Bya Kwamba pa Kusha Magazini

Kyamba kya Usopa July–September

“Mbena kukeba kuyuka mulanguluko wenu pa bino byambo bya kwa Yesu. [Tangai Yoano 3:3.] Mubena kulanguluka’mba kusemwa jibiji kulumbulula ka? [Lekai akumbule.] Kumvwisha mwatala byambo bya kwa Yesu kwanema bingi mu bwikalo bwetu ne byo tukekala kulutwe. Uno magazini waamba ene mambo.”

Awake! August

“Lufu lwa bansemi lukola bingi ku muchima kukila bintu byavula bimweka mu bwikalo. Nenuwa mwaswa nyi? [Lekai akumbule.] Byepelo bya mu Baibolo biji nobe kino byatekenesha bantu bavula bingi. [Tangai Lumwekesho 21:4] Kino kibaba kyaamba pa byo mwakonsha kuchinchika ku bulanda, kikatakata banyike.” Mweshai kibaba kyatendekela pa peja 10.

Kyamba kya Usopa July–September

“Twayuka’mba Satana ye ujimbaika bantu, kwibabepa nangwa kwibalengela kufichisha Lesa pa muchima kupichila mu kupopwela bapashi. Abya mubena kulangulukapo byo twakonsha kuba pa kuba’mba twizhikijile nyi? [Lekai akumbule.] Kino kibaba kyaambapo byubilo byalamata ku kupopwela bapashi ne byo twakonsha kuba pa kuba’mba tutokeshe Lesa pa muchima.” [Tangai Byubilo 19:19.] Mweshai kibaba kyatendekela pa peja 13.

Awake! September

“Nanchi mulanguluka’mba banyike ba mu ano moba babena kupita mu makatazho avula kukila byo kyajinga mu myaka ya kunyama nyi? [Lekai akumbule.] Bantu bavula balanguluka’mba kino kyepelo kyalumbulula bingi bulongo kimye kyo tujimo. [Tangai 2 Timoti 3:1.] Uno magazini waambapo mafunde amo a mu Baibolo akwasha bansemi ne banyike kuchinchika makatazho.”