Kupitulukamo Mu Sukulu Ya Mwingilo Wa Teokalasi

Ae mepuzho akekala a kwisamba mu Sukulu ya Mwingilo wa Teokalasi mu mulungu wa kutendeka October 31, 2005. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a milungu ya September 5 kufika ku October 31, 2005. [Yukaiˈmba: Pa mepuzho pabula mabuku mwakutana mikumbu, mwafwainwa kwipesela pesela anwe bene kutana mikumbu.—Monai buku wa Nonkelenimo mape. 36-7.]

ÑAMBILO

1. Twakonsha kuba byepi pa kuba’mba tushiinwe kuba’mba mfunjishisho yetu ya Mambo a Lesa ibena kufika pa michima ya kifwanyikizho ya bantu? (Mat. 13:19) [be-CW pe. 258 mapala. 1-2, kabokoshi]

2. Ki ka kyakonsha kwitukwasha kulengela muntu kwamba biji ku muchima wanji, pano bino ki ka kyo twafwainwa kulabijila? [be-CW pe. 259 mapala. 1-2]

3. Kimye kyo tubena kufunjisha, mambo ka o kyanemena kwambishapo pa byubilo bya Yehoba byakilamo kuwama? [be-CW pe. 260 pala. 1]

4. Twakonsha kukwasha byepi bo tufunjisha Baibolo kumona mbaji imo yo bafwainwa kuwamishako? [be-CW pe. 260 pala. 4-pe. 261 pala. 1]

5. Twakonsha kukwasha byepi botufunjisha Baibolo nangwa betuteleka kupesapesa milanguluko yabo ya kuba bintu? [be-CW pe. 262 mapala. 2-3]

JASHI NA. 1

6. Nga ndumbulwilo ya kuba’mba “Mutanchi wa mabuku a mu Baibolo” yatala mwepi, kabiji bintu ka bilengela kuyuka buku wa mu Baibolo? [si-CW pe. 299 mapala. 5-6]

7. Mambo ka Lubaji lumo lwa mabuku a kwa Muratorian atanyiwe ku ntendekelo ya myaka kitota kya bubiji C.E., kyo amweshesha bulongo kutanchikwa kwa mabuku a mu Baibolo a Binembelo bya bwina Kilishitu bya Kingiliki? [si-CW pe. 302 pala. 19]

8. Nga Binembelo abyo bine bimwesha byepi bulume bwa ntuntulwilo ya Baibolo, kabiji ñanyi nkebelo ntuntulwilo ya kala ya Baibolo yo yalama? [si-CW pe. 307 pala. 9]

KUTANGA BAIBOLO KWA MULUNGU NE MULUNGU

9. Kwesakana na 2 Bamfumu 19:32, 33, nga mfumu wa bena Asilya bamulekeshe byepi kwiya mu Yelusalema? [w88 2/15 pe. 28.]

10. Mambo ka jishimikila jiji mu 1 Byambo bya Moba 14:8-17 o janemejile mu moba a kwa Isaya, kabiji mambo ka o jafwainwa kwikala janema ku Kilishitendomu lelo jino? (Isa. 28:21) [w91-CW 6/1 pe. 21 mapala. 2-3.]

11. Nanchi 2 Bamfumu 13:21 batundaika lwitabilo lwa kupa munema bikupa bya mufu nyi?

12. Nanchi Hezekiya walayañene na bena Ijipita nyi? (2 Mfu. 18:19-21, 25)

13. Nangwa kya kuba mu byanembwa bya bena Asilya kechi byatongolapo kushinda kwa Yehoba kwa kubazhimukila ko ashijile Senakelibu ne, kintu ka kyanema kyo mutanamo mu byaambiwa mu bino byanembwa? (2 Mfu. 19:35, 36)

14. Ñanyi wajinga shanja Shalachele? (1 Moba. 3:16-18)

15. Mu moba a mfumu Saulo, bena Lubenyi, bena Gadi, ne lubaji lumo lwa mukoka wa bena Manase, bamwesheshe byepi kya kumwenako kyawama bakalume ba Lesa lelo jino kyo bafwainwa kulonda? (1 Moba. 5:18-22)