Bya Kwamba pa Kusha Magazini

Kyamba kya Usopa July–September

“Musakwambapo mba ka pa bino byambo byaambile Yesu. [Tangai Yoano 3:3.] Nga kusemwa jibiji mulanguluka’mba kulumbulula ka? [Lekai akumbule.] Kumvwisha bulongo mwatala byambo byaambile Yesu kuketukwasha kwikala bwikalo bwawama ne kwikala na luketekelo mu bintu bya kulutwe. Ino magazini yalumbulula ene mambo.”

Awake! July

“Atweba bavula tusanchila bingi bansemi betu pa bintu byo betufunjisha. Nanchi mwalanguluka’mba ke kubula mushingi kupesa pesa mafunjisho a bupopweshi o twafunjile saka tukiji banyike nyi? [Lekai akumbule, kepo mutange 1 Yoano 4:1.] Kino kibaba kyamwesha kana kijitu bulongo kupimpula bupopweshi bwetu nangwa ne. Mumweshai kibaba kyatendekela pa peja 28.

Kyamba kya Usopa July–September

“Kwa kubula nangwa kuzhinaukatu ne, musakuswa kuba’mba myaka ya bwanyike ileta bingi makatazho ku banyike ne ku bansemi pamo. Byo muji bansemi, nanchi mulanguluka’mba kulondela luno lujimuno kwakonsha kukwasha baana kukoma bulongo nyi? [Tangai Kolose 3:21, kepo muleke akumbule.] Kine mukamwenamo bingi mu mashinda awama a mu Baibolo aji mu ino magazini.” Mumweshai kibaba kyatendekela pa peja 28.

Awake August

“Atweba bonse twakimanyikwapo kala na mambo a misalululo. Mulanguluka’mba Lesa wiumvwa byepi pa mambo a misalululo? [Lekai akumbule, kepo mutange Byubilo 10:34, 35.] Baibolo wakonsha kwitukwasha kuyuka bya kuba umvwe kino kitumwekela. Kabiji wakonsha ne kwitukwasha kufumya kino kyubilo mu muchima wetu umvwe twaikala nakyo. Ino magazini yalumbulula bya kuba.”