Bya Kwamba pa Kushajika Magazini

Kyamba kya Usopa July 1

“Baibolo waamba’mba twafwainwa kuchinuzhuka bintu byatama pa kuba’mba twitabilwe kwi Lesa. Nanchi kino kilumbulula’mba muntu wa Lesa wafwainwa kubanga bintu byaoloka kimye kyonse nyi? [Lekai akumbule.] Ino magazini yamwesha bilubo bya kwa Davida, muntu ‘wayile monka mwayila muchima wa Lesa’ kuba’mba kyanema bingi kwipelula kwi Lesa ne kwitabizha bilubo byetu.” Tangai 2 Samwela 12:9, 13.

Kyamba kya Usopa July 1

“Inge kya kuba’mba mukeba kutanchika bintu bimo byo mwasaka’mba mubile kisemi kyenu, kyepi kyo mwakonsha kutendekelapo? [Lekai akumbule, apa bino mutange Mateo 4:4; 5:3.] Ino magazine yaamba pa bansemi byo bakonsha kuba kunengezhezha bisemi byabo bintu bya ku mubiji aku saka bata ne muchima ku bintu bya ku mupashi.”

Kyamba kya Usopa July 1

“Atweba bonse twayukapo bantu bamo bamweka nobe baikala bingi bulongo pano bino balanguluka’mba babujishapo kintu kimo mu bwikalo bwabo. Mwalanguluka’mba bi ka byo bakeba? [Lekai akumbule, apa bino mutange Mateo 5:3.] Ino magazini yaamba pa kintu kyanema kyakonsha kwituletela mutende, ko kuba’mba kwikala na byo tukebewa ku mupashi.”

Kyamba kya Usopa July 1

“Mu ntanda lelo jino bantu babena kukakilwa bingi na mambo a masawakya atama abena kwamba pa bikola ne bya malwa bikwabo bibena kubiwa pa ntanda. Mu ntanda ya uno mutundu, nanchi mambo awama akonsha kutanyiwa nyi? [Lekai akumbule.] Ino magazini yamwesha kuba’mba twakonsha kupembelela kimye kya kulutwe kimye bikola, nzala, bumbanzhi, nkondo, ne bintutu bikwabo bileta lumanamo kyo bikafumishiwapo na Bufumu bwa Lesa.” Tangai Masalamo 72:12.