Mutanchi Wa Kupwila Kwa Mwingilo

Mulungu wa Kutendeka May 9

Lwimbo 217

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Ingijishai mashinda atanshi abiji aji pa peja 8 (umvwe akonsheka kwiengijisha mu nyaunda yenu) mumweshe bya kushajika Kyamba kya Usopa kya June 1. Mwakonsha kwingijisha mashinda akwabo engila bulongo. Mu kimwesho kimo, mweshai bya kushajika magazini kimye kyo muji pa lwendo mu motoka.

Mamini. 15: Ingijishai Mambo a Lesa Kufika Bantu pa Muchima. Jashi kufuma mu buku wa Isukulu lya Butumikishi mapeja 258-62.

Mamini. 20: “Ikalai na Mutanchi Wawama wa Kisemi.” Panyuma ya kwambako jino jashi kwakubula kupitaila pa maminiti abiji, ambai pa buneme buji mu kwikala na mutanchi wanembwa kabiji isambai bya kunemba mu bishilwa biji pa mutanchi uji pa peja 6. Panyuma ya bino, tatulai mwisambo wa mepuzho ne mikumbu kufuma mu mutwe wa kuba’mba “Mutanchi wa Kisemi—Kupwila kwa Kipwilo.” Ambilai luonde lwambepo byo babula kuswisha bintu bimo kwibalengela kubula kuya na kupwila. Mbaji ikwabo ya mutanchi wa kisemi ikambiwapo mu milungu yalondelapo.

Lwimbo 176 ne lulombelo lwa kupezhako.

Mulungu wa Kutendeka May 16

Lwimbo 201

Mamini. 10: Bya kubijika bya pa kipwilo.

Mamini. 15: “Mutanchi wa Kisemi—Kwingijila Pamo Kisemi Kyonse mu Mwingilo wa mu Bujimi.”a Ipuzhai luonde lwambepo pa mfweto ijimo umvwe kisemi ke kingijile pamo mu mwingilo. Batakaikai pa byo babena kwingila na ngovu kuba’mba kibelengelo kya bapainiya ba kimye kyonse kyafika ku 9,949 ne kya basapwishi bonse kyafika ku 127,151 kiyilengako palutwe. Umvwe kimye ko kikiji, pitulukai ne mu bibelengelo bikwabo biji mu sawakya.

Mamini. 20: “Kufunjishanga Mafunjisho a Baibolo Anunguluka—Lubaji 9.”b Pa kwisamba palagalafu 2, ambaipo kishinka kimo nangwa bibiji kufuma mu Mwingilo Wetu wa Bufumu wa December 2004, peja 8. Mweshai ne kimwesho kipi kya lufunjisho lwa Baibolo. Panyuma ya kupwisha kufunda lufunjisho 2 mu buloshuwa wa Nanchi Lesa Ukebaka, mufunjishi washikisha ye abena kufunjisha amba: “Mwakonsha kulumbulwila byepi mukwenu jizhina ja Lesa byo jiji?” Uno ufunda Baibolo walumbulula byo akonsha kwingijisha Masalamo 83:18, panyuma ya bino mufunjishi wamutakaika.

Lwimbo 134 ne lulombelo lwa kupezhako.

Mulungu wa Kutendeka May 23

Lwimbo 194

Mamini. 12: Bya kubijika bya pa kipwilo. Tangai sawakya wa maakaunti ne nkalata ya kuyukanyikisha’mba mali atuminwe ku ofweshi wa musampi atambwijilwe. Kwingijisha mashinda abiji apelako aji pa peja 8 (umvwe akonsheka kwiengijisha mu nyaunda yenu), mweshai bya kushajika Kyamba kya Usopa kya June 1. Mwakonsha kwingijisha mashinda akwabo engila bulongo.

Mamini. 18: “Juba ja Yehoba Jijitu Pepi.”c Pa kunengezha jino jashi, monai buku wa Ukusesema kwa kwa Daniele, peja 59, palagalafu 28.

Mamini. 15: “Mutanchi wa Kisemi—Lufunjisho lwa Kisemi.”d Bujilai jimo muntu umo nangwa babiji kwambapo pa byo banengezha mutanchi wabo wa kisemi kabiji ne kibena kukebewa pa kuba’mba uno mutanchi atwajijile kwingila kimye kyonse.

Lwimbo 152 ne lulombelo lwa kupezhako.

Mulungu wa Kutendeka May 30

Lwimbo 190

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa May. Tongolai mabuku a kushajika mu June. Mweshai bya kushajika buku kwingijisha jishinda jimo nangwa abiji aji mu kya mukachi kiji mu Mwingilo Wetu wa Bufumu wa January 2005 (umvwe ao mashinda akonsheka kwiengijisha mu nyaunda yenu). Mwakonsha kwingijisha mashinda akwabo engila bulongo.

Mamini. 20: “Mutanchi wa Kisemi—Kinembelo kya Juba.”e Ipuzhai luonde lwambepo bisemi byabyo byo bimwenamo mu kwisambila pamo kinembelo kya juba kabiji ne mutanchi ye bamona kuba’mba wingila bulongo pa kuba bino.

Mamini. 15: Shimikizhai nangwa kumwesha byamwekele mu mwingilo wa mu bujimi mu ba ñondo ba March, April ne May. Bujilai jimo muntu umo nangwa babiji kwambapo byo bebikileko kwingilako pakatampe mu mwingilo mu kimye kya Kivuluko kabiji ne mfweto yo bamwenamo.

Lwimbo 115 ne lulombelo lwa kupezhako.

Mulungu wa Kutendeka June 6

Lwimbo 155

Mamini. 10: Bya kubijika bya pa kipwilo.

Mamini. 15: Bibena kukebewa pa kipwilo.

Mamini. 20: “Baishainga Lusekelo lwa Bantu Kupichila mu Kwibatwajila Magazini.”f Pa kwisamba palagalafu 3, ambaipo pabiji mu buku wa Popwelai Lesa pa mapeja 96-8 mapalagalafu 11-14; ne biji mu buku wa Ikala Kuli pe na Pe kitango 19. Bino byambo byakonsha kwingijishiwa kunengezha misambo yapusana pusana ya kwisamba kinembelo kimo pa bintu bikoba Bufumu bwa Lesa. Ubaipo ne kimwesho kibena kumwesha musapwishi byo akonsha kuba na mwisambo wa kwisambatu kinembelo kimo na muntu ye atwajila magazini. Musapwishi wasalululamo kinembelo kimo mu magazini yo apa mwina nzubo. Wafwainwa kwisambako pacheche ne kwamba bya kwingijisha kinembelo kukwasha mwina nzubo kwikyumvwisha bulongo kabiji ne kumona byo kyakonsha kumukwasha mu bwikalo bwanji.

Lwimbo 107 ne lulombelo lwa kupezhako.

[Tubyambo twa mushi]