Mutanchi Wa Kupwila Kwa Mwingilo

Yukai’mba: Mu Mwingilo Wetu wa Bufumu mukatanchikwa Kupwila kwa Mwingilo byonka byo kutanchikwa jonse mulungu ne mulungu mu kimye kya kupwila kwa nkambi. Bipwilo byafwainwa kupimpula mutanchi wabyo kuba’mba bikatanwe ku Kupwila kwa Nkambi kwa “Endainga na Lesa”. Umvwe kyakonsheka ingijishai maminiti 15 apelako mu Kupwila kwa Mwingilo saka mukyangye kuya ku kupwila kwa nkambi kuba’mba mupituluke jibiji mu bishinka byakonsha kwingila koko kwenu biji mu kyamukachi kya uno ñondo. Mu ñondo wa Ntundwe, Kupwila kwa Mwingilo konse kukanengezhewa kuba’mba kukekale kupituluka mu bishinka byafunjiwe pa kupwila kwa nkambi. Mu kwinengezha ku uno mwisambo, atweba bonse twayai tukanembengako bishinka kimye kya kupwila kwa nkambi, kuvwangako ne bishinka byotwamona’mba tukebingijishanga atwe bene bunke mu bwikalo bwetu ne mu mwingilo wa mu bujimi. Apa bino tukakonshe kutundaika bakwetu mu kwibalondolwela byo twaingijisha ano mashinda.

Mulungu wa Kutendeka July 12

Lwimbo 93

Mamini. 12: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Kwingijisha mashinda atanshi abiji aji pa peja 8, mweshai bya kushajika Kyamba kya Usopa kya August 1. Mu kimwesho kimo, mweshai bya kushajika magazini ku muntu yemwasambakana mu jishinda wabula kuyuka bulongo kwamba mulaka wenu.

Mamini. 18: “Londai Buchibamambo bwaoloka bwa Yehoba.”a Umvwe kimye ko kikiji, ipuzhai luonde lwambepo pa binembelo byamweshiwa.

Mamini. 15: “Twayai Tutumbijike Jizhina Janji Bonse Pamo.”b Jambiwe na munembeshi mu kipwilo kwingijisha mepuzho anembwa. Tongolai kupwila kwa nkambi kwatongolwa kutanwa kipwilo kyenu. Bimye bya kupwila byatanchikwa mu kya mukachi kya Mwingilo Wetu wa Bufumu wa March 2004. Mwakonsha ne kwambapo bishinka bikwabo biji mu kino kya mukachi. Pezhaiko na kwipuzha mepuzho abiji nangwa asatu kwa kubula kwiakumbula kufuma mu kibaba kyaamba’mba “Kajo ka ku Mupashi pa Kimye Kyafwainwa,” kikafunjiwa mulungu wiya mu Kupwila kwa Mwingilo kuba’mba kibaletele mujojo.

Lwimbo 91 ne lulombelo lwa kupezhako.

Mulungu wa Kutendeka July 19

Lwimbo 55

Mamini. 10: Bya kubiji bya pa kipwilo. Isambai pa buneme bwa kukelwa kutanganga Baibolo pa juba pa juba, nangwa kya kuba mingilo itunyinga mukanda. Ambaipo ne byambo biji mu Kyamba kya Usopa kya Kibemba kya September 1, 1998, peja 17, mapalagalafu 15-17.

Mamini. 15: “Kajo ka ku Mupashi pa Kimye Kyafwainwa.”c Ipuzhai mepuzho anembwa. Pa kwisamba palagalafu 2, ipuzhaipo umo nangwa babiji mu luonde bambepo pacheche buwame bo bataine ku kupwila kwa nkambi kobatainwe ko bakivuluka. Pezhaiko na kwipuzha mepuzho abiji nangwa asatu kufuma mu kibaba kyaamba’mba “Ikalai Bazhila mu Misango Yonse ya Bwikalo Bwenu,” kikafunjiwa pa Kupwila kwa Mwingilo kwa mulungu wiya.

Mamini. 20: “Kufunjishanga Mafunjisho a Baibolo Anunguluka—Lubaji 1.” Jashi jambiwe na mukulumpe utangijila mwingilo. Ambilai luonde lwambepo pa byambo biji mu buku wa Proclaimers, mapeja 572-4, kulumbulula mwapita mwingilo wa lufunjisho lwa Baibolo mu ano moba. Tentemeshai mitwe ikwabo ikalondelangapo. Pa mitwe imo ikambiwangapo pakekala ikambanga pa bya kunengezha kufunjisha lufunjisho, bya kukwasha ufunda kuyuka bya kunengezha, kuvula kwa byambo byakonsha kwambiwapo, bya kwingijisha binembelo bulongo, bya kukumbula mepuzho aipuzha ubena kufunda, bya kulomba lulombelo ne bya kulumbulwila ubena kufunda kwiya mu jino jibumba. Tundaikai bonse kwingijisha ano mashinda apanyiwa ne kusunga bulongo bino bibaba bya kwingijisha kulutwe na lwendo.

Lwimbo 10 ne lulombelo lwa kupezhako.

Mulungu wa Kutendeka July 26

Lwimbo 216

Mamini. 12: Bya kubijika bya pa kipwilo. Sawakya wa maakaunti. Vululaiko basapwishi kupana masawakya abo a mwingilo wa July. Kwingijisha mashinda abiji apelako aji pa peja 8, mweshai bya kushajika Kyamba kya Usopa kya August 1. Mu kimwesho kimo kimo, mweshai jishinda japusanako ja kukumbwilamo bantu bamba’mba “Mulandu nshi imwe mwe bantu mutandalila libili libili”—Monai buku wa Ukupelulula, peja 20.

Mamini. 8: Kabokoshi ka Mepuzho. Jambiwe na mukulumpe mu kipwilo. Tangai ne kwisamba kibaba kyonse.

Mamini. 25: “Ikalai Bazhila mu Misango Yonse ya Bwikalo Bwenu”d Ipuzhai mepuzho anembwa. Ambilai luonde lwambepo pa byo bamona kuba’mba kwikala na byubilo byawama pa kupwila kwa nkambi kuleta lutotelo kwi Yehoba. Pezhaiko na kwipuzha mepuzho abiji nangwa asatu kufuma mu mutwe waamba’mba “Mwekelo Yawama Ilengela Muntu Kunemekwa,” ukafunjiwa mu Kupwila kwa Mwingilo kwa mulungu wiya.

Lwimbo 38 ne lulombelo lwa kupezhako.

Mulungu wa Kutendeka August 2

Lwimbo 32

Mamini. 8: Bya kubijika bya pa kipwilo.

Mamini. 22: “Bya Kusapwila mu Nyaunda ya Busulu.”e Ambai pa mutanchi ye mwatanchika wa kuya na kusapwila mu manyaunda a busulu. Mweshai bimwesho bibiji bipi mu mapalagalafu 4-5 nangwa ingijishai jishinda jikwabo jingila bulongo koko kwenu. Umvwe kimye ko kikiji, ambilai luonde lushimikizhepo bya kumwenako byawama byo bataine kimye kyo basapwijilenga mu nyaunda ya busulu.

Mamini. 15: “Mwekelo Yawama Ilengela Muntu Kunemekwa”f Ipuzhai mepuzho anembwa. Umvwe kimye ko kikiji, tangai ne kwisamba pa binembelo byamweshiwa.

Lwimbo 48 ne lulombelo lwa kupezhako.

[Tubyambo twa mushi]