Mutanchi Wa Kupwila Kwa Mwingilo

Mulungu wa Kutendeka May 10

Lwimbo 193

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Umvwe mashinda atanshi abiji aji pa peja 4 akonsha kwingila mu nyaunda ya kipwilo kyenu, engijishai mumweshe bya kushajika Kyamba kya Usopa kya June 1. Mwakonsha kwingijishatu nangwa mashinda akwabo. Mu bimwesho byonse bibiji, mweshai jishinda japusanako ja kukumbwilamo muntu uchibikizha mwisambo wamba’mba ‘nji na bupopweshi bwami.’—Monai buku wa Ukupelulula, mapeja 18-19.

Mamini. 15: Nanchi Mwibabula Bakulumpe Benu ba Nkito Nyi? Jashi ne kwisamba na luonde jambiwe na mukulumpe mu kipwilo, kufuma pa mutwe waamba’mba “Bushe Mukasangwako?” mu Mwingilo Wetu wa Bufumu wa Kibemba wa May 2000 peja 5. Ambaipo ne byambo biji mu buku wa Isukulu lya Butumikishi, peja 67.

Mamini. 20: ‘Baishai Michima Yenu.’a Ambaipo ne byambo biji mu buku wa Popwelai Lesa, pa peja 150, palagalafu14.

Lwimbo 18 ne lulombelo lwa kupezhako

Mulungu wa Kutendeka May 17

Lwimbo 188

Mamini. 10: Bya kubijika bya pa kipwilo.

Mamini. 15: “Ikalai ba Michima ya Kusanta.”b Umvwe kimye ko kikiji, ambilai luonde bambepo pa binembelo byamweshiwa. Pa kwisamba palagalafu 3, ipuzhaipo umo nangwa babiji baingijileko katataka bupainiya bwa kukwasha bambepo pa mfweto yo batana mu uno mwingilo.

Mamini. 20: Twilama Atweba Bene na Bene. (1 Ko. 12:25, 26) Jashi ne kwisamba na luonde kufuma mu buku wa Abateyanishiwa, mapeja 157-9, pa kamutwe kaamba’mba “Ukwangwako kwa umo no Munankwe.” Nangwa kya kuba bantu ba Yehoba bekala monse mwapela ntanda, twakwatankana bingi. Atweba bonse twafwainwa kulombelangako balongo betu pa juba pa juba. Kabiji tupelawizha bingi kwikwasha bintu bya ku mubiji umvwe pakebewa bukwasho bwa bukiji bukiji. Tangai ne kwisamba pa binembelo byashinkamana pa uno mwisambo, kabiji ambaipo ne pa kyamwekele kimo nangwa bibiji biji mu mabuku etu.

Lwimbo 100 ne lulombelo lwa kupezhako.

Mulungu wa Kutendeka May 24

Lwimbo 128

Mamini. 12: Bya kubijika bya pa kipwilo. Sawakya wa maakaunti. Kwingijisha mashinda apelako abiji, mweshai bya kushajika Kyamba kya Usopa kya June 1. Mweshai kimwesho kimo kimo kuba’mba kizakule muchima wa muntu uya mu bupopweshi bungi bwa konkako kwenu.

Mamini. 15: “Nyimbo Isangajika Muchima.” Jashi ne kwisamba na luonde. Ambaipo ne byambo biji mu 2002 Yearbook, peja 175, ne Mwingilo Wetu wa Bufumu wa June 2001, peja 4.

Mamini. 18: Inengezhezhai Jimo Kusapwila Busapwishi bwa Kushukilwa. Jashi ne kwisamba na luonde kufuma mu Mwingilo Wetu wa Bufumu, wa June 2003, peja 3. Bujilai jimo bamo bakambepo byamwekele kimye kyo basapwijilenga busapwishi bwa kushukilwa. Mweshai ka kimwesho kepi ka byo mwakonsha kushajika talakiti wa Nanchi Mukeba Kuyuka Byavula pa Mambo a Baibolo Nyi? kimye kyo mubena kusapwila busapwishi bwa kushukilwa.

Lwimbo 211 ne lulombelo lwa kupezhako.

Mulungu wa Kutendeka May 31

Lwimbo 26

Mamini. 8: Bya kubijika bya pa kipwilo. Vululaiko basapwishi kuleta masawakya abo a mwingilo wa mu bujimi wa May.

Mamini. 17: Bumi—kya Bupe Kyafwainwa Kusungiwa Bulongo. Kwisamba na luonde kufuma mu buku wa Ukupelulula, mapeja 340-2. Ambaipo ne byambo biji mu Loleni! wa May 22, 1993, mapeja 10-11. Mwakonsha kulumbulula byepi Yehoba byo amona kufumya jivumo, ku muntu wamba’mba mwanamukazhi uji na lūsa lwa kwifuukwila mwine byo afwainwa kuba na mubiji wanji? Shimikizhaipo kimwesho kimo kiji mu Kyamba kya Usopa kya Kibemba kya January 1, 2000, peja 4, mapalagalafu 4-5.

Mamini. 20: “Kushajika Buku wa Sambilila Kuli Kasambilisha Mukalamba.” Tukashajikanga uno buku mu June. Tongaulaipo bintu bimo byaambiwapo pa peja 7, mapalagalafu 1-3, aji mu uno buku. Ipuzhai luonde bambepo buwame bobatana mu uno buku. Pitulukai mu mashinda amweshiwa a kushajikilamo uno buku. Londololai byo mwakonsha kwamba pa bipikichala kimye kyo mubena kushajika uno buku. Bulaipo mwanyike umo amweshe jishinda jitanshi, ne mukulumpe amweshe jishinda jimo pa o o ashala abiji. Umvwe kuji jishinda jikwabo japusanako na jino jakonsha kwingila bulongo mu nyaunda yenu, mwakonsha kwisambapo ne kwijimwesha mu kifulo kya kwingijisha ano aambiwapo kala.

Lwimbo 24 ne lulombelo lwa kupezhako.

Mulungu wa Kutendeka June 7

Lwimbo 136

Mamini. 10: Bya kubijika bya pa kipwilo. Isambai pa bishinka bikatampe biji pa kamutwe kaamba’mba: “Jishinda ja Kukwashishamo Bena Kengi.” Tongaulaipo milaka imo yambiwa mu nyaunda yenu.

Mamini. 15: Bibena Kukebewa pa Kipwilo.

Mamini. 20: Ingijishainga bya Kumwenako Bifika Bantu pa Michima mu byo Mufunjisha. Jashi ne kwisamba na luonde kufuma mu Kyamba kya Usopa kya September 1, 2002, mapeja 30-2. Ñanyi bishinka bina bilengela kimwesho kuwama? Kyawamina ka kwingijisha bimwesho byapela? Kwepi ko twakonsha kutana bimwesho byawama? Monai bya kumwenako bimo biji mu kabokoshi kaji pa peja 31, ne kwisambapo pakilengela kimwesho kuwama.

Lwimbo 133 ne lulombelo lwa kupezhako.

[Tubyambo twa mushi]