Bya Kubijika

◼ Mabuku a kushajika mu October 18–November 14: Kukekala mukwekele wiikajila wa kushajika buloshuwa wakatataka. November 15-30: Sambilila Kuli Kasambilisha Mukalamba. Umvwe bantu baamba’mba bafwabo baana, bashajikai buloshuwa wa Nanchi Lesa Ukebaka. Umvwe ke mwingijishe buloshuwa, tai muchima ku kutatula mafunjisho a Baibolo. December: Shajikai buku wa Umuntu Wakulisha Uwabalile Abako Uwa Mweo. Umvwe mufwaye mwakonsha kushajika buku wa Baibolo-Cebo ca kwa Lesa Nelyo ca Muntu? nangwa Icitabo Candi ca Malyashi ya mu Baibolo. January: Buku uji yense wa kala wa mapeja 192 nangwa uji yense wanembelwe mwaka wa 1990 saka akyangye kufika, wakonsha kushajikwa. Umvwe mufwao ano mabuku, mwane ipuzhai bipwilo byo mwatentakana nabyo umvwe bijipo na mabuku asubukapo a kala o mwakonsha kwingijisha. Bipwilo byabula mabuku a kala byafwainwa kushajika buku wa Ukusapika Lesa Ukwa Mutundu wa Muntu. February: Palameni Kuli Yehova. Umvwe uno buku mufwaye, mwakonsha kushajika Life—How Did It Get Here? By Evolution or by Creation? nangwa Ukusokolola—Akalume ka Kuko Kakalamba Nakapalama!

◼ Mukulumpe utangijila mu kipwilo nangwa mukwabo umo yeatongola wafwainwa kubala maakaunti a kipwilo pa December 1 nangwa bukiji bukiji panyuma ya jino juba. Umvwe muji na akaunti iikajila ku banki, nabiji ya mali a kuwamishisha pafwafwafwa nangwa a buntungi, mwafwainwa kunengezha kuba’mba mukayuke kibelengelo kya ano mali. Umvwe mwapwisha kubala, bijikai ku kipwilo pa kubijika sawakya wa maakaunti.

◼ Bipwilo byafwainwa kutatula kuoda mabaundi volyumu a Kyamba kya Usopa ne Loleni! a mwaka wa 2004 pamo na oda wa mabuku wa ñondo walondelapo. Ano mabaundi volyumu akekalakotu mu Kizungu. Pa mutanchi wa kupaikilapo mabuku pakanembwa’mba “Bibena kwiya panyuma,” poso kimye mabaundi volyumu kyo akatumwa. Mabaundi volyumu ke bipe bya oda wiikajila.

◼ Kutendeka mulungu wa May 23, 2005, tukafundanga mu buloshuwa wa Labainga Mukenkentenga! pa Lufunjisho lwa Buku pa Kipwilo.

◼ Kyanema bingi ofweshi wa musampi kwikala na makeyala ne manambala a lamya akatataka a bonse bakulumpe batangijila mu kipwilo ne banembeshi. Kimye kyonse umvwe keyala nangwa nambala ya lamya yapimpulwa, Kometi ya Mwingilo mu Kipwilo yafwainwa kusaina pepala ya Ukwalula Akeyala ka kwa Kangalila wa Kutangilila nelyo Kalemba (S-29), ne kutuma bukiji bukiji ku ofweshi wa musampi. Kino kyavwangamo ne makodi nambala a mapunzha.