Mutanchi Wa Kupwila Kwa Mwingilo

Mulungu wa Kutendeka February 14

Lwimbo 174

Mamini 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Ingijishai mashinda atanshi abiji aji pa peja 8 (umvwe akonsheka kwiengijisha mu nyaunda yenu) mumweshe bya kushajika Kyamba kya Usopa kya March 1. Pitulukaimo pacheche mu mashinda amo a kwambilamo byo akonsha kwingijishiwa kwesakana nabiji nyaunda yenu.—Monai Mwingilo Wetu wa Bufumu wa January 2005, pe. 8.

Mamini 35: “Kimye kya Kivuluko—kyo Kimye kya Kwingilako Pakatampe Mwingilo.”a Jambiwe na utangijila mwingilo. Bijikai boba banembesha bupainiya bwa kukwasha. Tongolai kupwila kwa kuya mu mwingilo kwanengezhiwa. Esakanyai sawakya wa mu bujimi uji mu uno Mwingilo Wetu wa Bufumu na sawakya wa August uji mu Mwingilo Wetu wa Bufumu wa December 2004; sawakya uji mu uno Mwingilo Wetu wa Bufumu wabwelako panshi. Tundaikai bonse kwingilako pakatampe mwingilo wabo wa ku mupashi mu jishinda jiji jonse mu kino kimye kya Kivuluko.

Lwimbo 14 ne lulombelo lwa kupezhako.

Mulungu wa Kutendeka February 21

Lwimbo 31

Mamini 10: Bya kubijika bya pa kipwilo. Pitulukai mu bishinka bikatampe kufuma mu kabokoshi kaji pa peja 7 kaamba’mba, “Bakwashai pa kuba’mba Batwajijile Kufunda.” Tundaikai bonse kunembanga bukiji bukiji kapepala ka Twapaapaata Fwayeni Uyu Muntu (S-43) umvwe kyakebewa.

Mamini 20: “Totai Yehoba pa Mambo a Lusa Lwanji.”b Bijikai kimye ne mpunzha kukekela Kivuluko ne jizhina ja ñambi ne bintutu bikwabo byanema. Pa kwisamba palagalafu 4, mweshaipo kimwesho kipi kya musapwishi ubena kwita muntu ye atwajila magazini moba onse kwiya na kutanwa ku Kivuluko. Tubipepala twanembwa twa lwito lwa kwita bantu kwiya ku kivuluko twafwainwa kupanwa panyuma ya kupwila, inge kya kuba kino kechi kyaubiwa kala ne.

Mamini 15: “Kufunjishanga Mafunjisho a Baibolo Anunguluka—Lubaji 6.”c Mweshaipo ne kimwesho kya maminiti ana kibena kumwesha ufunda Baibolo saka epuzha kuba’mba, pa batanwa ku Kivuluko bachechetu bobajako ku shinkwa ne kutoma waini. Umufunjisha wamutakaika pa bwipuzho bwanji, wibunemba, kabiji waamba’mba basa kwisambapo pa bwipuzho bo aipuzha panyuma ya kufunda lufunjisho lwa yewo mulungu. Kumpelo ya lufunjisho, bazhikula pa byambo biji pa bwipuzho bwaamba’mba “Ni bani bafwile ukwakanako ku mukate no mwangashi?” pa peja 115-6 mu buku wa Ukupelulula. Bebitanga, kabiji ufunda Baibolo wasanta bingi pa mukumbu wawama wa bwipuzho bo aji kwipuzha.

Lwimbo 21 ne lulombelo lwa kupezhako.

Mulungu wa Kutendeka February 28

Lwimbo 42

Mamini 15: Bya kubijika bya pa kipwilo. Sawakya wa maakaunti. Vululaiko basapwishi kupana masawakya a mwingilo wa mu bujimi a February. Kwingijisha mashinda abiji apelako aji pa peja 8 (umvwe akonsheka kwiengijisha mu nyaunda yenu), mweshai bya kushajika Kyamba kya Usopa kya March 1. Mashinda akwabo awama akonsha kwingijishiwa. Kumpelo ya kimwesho kimo, mweshai musapwishi saabena kwita mwina nzubo kwiya na kutanwa ku Kivuluko.

Mamini 20: Batai Muchima Aba Bakoka. (Byubilo 20:35) Panyuma ya kwambako pacheche kwa kubula kupitaila pa miniti umo, tendekai mwisambo wa mepuzho ne mikumbu kufuma mu Kyamba kya Usopa kya July 1, 2004, mapeja 28-9, mapalagalafu 12-16, byonka byo kikala pa Lufunjisho lwa Kyamba kya Usopa. Mulongo wayuka kutanga bulongo ye wafwainwa kutanga mapalagalafu. Teshai muchima pa byambo byo byakonsha kwingijishiwa pa juba ja Kivuluko ne pa juba ja jashi jiikajila.

Mamini 10: Shajikai buloshuwa wa Labainga Mukenkentenga! Isambai ne kumwesha mashinda akonsha kwingijishiwa kushajikilamo uno buloshuwa mu March. Mwakonsha kwingijisha mashinda amo anembwa mu kya mukachi kya Mwingilo Wetu wa Bufumu wa January 2005 nangwa kwingijisha mashindatu akwabo engila bulongo mu nyaunda yenu.

Lwimbo 72 ne lulombelo lwa kupezhako.

Mulungu wa Kutendeka March 7

Lwimbo 12

Mamini 10: Bya kubijika bya pa kipwilo. Pitulukai mu bishinka bikatampe kufuma mu kabokoshi kaamba’mba “Bya Kuvululako bya pa Kivuluko.”

Mamini 15: Bibena kukebewa pa kipwilo.

Mamini 20: “Shajikainga Magazini mu Mwingilo.”d Pa kwisamba palagalafu 3 ne 4, ingijishai bino byambo kwesakana na byo kiji koko kwenu. Ipuzhai musapwishi umo nangwa babiji boba bulongo mu kushajika magazini mu mapunzha a busulu, mu busapwishi bwa mu mukwakwa, mu mapunzha mutanyiwa bantu bavula, nangwa busapwishi bwa kushukilwa. Bepuzhai balumbulule byo bashajika magazini mu mapuzha a uno mutundu. Mweshaipo kimwesho kipi nangwa kumwesha kyaubiwe.

Lwimbo 192 ne lulombelo lwa kupezhako.

[Tubyambo twa mushi]