Kupitulukamo Mu Sukulu Ya Mwingilo Wa Teokalasi
Ae mepuzho akekala a kwisamba mu Sukulu ya Mwingilo wa Teokalasi mu mulungu wa kutendeka February 28, 2005. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a milungu ya January 3 kufika ku February 28, 2005. [Yukaiˈmba: Pa mepuzho pabula mabuku mwakutana mikumbu, mwafwainwa kwipesela pesela anwe bene kutana mikumbu.—Monai buku wa Isukulu lya Butumikishi mape. 36-7.]
ÑAMBILO
1. Twafwainwa kuba byepi pa kuba’mba byambo byo tubena kwamba byumvwanyikishe? [be-CW pe. 226 pala. 1–pe. 227 pala. 1]
2. Ñanyi byambo byakonsha kukebewa kunungako byambo bikwabo bya kulumbulula? [be-CW pe. 227 mapala. 2-5]
3. Jishinda ka jakonsha kwitukwasha kwamba byambo byakonsha kufika pa michima ya bantu babena kwituteleka? [be-CW pe. 231 mapala. 1-3]
4. Twakonsha kuba byepi na kinembelo kyayukanyikilwa jimo ku bantu kyo twatanga pa kuba’mba kibakwashe? [be-CW pe. 231 mapala. 4-5]
5. Ki ka kyakonsha kufumamo umvwe saka tutundaika bantu babena kwituteleka kutesha muchima pa byambo biji mu jishimikila jayukanyikwa ja mu Baibolo? [be-CW pe. 232 mapala. 2-4]
JASHI NA. 1
6. Ki ka kyavwangiwa mu kufunjisha bantu ‘kwakamwa Lesa ne kulama mikambizho yanji’? (Sapwi. 12:13) [be-CW pe. 272 pala. 3-4]
7. Twakonsha kwamba byepi pa bumuntu bwa Lesa byo buji, kukila kwambatu pa jizhina janji ja Yehoba? (Yoe. 2:32) [be-CW pe. 274 pala 2-4]
8. Buneme ka buji mu kuyuka Yesu ne kushimuna bukine pe aye? (Yoa. 17:3) [be-CW pe. 275 pala. 4]
9. Mu ñanyi jishinda kwikala baitabilwa kwi Lesa ne kumvwisha Baibolo mo kwa kwatankena na kuyuka mwingilo wingila Yesu? [be-CW pe. 276 pala. 1]
10. Twakonsha kumwesha byepi amba kine twaketekela amba Yesu Kilishitu ye Mfumu? [be-CW pe. 277 pala. 4]
KUTANGA BAIBOLO KWA MULUNGU NE MULUNGU
11. Nanchi Shanja Abalahama, aye Tela, wapopwelanga bankishi nyi? (Yosh. 24:2)
12. Nanchi Gidiona wakankelwe kuchinchika kuba’mba engile mwingilo ye bamupele kwi Yehoba nyi? Mambo ka o mwakumbwila byobyo? (Mito. 6:25-27)
13. Twakonsha kufunjilako ka mu jishinda mo aubijile Gidiona ku kisaka kya bena Efelaimu? (Mito. 8:1-3)
14. Ki ka kyamweshiwe ku bantu ba mu Gibea pa kubula kwikala na muchima wa kubula kutambwila benyi? (Mito. 19:14, 15)
15. Umvwe ‘bonse pa muntu pa muntu baubilenga byonka bibawamijile ku meso abo bene,’ nanchi kino kyamwesheshenga amba kechi kwajinga mutende ne nyi? (Mito. 21:25)