Mutanchi Wa Kupwila Kwa Mwingilo

Mulungu wa Kutendeka November 8

Lwimbo 180

Mamini. 10: Bya kubijika bya pa kipwilo. Bya Kubijika byasalululwa mu Mwingilo Wetu wa Bufumu. Mukwekele wiikajila wa kushajika buloshuwa wa Labainga Mukenkentenga! ukapwa pa November 14. Moba akwabo akashalako mu November, tukashajikanga buku wa Sambilila Kuli Kasambilisha Mukalamba. Pitulukaimo pacheche mu mashinda aji mu Mwingilo Wetu wa Bufumu wa May 2004, peja 3.

Mamini. 15: Mwenaimo Pakatampe mu Kupwila kwa Mwingilo. Kwisamba na luonde kufuma mu buku wa Abateyanishiwa, mapeja 71-2. Mu ñanyi mashinda atanu Kupwila kwa Mwingilo mo kwitukwashisha atweba bena Kilishitu byo tuji ba mwingilo? Tongolai bya kumwenako biji mu mutanchi wa kupwila kwa yenka uno ñondo. Buwame ka buji mu kunengezhezha jimo? Mambo ka o twafwainwa kutanwangako kimye kyonse? Ñanyi Binembelo paimena kuno kupwila?

Mamini. 20: “Teshaiko Muchima!”a Vwangaimo ne byambo biji mu Kyamba kya Usopa kya Kibemba kya January 15, 2000, mapeja 12-13.

Lwimbo 19 ne lulombelo lwa kupezhako.

Mulungu wa Kutendeka November 15

Lwimbo 170

Mamini. 10: Bya kubijika bya pa kipwilo. Umvwe mashinda aji pa peja 4 engila mu nyaunda ya kipwilo kyenu, engijishai kumwesha bya kushajika Kyamba kya Usopa kya December 1. Mwakonsha kwingijisha ne mashinda akwabo engila bulongo.

Mamini. 15: Mwingilo byo Akwashiwa. Jashi kufuma mu buku wa Abateyanishiwa ku Kupwilikisha Ubutumikishi Bwesu, mapeja 124-26.

Mamini. 20: Bayishai Mujojo Kupichila mu Kwingijisha Buloshuwa Wakatataka. Jashi ne kwisamba na luonde jambiwe na mukulumpe utangijila mwingilo. Twafwainwa kubwelako na kubayisha mujojo ku bantu bonse batambwileko buloshuwa wa Labainga Mukenkentenga! Kwingijisha mutanchi wa bijimo uji pa peja 2, ambaiko pacheche biji mu uno buloshuwa, saka mukosela ku tubipungu twipi twipi (twatanchikwa pa tumitwe tucheche twanembwa mu bisopelo bikatampe byafichisha). Bino byambo byakonsha kwingijishiwa ku misambo ipi ikosesha bishinka byaambiwepo. Kya kumwenako, umvwe mapeja 3-4 oo mwisambilepo kimye kitanshi, ko kumvwa’mba kimye kikwabo kyo mukabwelako mwakonsha kwingijisha kipungu kyaamba’mba “Nanchi Lesa Kine Wata Muchima Bantu Nyi?” pa peja 5. Isambai kino byo kyakonsha kubiwa. Pitulukai mu bipungu bikwabo, nabiji byobya biji pa mapeja 6-8 ne 17-18 nangwa bipungu bikwabo byafwainwa kwingila bulongo mu nyaunda yenu. Mweshai kimwesho kya muntu ubena kubwelako, kwingijisha kipungu kiji kyonse. Mwafwainwa kutanga kinembelo kimo nangwa kukilapo pa byobyo byamweshiwa, apa bino ne kwisambapo. Musapwishi wapezhako kupichila mu kulumbulula kipungu kikwabo kyo bakesambapo kimye kikwabo kyo akabwelako.

Lwimbo 66 ne lulombelo lwa kupezhako.

Mulungu wa Kutendeka November 22

Lwimbo 199

Mamini. 10: Bya kubijika bya pa kipwilo. Sawakya wa maakaunti.

Mamini. 15: Bibena kukebewa pa kipwilo.

Mamini. 20: Kutatula Mafunjisho a Baibolo na Boba Batambwileko Buloshuwa Wakatataka. Jashi ne kwisamba na luonde jambiwe na mukulumpe utangijila mwingilo. Pitulukaimo pacheche mu kimwesho kya kubwela ku bamwesheshe lusekelo kyaubiwe mu Kupwila kwa Mwingilo kwafumako, kikatakata mutongole kipungu kyatongwelwe pa kupezhako kwa lolwa lwendo lwa kubwelako. Ingijishai musapwishi muntutu umo (umvwe kyakonsheka) engijishe byobyo byambo kumwesha kimwesho pa lwendo lwa kubwelako lwa bubiji. Musapwishi wabwela waingijisha byambo biji kunyuma ya nkupiko ya buloshuwa kutendekelamo lufunjisho lwa Baibolo, kabiji kwaikala ne lunengezho lwa kukafunda lufuunjisho 1 mu buloshuwa wa Nanchi Lesa Ukebaka pa lwendo lukwabo lwa kubwelako. Tundaikai bonse kutesha muchima kutatula mafunjisho a Baibolo na boba batambwileko kope wa Labainga Mukenkentenga!

Lwimbo 58 ne lulombelo lwa kupezhako.

Mulungu wa Kutendeka November 29

Lwimbo 23

Mamini. 10: Bya kubijika bya pa kipwilo. Vululaiko basapwishi kupana masawakya abo a mwingilo wa mu bujimi a November. Mweshai bya kushajika Kyamba kya Usopa kya December 1.

Mamini. 10: Kabokoshi ka Mepuzho. Jashi jambiwe na mukulumpe mu kipwilo.

Mamini. 25: “Kufunjishanga Mafunjisho a Baibolo Anunguluka—Lubaji 3.”b Ingijishai mepuzho anembwa. Panyuma ya kwisamba palagalafu 3, mweshaiko ne kimwesho kipi kya lufunjisho lwa Baibolo mu buloshuwa wa Nanchi Lesa Ukebaka, lufunjisho 5, palagalafu 1. Palagalafu yatangiwa kala kabiji ne jipuzho jakumbulwa. Ubena kufunjisha ne yebabena kufunjisha batanga ne kwisambila pamo Isaya 45:18 ne Musapwishi 1:4. Ubena kufunjisha waingijisha mepuzho apela a kulengela ubena kufunda kulondolola kinembelo kimo kimo byo kyakwatankana na kishinka kibena kwambiwapo.

Lwimbo 178 ne lulombelo lwa kupezhako.

Mulungu wa Kutendeka December 6

Lwimbo 96

Mamini. 10: Bya kubijika bya pa kipwilo. Tongolai mabuku a kushajika mu December. Mweshai kimwesho kimo nangwa bibiji byakonsha kwingijishiwa pa kushajika buku wa Umuntu Wakulisha.

Mamini. 20: “Nanchi Mwakonsha Kukwashañana Nyi?”c Ipuzhaipo musapwishi umo nangwa babiji basanchile pa bukwasho nangwa lutundaiko lwibatundaikile bakwabo.

Mamini. 15: Bya kumwenako bya konkako. Ambilai luonde lushimikizhe bya kumwenako byawama byo lwataine pa kubwela ku bobashijile buloshuwa wa Labainga Mukenkentenga! Nengezhezhai jimo kumwesha bino bya kumwenako byawama. Takaikai bonse pa kwingilako mu uno mukwekele wiikajila.

Lwimbo 101 ne lulombelo lwa kupezhako.

[Tubyambo twa mushi]