Bya Kwamba pa Kusha Magazini

Kyamba kya Usopa October–December

“Bantu bavula bamba’mba kijitu bulongo kushinkanya umvwe bebatamisha. Nga amweba kushinkanya mwikumona byepi? [Lekai akumbule bino mutange Byambo bya Mana 19:11.] Uno magazini walumbulula ene mambo kushinkanya kyo kwatamina.”

Awake! November

“Nanchi mulanguluka’mba bupopweshi bo bulengela bantu kwitemwa bene na bene ne kwikala mutende nyi, inyi bulengelatu kwishikwa ne malwañano? [Lekai akumbule.] Bantu bavula kechi bakokela bino byambo bya kwa Yesu ne. [Tangai Mateo 5:44, 45.] Kino kibaba kyakumbula bwipuzho bwa kuba’mba, nanchi muntu wakonsha kutemwa mulwanyi wanji nyi?” Mumweshai kibaba kyatendekela pa peja 10.

Kyamba kya Usopa October–December

“Javula mali o aleta kamvundumvundu mu masongola. Mwakonsha kupwisha byepi luno lukatazho? [Lekai akumbule bino mutange Byambo bya Mana 13:10.] Kino kibaba kyalumbulula mafunde a mu Baibolo byo akwasha kupwisha makatazho a mali mu masongola.”

Awake! December

“Bantu bamo baitabila’mba bilengwa byonse byalengelwe, bino bakwabo nabo baitabila’mba byaishilekotu bine kabiji bifwayo nkebelo. Nga anweba mulangulukapo’mba ka? [Lekai akumbule.] Umvwai Baibolo byo amba. [Tangai Bahebelu 3:4.] Uno magazini walumbulula bingi bulongo ntendekelo ne nkebelo ya bilengwa byonse.”