40: “Kupwila kwa Nkambi ne kwa Mikoka Kwitutundaika Kupa Lesa Lukumo!” Jambiwe na mukulumpe mu kipwilo. Panyuma ya kwambapo byambo bya kutatwilapo pa miniti umo ne kubwela panshi, tendekai kwisamba na luonde pa majashi a kupwila kwa nkambi kwajingako kwingijisha mepuzho aji mu kino kibaba. Ingijishai bulongo kimye kuba’mba mukonshe kushikisha mepuzho onse, kampe mwakonshatu kuswisha luonde ku kumbula mukumbu umo mu mepuzho amo amo. Kechi binembelo byonse byafwainwa kutangiwa mu kino kimye kyapanyiwa ne; bino binembelo byanembwa kuba’mba kipeleko kutana mikumbu. Mikumbu yafwainwa kushinkamana pa buneme bwa kwingijisha bintu byafunjiwe.

Lwimbo 112 ne lulombelo lwa kupezhako.

Mulungu Wakutendeka October 27

Lwimbo 64

Mamini. 12: Byakubijika bya pa kipwilo. Sawakya wa maakaunti. Vululaiko basapwishi kuleta masawakya a mwingilo wa mu bujimi a October. Tundaikai bonse kupituluka mu byambo byo banembele pa juba ja kupwila kwiikajila kwa mwaka wa mwingilo wapwa kuba’mba banengezhe bikafunjiwa pa Kupwila kwa Mwingilo mulungu wiya. Kwingijisha mashinda apelako abiji aji pa peja 8, mweshai bya kutambika Kyamba kya Usopa kya November 1. Mu kimwesho kimo, mweshai bya kwisamba na muntu waamba’mba “Nshili Uwasekelela.” —Monai buku wa Ukupelulula, pe. 16.

Mamini. 20: Ingijishai Mpoko ya ku Mupashi. (Efisesa 6:17, NW) Kwisamba na luonde kwingijisha byambo biji mu buku wa Isukulu lya Butumikishi mapeja 143-4. Ipuzhai luonde ano mepuzho: (1) Mambo ka o twingijishisha Baibolo pa kukumbula mepuzho? (2) Jizhina ja kuba’mba Bakamonyi bakwa Yehoba jimwesha ka pe atweba? (3) Kyakumwenako ka kyoamwesheshe Yesu, kabiji twakonsha kumulonda byepi? (4) Mashinda ka amo awama a kutendekelamo mwisambo wa mu Baibolo mu nyaunda yenu? (5) Kyawamina ka kutanga mu Baibolo kimye kyo mubena kwisamba umvwe kyakonsheka? (6) Bakulumpe mu kipwilo bakonsha kukwasha byepi bakwabo bya kwingijisha Baibolo? Musapwishi wayuka bulongo amweshepo kimwesho kimo kyawama kwesakana na mwingilo wa kuba uji pa peja 144, kya kutangapo kinembelo nangwatu kimo mu kukumbula jipuzho. Tundaikai bonse kwibikila kikonkwanyi kya kwingijisha Baibolo kimye kyonse kyo babena kusapwila.

Mamini. 13: Byamwekele. Ipuzhai luonde lushimikizhepo byamwekele bibasangajikile kimye kya kupwila kwa nkambi nangwa kimyetu kikwabo kyo basapwijilenga busapwishi bwa kushukilwa pa nkito, pa sukulu, nangwa kukwabotu.

Lwimbo 52 ne lulombelo lwa kupezhako.

Mulungu Wakutendeka November 3

Lwimbo 147

Mamini. 5: Byakubijika bya pa kipwilo.

Mamini. 15: Isambai pa sawakya wa mwingilo wa June wa mu kino kyalo. Esakanyai uno sawakya na sawakya wa mwingilo uji mu Mwingilo Wetu wa Bufumu wa October 2002. Basanchilai basapwishi ne kwibatundaika mu mbaji mubena kukebewa kwibikako. Ambai ne pa kinembelo kya mwaka byo kyakonsha kwitukwasha kufwenya kwipi ne Lesa byo tubena kutabankana na mingilo ya bwina Kilishitu, nabiji kusapwila mambo awama ne kutanwa ku kupwila. (Yako. 4:8) Ambaipo kipwilo kyenu byo kibena kununguluka. Tongolai kibelengelo kya basapwishi, kibelengelo kya bakatataka (umvwe mo baji), bapainiya ba kimye kyonse, bapainiya ba kukwasha, ne kibelengelo kya babatizwe pa kupwila kwa nkambi.

Mamini. 25: Ikalai Banonshi ba mu Mingilo Yawama. (1 Timoti 6:18) Kwingijisha mepuzho anembwa, mukulumpe mu kipwilo atangijile mwisambo wa kwisamba na luonde wa kupituluka mu majashi a juba ja kupwila kwiikajila kwajingako. Ipuzhai luonde kushimikizha byo babena kwingijisha byambo byo bafunjile. (Mwakonsha kwibapela jimo lubaji lobakakumbulapo saka kukiji kimye.) Lumbululai ino mbanji ya majashi alondelapo: (1) “Kwingila Mingilo Yawama Mufuma Mfweto Ikatampe.” (Sapwi. 2:11) Mambo ka bakalume ba Lesa kyo basajilapo kwingila mingilo yawama yanembwa mu Byambo bya Lesa kukila kwingila mingilo yatutu ya ino ntanda? (2) “Ikalai Banonshi kwi Lesa.” (Mat. 6:20) Nga bamo ‘bebikila byepi nsabo mwiulu,’ kabiji mfweto ka yafumamo? (3) “Kwikala na Lufunjisho lwa Baibolo Kwitulengela Kwikala Nalusekelo Mumwingilo.” (om pe. 91) Kika kyakonsha kwitukwasha kutatula ne kufunjisha mafunjisho a Baibolo? (4) “Mingilo Yawama Mukino Kimye Kyakunowa.” (Mat. 13:37-39) Kyakumwenako ka kya mingilo yawama yaingijile bena Kilishitu batanshi, kabiji mwingilo wa Bufumu wayilako byepi palutwe mu ano moba etu? (5) “Mingilo Yenu Yawama Itumbijikenga Yehoba.” (Mat. 5:14-16) Nga bamo ‘bamwesha byepi kyeya kyabo’? (6) “Kutakaika Bakyanyike Pamingilo Yawama Yobabena Kwingila Yakutota Yehoba.” (Sala. 148:12, 13) Banyike ba bwina Kilishitu baji mu kijiiji kyetu babena kutakaika byepi Yehoba? (7) “Twajijilai Kwingila Mingilo Yawama Mumonenga Mapesho a Yehoba.” (Mana. 10:22) Byo twatabankana na mingilo yawama, mapesho ka o tumwenamo pa muntu pa muntu, mu kisemi, mu kipwilo, ne mu bujibumba kuzhokoloka ntanda yonse?

Lwimbo 180 ne lulombelo lwa kupezhako.

[Tubyambo twa mushi]