Bya Kwamba pa Kusha Magazini

Kyamba kya Usopa April–June

“Umvwe bantu bebepuzha kutongola muntu wayukanyikilwe bingi mu bwikalo bwa bantu, bavula ba mba’mba Yesu. Nanchi ne anweba ye ye mulangulukapo nyi? [Lekai akumbule.] Akimonai ene mambo o twafwainwa kupesela pesela ndangulukilo yapusana pusana yamba bantu pe aye, pa kuba’mba tuyuke bukine. [Tangai Yoano 17:3.] Kino Kyamba kya Usopa kiikajila kyamwesha Baibolo byo aamba pe Yesu ne mafunjisho anji.”

Awake! April

Tangai Salamo 37:9-11. Kepo mwipuzhe’mba: “Mulanguluka’mba ntanda ikekala byepi umvwe kino kikafike? [Lekai akumbule.] Kino kibaba kyaamba pa buno bungauzhi bwawama ne kulumbulula ene mambo o tumwena bubi bwavula mu ntanda lelo jino.” Mumweshai kibaba kyatendekela pa jipa 20.

Kyamba kya Usopa April–June

“Mabuku amo aamba’mba Yesu kechi wafwile byonka byaamba Baibolo ne, bino amba aye wasongwele ne kusema baana. Mwakikyumvwapo kala kino nyi? [Lekai akumbule.] Kyanema bingi kuyuka bukine. [Tangai Yoano 17:3.] Kino kibaba kyalumbulula ene mambo o twafwainwa kuketekela byaamba Baibolo pe Yesu.” Mumweshai kibaba kyatendekela pa jipa 26.

Awake! May

“Bavula bakeba bingi kuleka kupepa fwanka pano bino kibakatazha bingi kuba bino. Mwayukapo muntu umo ukeba kuleka nyi? [Lekai akumbule.] Bamo bekitana’mba kikwasha bingi kunemba mashinda ebabula balunda ne ba mu kisemi kyabo. [Tangai Musapwishi 4:12a.] Mu ino magazini mwanembwa mashinda amo a kukwashishamo muntu kuleka kupepa fwanka.”