Mutanchi Wa Kupwila Kwa Mwingilo

Mulungu wa Kutendeka March 8

Lwimbo 37

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Vululaiko bonse kusenda buloshuwa wa katataka wa ‘Monai Kyalo Kyawama’ pa Kupwila kwa Mwingilo kwa mulungu wiya. Kwingijisha mashinda atanshi abiji aji pa peja 8, mweshai bya kushajika Kyamba kya Usopa kya April 1.

Mamini. 15: Kwingijisha Matalakiti Kutatwilamo Misambo. Kwisamba na luonde. Javula lubaji lwakosa pa kusapwila, ke pa kutatwila mwisambo. Matalakiti akonsha kwingijishiwa kutatwilamo mwisambo mu busapwishi bwa ku nzubo ne nzubo, mu nyaunda ya busulu, ne mapunzha mu kinsankena bantu. Pitulukaimo pacheche mu matalakiti abiji nangwa asatu akonsha kuletela bantu kizaku mu nyaunda yenu. Byambo ka bya kutatwilapo byo mwakonsha kwamba umvwe mubena kushajika ano matalakiti? Mwakonsha kupana byepi bya kumwenako? Mepuzho ka o mwakonsha kushikisha bulongo? Shilai palagalafu mu talakiti iji yonse yo mwakonsha kwisambapo umvwe mwina nzubo wamwesha lusekelo. Mweshaipo kimwesho kya bya kutatula mwisambo kwingijisha talakiti. Musapwishi esambepo na umo pacheche palagalafu imo mu talakiti, kepo mu kupezhako ashajike buku wa Kuyuka.

Mamini. 20: “Mutemwai Yehoba, Anweba Bazhijikwa Banji Bonse.”a Pa kwisamba palagalafu 3, ipuzhai luonde lwambepo pa byo baitako bantu Kukivuluko.

Lwimbo 131 ne lulombelo lwa kupezhako.

Mulungu wa Kutendeka March 15

Lwimbo 121

Mamini. 10: Bya kubijika bya pa kipwilo. Pitulukaimo mu bishinka bikatampe “Bya Kuvululako bya pa Kivuluko.” Bijikai juba jikekalako kupwila kwa Lufunjisho lwa Kyamba kya Usopa mu mulungu wa Kivuluko.

Mamini. 15: Kwambapo pa Mwingilo Wiikajila wa mu Kimye kya Kunangijila ku Kivuluko. Kwisamba na luonde. Jambiwe na mukulumpe utangijila mwingilo. Tongolai lunengezho lwiikajila lo mwanengezha. Shimikizhaipo bya kumwenako bimo bitundaikañana. Tundaikai bonse bakonsha kunembesha bupainiya bwa kukwasha mu April ne May. Pitulukaimo pacheche mu bishinka biji mu kya mukachi kiji mu Mwingilo Wetu wa Bufumu wa February.

Mamini. 20: Kumwenamo mu buloshuwa wa ‘Monai Kyalo Kyawama.’ Uno buloshuwa wakatataka wakonsha kwitulengela kumvwisha Byambo bya Lesa kimye kyo tubena kutanga ne kufunda. Pajitu nkama ke pa kwingisha mutanchi wa kuyukilako biji mu ma mapu kyapwa. Tangai Isaya 63:1 palumbulula Yehoba saafuma ku Bozula. Ambilai bonse batane paikela Bozula pa mutanchi wa kuyukilako biji mu ma mapu mu buloshuwa wa ‘Monai Kyalo Kyawama.’ Lumbululai mwatala “Bozula 11 G11,” kwingijisha kabokoshi kaji pa peja 34, ne kutana paikela Bozula ne Edomu pa mapu yamweshiwa. Kwingijisha mutanchi wa kuyukilako biji mu ma mapu, tanai jishinda jaendelemo Yesu kufuma ku Yelusalema kuya ku Saikala. (Yoano 4:3-5) Ubai kintutu kimo mutane paikela Kizhiba kya Beteseda. (Yoano 5:1-3) Tolaimo kya kumwenako kikwabo kimo nangwa bibiji mu Kutanga Baibolo kwa Mulungu ne Mulungu mu Sukulu ya Mwingilo wa Teokalasi. Ambilai luonde lwambepo pakonsha kutanwa oo mapunzha mu buloshuwa ne byotwakonsha kumwenamo mu kwingijisha ano ma mapu. Lumbululaiko pacheche pa ma mapu amo amo aji mu buloshuwa ne kumwesha bimye byapichilepo. Mapu iji pa mapeja 18-19 yamwesha mapunzha avula bingi atanyiwa mu Baibolo. Tundaikai bonse kwingijisha bulongo uno buloshuwa wa ‘Monai Kyalo Kyawama.’

Lwimbo 63 ne lulombelo lwa kupezhako.

Mulungu wa Kutendeka March 22

Lwimbo 191

Mamini. 10: Bya kubijika bya pa kipwilo. Sawakya wa maakaunti. Vululaiko bonse kulondela mutanchi wa kutanga Baibolo mu Moba a Kunangijila ku Kivuluko a March 30–April 4, byonka byoatanchikwa mu Kubalaulabalaula Binembelo pa Juba pa Juba—2004 ne pa Kalenda wa 2004.

Mamini. 15: Bibena kukebewa pa kipwilo.

Mamini. 20: “Kulukuka Kwa Na Bambili Ko Mwavwangiwamo.”b Umvwe kimye kokiji, tangai ne kwisambapo pa binembelo bijimo.

Lwimbo 181 ne lulombelo lwa kupezhako.

Mulungu wa Kutendeka March 29

Lwimbo 129

Mamini. 10: Bya kubijika bya pa kipwilo. Vululaiko basapwishi kupana masawakya abo a mwingilo wa March. Tongolai mabuku a kushajika mu April. Kwingijisha mashinda abiji apelako pa peja 8, mweshai bya kushajika Kyamba kya Usopa kya April 1.

Mamini. 15: Ingijishai Bulongo 2004 Yearbook. Jashi ne kwisamba na luonde. Tongolai bishinka bikatampe biji mu “Nkalata Kufuma ku Jibumba Jitangijila,” bibelengelo bikatampe bya sawakya wa ntanda yonse, ne bya kumwenako bicheche bikosesha lwitabilo. Tundaikai bonse kutanga buku yense mu uno mwaka. Umvwe Yearbook mufwaye, tongolai bishinka bikatampe biji mu sawakya wa ntanda yonse uji mu Kyamba kya January 1, 2004.

Mamini. 20: “Kupwila kwa Nkambi kwa Bakamonyi ba kwa Yehoba kwa ‘Endainga na Lesa’ kwa mu 2004.” Jambiwe na munembeshi mu kipwilo. Panyuma ya kwisamba palagalafu 1, tangai nkalata ya mingilo ya kupwila kwa nkambi ya March 15, 2004. Tundaikai bonse kwinengezhezha jimo ku kupwila kwa nkambi bukiji bukiji.

Lwimbo 130 ne lulombelo lwa kupezhako.

Mulungu wa Kutendeka April 5

Lwimbo 126

Mamini. 10: Bya kubijika bya pa kipwilo.

Mamini. 20: Butooto bwa ku Mubiji Bwitulumbulula. Jashi kufuma mu Kyamba kya June 1, 2002, mapeja 27-29. Mweshaipo ne kimwesho na mukulumpe mu kipwilo ubena kumwesha painiya bya kukwasha bulongo mufunjishi wa Baibolo kumona byo kyanemena kulama nzubo yanji ne lubanza na butooto, kwingijisha palagalafu 5 mu lufunjisho 9 lwa buloshuwa wa Nanchi Lesa Ukebaka Kwiatweba?

Mamini. 15: Shimikizhaipo bya kumwenako bimusekeshe kimye kya Kivuluko ne mwingilo waingijiwe pakatampe mu March.

Lwimbo 25 ne lulombelo lwa kupezhako.

[Tubyambo twa mushi]