Bya Kwamba pa Kusha Magazini

Kyamba kya Usopa April–June

“Nenuwa kampe bakimuzhingijishapo kala. Mwalanguluka’mba mwakonsha kuba byepi umvwe bemuzhingijisha? [Lekai akumbule.] Monai byaamba Baibolo pa byo twafwainwa kuba umvwe betuzhingijisha. [Tangai Mateo 18:21, 22.] Kino kibaba muji lufunjisho lwafunjishe Yesu mwananji wa bwanga pa kulekelako bantu mambo.” Mumweshai kibaba kyatendekela pa jipa 21.

Awake! May

“Nanchi mulanguluka’mba kunungwa kwa mutengo wa bintu kukakepelako kulutwe na lwendo nyi? [Lekai akumbule.] Bavula kechi bayuka Baibolo byo akonsha kwibakwasha mu kimye kyakatazha ne. [Tangai kinembelo kiji mu kibaba.] Kino kibaba kyaamba pa Baibolo byo akonsha kwitukwasha mu kimye kyalauka alauka mitengo mu ntanda.” Mumweshai kibaba kyatendekela pa jipa 18.

Kyamba kya Usopa April–June

Umvwe mwatana wakyanyike mwakonsha kwamba’mba: “Ano moba bakyanyike kibakatazha bingi kukokela bansemi yabo. Nanchi ulanguluka’mba kijitu bulongo bansemi kuke ba’mba baana babo bebakokelenga nyi? [Lekai akumbule, apa bino mutange Efisesa 6:1.] Mu ino magazini muji jishimikila jaamba pa buneme bwa lukokelo ne Yesu Mwana Lesa byo akokelanga bansemi yanji byoajinga panopantanda.” Mumweshai kibaba kyatendekela pa jipa 30.

Awake! June

“Bijikila mu bwikalo ano moba bibena kuvujilakotu. Nenuwa byo byo mwikimona nyi? [Lekai akumbule.] Bavula balanguluka’mba bino byambo byalumbulula kimo kyalengela bijikila kuvujilako. [Tangai 2 Timoti 3:1.] Uno magazini waamba pa bifuma mu kwikala na bijikila. Kabiji muji ne bya kwitukwasha kukepeshako bijikila.”