Bya Kwamba pa Kusha Magazini

Kyamba kya Usopa January–March

“Bantu bavula kechi babena kwitabila mwi Lesa wa butemwe ne, na mambo a lufunjisho lujiko lwa kuba’mba bantu bamanyikwa mu mujilo myaka ne myaka. Nga anweba mulangulukapo’mba ka? [Mulekai akumbule.] Baibolo ufunjisha patokatu’mba Lesa kechi uji na nshiji ne. [Tangai Ezikyo 18:23.] Musakutemwa kumona byaamba Binembelo mu uno magazini.”

Awake! January

“Bantu bavula Inge baikala na makatazho, balanguluka’mba Lesa ubena kwibakambula. Nanchi ne anweba byo byo mulanguluka nyi? [Lekai akumbule. Apa bino mutange Yakoba 1:13.] Kino kibaba kyalumbulula kine kintu kitulengela kwikala mu makatazho, kabiji ne byo twakonsha kuketekela’mba makatazho etu katatakatu apwe.” Mumweshai kibaba kiji pa peja 28.

Kyamba kya Usopa January–March

“Bashayuka bayuka buneme bwa mwingilo wa shetu mu kisemi. Ki ka kilengela shetu kwikala na muchima wawama? [Mulekai akumbule.] Yesu wamwesheshe kya kumwenako kya Shanji byo kyamukwashishe. [Tangai Yoano 5:19.] Kino kibaba kyaamba pa bintu bitanu na kimo byanema shetu byo afwainwa kuba.” Mumweshai kibaba kyatendekela pa peja 10.

Awake! February

“Bintu byonse panopantanda bimwesha’mba byalengelwe kukwasha bintu bipema. Nanchi mulanguluka’mba bino bintu byaishilekotu abyo bine nyi, inyi kuji Mulenga wibilengele? [Lekai akumbule.] Bantu bavula betabizha kino kyepelo kya mu Baibolo. [Tangai Masalamo 104:24.] Uno magazini walumbulula bulongo biyukilo bya mu Binembelo kabiji ne byo batana basayansi bimwesha kuba’mba Mulenga koaji.”