Bya Kwaamba pa Kusha Magazini

Kyamba kya Usopa January–March

“Nanchi mulanguluka’mba babi bamanyikwa mu helo nyi? [Mulekai akumbule.] Baibolo wamweshatu patooka kintu kyatama kifuma mu bundengamambo. [Tangai Loma 6:23a.] Nanchi helo ke mpunzha ya mujilo mo bamanyikila bantu nyi? Inyi ke jishindatu ja kwabenamo na Lesa? Ino magazini yapana mikumbu ya mu Binembelo ku ano mepuzho.”

Awake!February

“Bantu bavula baketekela kuba’mba bintu byubiwa mu bwikalo bwetu byayukanyikilwa jimo. Nga anweba mwalangulukapo’mba ka? [Mulekai akumbule.] Kwesakana na kino kyepelo, tuji na lūsa lwa kusalapo. [Tangai Mpitulukilo ya mu mizhilo 30:19.] Ino magazini yamwesha byaamba Baibolo pa kuyukanyikilwa jimo kwa bintu.” Mumweshai kibaba kiji pa peja 12.

Kyamba kya Usopa January–March

“Nanchi mwamona’mba bantu baenda kupusana mu kwikala babutooto nyi? [Mulekai akumbule.] Akimonai kino kishinka kimwesha ene mambo butooto kyo bwanemena. [Tangai 1 Petelo 1:16.] Ino magazini yamwesha mashinda akonsha kwitukwasha kutwajijila kwikala ba butooto.” Mumweshai kibaba kiji pa peja 23.

Awake! March

“Bantu bavula lelo jino babena kwikala bingi na bijikila bya mali, kikatakata mu kino kimye kyakatazha bwikalo. Nanchi mwaswa kino nyi? [Mulekai akumbule.] Umvwai luno lujimuno lwawama. [Tangai 1 Timoti 6:8, 10.] Ino magazini yaamba pa mafunde a mu Baibolo byo akonsha kwitukwasha kuyuka byakwingijisha mali mu jishinda ja kwitulengela kwikala bakasuluka mu milanguluko.”