Bya Kubijika

◼ Mabuku a kushajika mu February: Palameni Kuli Yehova. Umvwe uno buku mufwaye, mwakonsha kushajika Life—How Did It Get Here? By Evolution or by Creation? nangwa Ukusokolola—Akalume ka Kuko Kakalamba Nakapalama! March: Shajikai buloshuwa wa Labainga Mukenkentenga. Umvwe bantu bamwesha lusekelo lwa kine, bashilai buku wa Kuyuka ne kwingila na ngovu kutatula lufunjisho lwa Baibolo lwa pa nzubo. April ne May: Kyamba kya Usopa ne Loleni! Pa kubwelako, tai muchima pa kushajika buku wa Popwelai Lesa. Mulanguluko mwine wafwainwa kwikala wa kutatula lufunjisho lwa Baibolo, kikatakata na bantu bafunda kala buku wa Kuyuka nangwa buloshuwa wa Nanchi Lesa Ukebaka.

◼ Mukulumpe utangijila mu kipwilo nangwa mukwabo umo yeatongola wafwainwa kubala maakaunti a kipwilo pa March 1 nangwa bukiji bukiji panyuma ya jino juba. Umvwe muji na akaunti iikajila ku banki, nabiji ya mali a kuwamishisha pafwafwafwa nangwa a buntungi, mwafwainwa kunengezha kuba’mba mukayuke kibelengelo kya ano mali. Umvwe mwapwisha kubala, bijikai ku kipwilo pa kubijika sawakya wa maakaunti.

◼ Munembeshi ne utangijila mwingilo wa mu bujimi bafwainwa kupitulukamo mu mingilo ya bapainiya ba kimye kyonse. Umvwe paji bamo babena kutana lukatazho mu kufikizha maawala akebewa, bakulumpe bafwainwa kunengezhapo bukwasho bwa kwibakwasha. Pa mashinda mwakubila, pitulukai mu makalata atumwa pa mwaka pa mwaka a S-201.

◼ Jashi ja mvula bantu jiikajila ja mu kimye kya Kivuluko kya mu 2005 jikekala na mutwe waamba’mba “Mambo ka Yesu o Amanamijile ne Kufwa?” Monai kya kubijika kyabijikilwe mu Mwingilo Wetu wa Bufumu wa September 2004.

◼ Bonse bafwainwa kutanwako ku Kupwila kwa Mvula bantu pa Mulungu March 20 ku kya kubijika kiikajila pa mambo a lunengezho lukambiwa ku basapwishi.

◼ Ofweshi wa musampi kechi utumina musapwishi bunke bwanji oda wa mabuku o akeba ne. Mukulumpe utangijila mu kipwilo wafwainwa kunengezhanga mutanchi wa kubijika ku kipwilo pa ñondo pa ñondo, pepala ya kuodelapo mabuku saka ikyangye kutumwa ku musampi, kuba’mba bonse bakeba mabuku a kyabo kyabo banembeshe ku mulongo utala pa mabuku. Mwane labijilai mabuku a oda wiikajila.

◼ Mabuku ajipo:

Nonkelenimo mu Masambililo ya Isukulu lya Butumikishi Ilya Bulesa—Kibemba, Kiloshi, Kilubale, Kizungu

Palameni Kuli Yehova—Kibemba, Kichewa, ki French, Kiloshi, Kilubale, Kitonga, Kiswahili, ne Kizungu

Palameni Kuli Yehova (Bisopelo bikatampe)—Kibemba

◼ Mabuku akatataka ajipo:

Good News for People of All Nations—Kizungu

Labainga Mukenkentenga!—Kibemba, Kichewa, Kikaonde, Kilubale, Kiloshi, ki Portuguese, Kiswahili, Kitonga, Kitumbuka ne Kizungu.

◼ Tepu ya kifwanyikizho ya bukumo ijipo:

Nemekai Buntangi bwa Yehoba—Kiloshi