Bya Kwamba pa Kusha Magazini
Kyamba kya Usopa July–September
“Bupopweshi bwamba byapusana pusana pa maalwa. Mulanguluka’mba Lesa umona byepi muntu utoma maalwa? [Lekai akumbule.] Nangwa kya kuba Baibolo waamba’mba Yesu kimye kimo waalwile mema ke binyu mu jishinda ja kukumya, bino waamba ne bino byambo. [Tangai Byambo bya Mana 23:20a.] Uno magazini waamba pa Baibolo byo aamba pa ntomeno ya maalwa.”
Awake! July
“Nanchi banabakazhi bafwainwa kwikala ba mwingilo mu kipwilo nyi? [Lekai akumbule.] Akimonai byaamba Baibolo pa mwanamukazhi umo. [Tangai Loma 16:1.] Bino kinembelo kikwabo kyamba’mba banabakazhi bafwainwa kuzhindama mu kipwilo. Byo kiji bino, nanchi Baibolo waambapo’mba ka? Kino kibaba kyalondolola bingi bulongo.” Mumweshai kibaba kyatendekela pa jipa 28.
Kyamba kya Usopa July–September
Tangai Kulupuka 20:15. Apa bino mwambe’mba: “Bavula bakokela uno mukambizho, bino bamo balanguluka’mba kwiba ne kubepa mu bintu bimo kujitu bulongo inge bintu byakatazha. Nga anweba mulangulukapo’mba ka? [Lekai akumbule.] Uno magazini waamba pa byawama bifuma mu kwikala bakishinka kimye kyonse.” Mumweshai kibaba kyatendekela pa jipa 11.
Awake! August
“Kampe bakimusapwilapo kala ku Bakamonyi ba kwa Yehoba. Nanchi mwakilangulukapo kala pa kitulengela kuya ku nzubo ku nzubo nangwa kya kuba bantu bavula bakana nyi? [Lekai akumbule. Apa bino mutange Mateo 24:14.] Bantu bavula kechi betuyuka bulongo ne. Uno magazini walondolola bulongo Bakamonyi ba kwa Yehoba byo baji.”