Bya Kwamba pa Kusha Magazini

Kyamba kya Usopa January–March

“Kampe mwakyumvwapo bantu betela’mba baji na lwitabilo lwa kubuka bantu. Nanchi mwakilangulukapo kala ko bafumya bulume kwesakana na byo baamba pano nyi? [Tangai Mateo 7:22, 23, apa bino muleke akumbule.] Kino kibaba kyalumbulula mbukilo ya bantu babukañana lelo jino byo yapusana na bya bukilenga Yesu kabiji ne byo twafwainwa kujimuka kubula kwitujimbaika.” Mumweshai kibaba kyatendekela pa peja 14.

Awake! March

“Atweba bonse tutemwa bingi kwikala na bakwetu bawama. Byubilo ka byawama byo mukeba mu bakwenu? [Mulekai akumbule.] Monai byalondolola Baibolo. [Tangai Byambo bya Mana 17:17.] Kino kibaba kiji na mashinda akonsha kwitukwasha kusala bakwetu bawama ne byo twakonsha kwikala balunda bawama ku bakwetu.” Mumweshai kibaba kiji pa peja 18.

Kyamba kya Usopa January–March

“Mbena kukeba kuyuka byo mulanguluka pa bino byambo bya mu Baibolo. [Tangai Salamo 11:5.] Nanchi mulanguluka’mba muntu “watemwa bukapondo” wakonsha kwaluka kwikala muntu wa kifyele ne lusa nyi? [Mulekai akumbule.] Uno magazini wamwesha Mambo a Lesa byo akwashishe nsongwalume umo kupimpula byubilo byanji bya kulwa na bakwabo ne kwikala muntu wa mutende.” Mumweshai kibaba kyatendekela pa peja 28.

Awake! April

“Baana ba sukulu bavula bamweka bingi kwikala na bijikila. Nanchi mulanguluka’mba bwikalo bwabo bwapusanako na bobwa bwakomejilemo bansemi babo nyi? [Mulekai akumbule.] Mu kwikala na bijikila bikatampe mufuma byatama. [Tangai Musapwishi 7:7a.] Uno magazini waamba pa bakulumpe byo bakonsha kukwasha bakyanyike kuyuka bya kuba na bijikila.”