Bya Kwamba pa Kusha Magazini

Kyamba kya Usopa October–December

“Kimye kimo bantu boba bintu byatama na mambo a kujimbaikwa na bya bupopweshi. Nanchi mulangulukapo pa kilengela kwibajimbaika nyi? [Lekai akumbule.] Akimonai bitutundaika Baibolo. [Tangai 1 Yoano 4:1.] Kino kibaba kyalondolola ene mambo o kyanemena kwesakanya byo twaitabilamo na byaamba Mambo a Lesa.” Mumweshai kibaba kyatendekela pa jipa 29.

Awake! November

Tangai 2 Timoti 3:16. Apa bino mwambe’mba: “Nanchi ne anweba mwaswa kuba’mba byonse byaamba Baibolo bya kine nyi? [Lekai akumbule.] Kino kibaba kyaamba pa lufunjisho lwa bya kupoyapoya lwa kukeba kuyuka byajingako kala ne mpito byo yaswañana na byaamba Baibolo pa Ijipita wajingako kala.” Mumweshai kibaba kyatendekela pa jipa 15.

Kyamba kya Usopa October–December

[Inge tubena kwamba na bansemi] “Nangwa kya kuba mwaakamwa pa mambo a bwikalo bwa baana benu, kishinka ke kya kuba’mba kechi mukatwajijila kwibazhikijila ku makatazho a mu bwikalo bwabo ne. Pano mwakonsha kwibakwasha byepi saka bakyangye kufuma pa nzubo? [Lekai akumbule.] Kino kyepelo kya mu Baibolo kibena kumwesha bansemi byo bafwainwa kulondela byaubanga Yesu pa kufunjisha baana babo mu byambo ne mu byubilo byo kilumbulula kwikala muntu wawama.”—Tangai Yoano 13:15. Mumweshai kibaba kyatendekela pa jipa 18.

Awake! December

“Nanchi mwakilangulukapo kala pa kilengela bantu kusekelela kiminshiminshi pa December 25, Baibolo saka abula kutongola juba jasemenwe Yesu nyi? [Lekai akumbule.] Kwesakana na byaamba kino kyepelo, Yesu kechi wasemenwe mayoo ne. [Tangai Luka 2:8.] Uno magazini wasolola kwafumine bisho byubiwa pa kiminshiminshi.”