Mutanchi Wa Kupwila Kwa Mwingilo

Yukai’mba: Mu Mwingilo Wetu wa Bufumu mukatanchikwa Kupwila kwa Mwingilo kwa mulungu ne mulungu mu bañondo ba kupwila kwa nkambi. Bipwilo byafwainwa kupimpula mutanchi wabyo kuba’mba bikatanwe ku Kupwila kwa Nkambi kwa “Kukokela Lesa.” Umvwe kibena kukebewa, ingijishai maminiti 15 a mu Kupwila kwa Mwingilo kwapelako saka mukyangye kuya ku kupwila kwa nkambi kuba’mba mupituluke jibiji mu mafunde ne bya kuvululako byakonsha kwingila koko kwenu biji mu Mwingilo Wetu wa Bufumu wa March 2005 mapeja 3-5 bingila koko kwenu. Pa kupitapo ñondo umo nangwa babiji panyuma ya kupwila kwa nkambi, ingijishaipo maminiti 15 kufika ku 20 pa Kupwila kwa Mwingilo (mwakonsha kwingijisha kimye kiji pa lubaji lwa bibena kukebewa pa kipwilo) kupituluka mu bishinka bya kupwila kwa nkambi byo batana basapwishi kuba’mba bibena kwibakwasha bingi mu mwingilo wa mu bujimi. Lubaji lwiikajila lwa Kupwila kwa Mwingilo luketupa jishuko ja kulumbulwilamo byo tubena kwingijisha bintu byo twafunjile pa kupwila kwa nkambi kabiji ne bino bintu byo bitukwasha kulengela mwingilo wetu kwingijiwa bulongo.

Mulungu wa Kutendeka July 11

Lwimbo 49

Mamini 10: Bya kubijika bya pa kipwilo. Bya Kubijika byasalululwa mu Mwingilo Wetu wa Bufumu. Ingijishai mashinda atanshi abiji aji pa peja 4 (umvwe akonsheka kwiengijisha mu nyaunda yenu) mumweshe bya kushajika Kyamba kya Usopa kya August 1. Mwakonsha kwingijisha mashinda akwabo engila bulongo. Mu kimwesho kimo kimo, mweshai jishinda japusanako ja bya kwamba na muntu ukeba kuchibikizha mwisambo umvwe waamba’mba “Napayankana bingi.”—Monai kabuku ka kuba’mba Amalyashi ya mu Baibolo Aya Kulanshanyapo mape. 11-12.

Mamini 15: Bibena kukebewa pa kipwilo.

Mamini 20: “Kusapwila Mambo Awama ku Bantu Bavula.”a Pa kwisamba palagalafu 5, pitulukai mu mashinda aji mu Mwingilo Wetu wa Bufumu wa June 2005 peja 8, engila mu nyaunda ya koko kwenu.

Lwimbo 88 ne lulombelo lwa kupezhako.

Mulungu wa Kutendeka July 18

Lwimbo 173

Mamini 10: Bya kubiji bya pa kipwilo. Pitulukaimo pacheche mu Kyamba kya Usopa kya August 1, 2001, mapeja 19-22. Tongolai mfweto ya kutwajijila kwikala na mutanchi wa kutanga Baibolo pa juba pa juba, nangwatu pa kimye muntu kyo abena kukokoloka ne pa bimye bikwabo byo abena kubula kuba bintu byo tuba kimye kyonse. Pitulukai mu kabokoshi ka kubaˈmba “Kunemeka Mwingilo Wetu.”

Mamini 15: “Kufunjishanga Mafunjisho a Baibolo Anunguluka—Lubaji 11.”b Mweshaipo ne kimwesho kibena kumwesha ufunjisha Baibolo ne musapwishi wakatataka sa babena kunengezha kubwelako. Bapituluka mu mwisambo ye bajinga nanji pa lwendo lutanshi ne kusala kishinka kyafwainwa kya kuya na kwisamba ko babena kubwelako. Kabiji banengezha ne byambo byapela bya kutendekelamo mwisambo ne bwipuzho bwa kwipuzha ku mpelo ya mwisambo. Bapezhako kimwesho kumwesha kuba’mba pano benengezha kupitulukilamo jimo mu byo banengezha kuya na kwisamba.

Mamini 20: Kwashai Bakwenu Kumvwisha ne Kunemeka Baibolo. Mwisambo wa mepuzho ne mikumbu kufuma mu buku wa Popwelai Lesa, mapeja 24-5, mapalagalafu 3-6. Ingijishai mepuzho aji mu buku. Ambaipo ne pa byambo biji mu buloshuwa wa A Book for All People, peja 32.

Lwimbo 8 ne lulombelo lwa kupezhako.

Mulungu wa Kutendeka July 25

Lwimbo 138

Mamini 15: Bya kubijika bya pa kipwilo. Tangai sawakya wa maakaunti ne nkalata ya kwimubula’mba bupe bwatuminwe bwatambulwa. Kwingijisha mashinda apelako abiji aji pa peja 4 (umvwe akonsheka kwiengijisha mu nyaunda yenu), mweshai bya kushajika Kyamba kya Usopa kya August 1. Mwakonsha kwingijisha mashinda akwabo engila bulongo. Mu kimwesho kimo, mweshai bya kushajika magazini kya kushukilwa pa kisankanyi nangwa mu mapunzha akwabo afwainwa mutanwa bantu bavula.

Mamini 10: Byalai Bukine mu Michima ya Baana Benu. (Mpitu. 6:7) Jashi na mukulumpe mu kipwilo kufuma mu Kyamba kya Usopa kya Kibemba kya August 15, 2002 mapeja 30-1. Ambai pa mafunde a mu Baibolo atangijila bena Kilishitu baji na bena kwabo babula Bakamonyi byo bafwainwa kufunjisha baana.

Mamini 20: “Kikoloto kyo Tuji Nakyo ku Bantu.”c Ambai ne byambo biji mu Kyamba kya Usopa kya Kibemba kya July 1, 2000 peja 21, palagalafu 13.

Lwimbo 82 ne lulombelo lwa kupezhako.

Mulungu wa Kutendeka August 1

Lwimbo 187

Mamini 15: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa July. Ambilai luonde kuzhikula mu buku wa Isukulu lya Butumikishi pa peja 70, kabiji kupichila mu mwisambo wa kwisamba na jibumba, isambai mapalagalafu 1-2 ne kabokoshi ka kuba’mba “Ifya Kwasuka pa Kulongana.”

Mamini 15: “Kwashai Baana Benu Kukomenako mu Mwingilo.” Jashi ne kwisamba na luonde. Mweshaipo ne kimwesha kibena kumwesha nsemi ne mwana sa bengijisha jishinda japela. Pa kupezhako kimwesho, nsemi ambeko pacheche pa lunengezho lwa kupana bupe.

Mamini 15: Nanchi Mwakingijishapo Kala Jishinda Japela Kusolomokelamo Nyi? Jashi ne kwisamba na luonde kufuma mu Mwingilo Wetu wa Bufumu wa January 2005, peja 6. Pitulukai mu mashinda apanyiwa, ne kumwesha nsolomokelo yapela byo yakonsha kwingijishiwa pa kushajika mabuku mu August. Mweshaipo kimwesho kimo nangwa bibiji.

Lwimbo 218 ne lulombelo lwa kupezhako.

[Tubyambo twa mushi]