Bya Kubijika

◼ Mabuku a kushajika mu October: Shajikai Kyamba kya Usopa ne Loleni! Inge muntu wamwesha lusekelo, mushilai buloshuwa wa Nanchi Lesa Ukebaka. November: Shajikai buku wa Sambilila Kuli Kasambilisha Mukalamba. Inge bena nzubo baamba’mba baana bafwabo, bashajikai buku wa Kuyuka nangwa talakiti wa Nanchi Mukeba Kuyuka Byavula pa Mambo a Baibolo Nyi? December: Shajikai buku wa Umuntu Wakulisha Uwabalile Abako Uwa Mweo. Umvwe uno buku mufwaye, ingijishiwa mabuku akwabo nabiji Baibolo—Cebo ca kwa Lesa Nelyo ca Muntu? Icitabo Candi ca Malyashi ya mu Baibolo, nangwa Kuti Waikala Kuli Pe na pe muli Paradise Pe Sonde inge muji nao pa kipwilo. January: Buku uji yense wa kala wa mapeja 192 nangwa uji yense wanembelwe mwaka wa 1991 saka akyangye kufika, wakonsha kushajikwa. Bipwilo biji na buku wa Ukusapika Lesa Ukwa Mutundu wa Muntu byakonsha kumwingijisha. Umvwe bena nzubo bamukana buku, bashajikai buloshuwa wa Labainga Mukenkentenga!

◼ Kya mukachi kiji mu uno Mwingilo Wetu wa Bufumu ke “Mutanchi wa Sukulu ya Mwingilo wa Teokalasi wa mu 2006.” Onkao mambo, uno mutanchi wafwainwa kusungwa bulongo pa kuba’mba mukamonengapo mu mwaka yense wa 2006.

◼ Ofweshi wa musampi kechi utumina musapwishi bunke bwanji oda wa mabuku o akeba ne. Mukulumpe utangijila mu kipwilo wafwainwa kunengezhanga mutanchi wa kubijika ku kipwilo pa ñondo pa ñondo, pepala wa kuodelapo mabuku saka akyangye kutumwa ku musampi kuba’mba bonse bakeba mabuku a kyabo kyabo banembeshe ku mulongo utala pa mabuku. Mwane labijilai mabuku a oda wiikajila.

◼ Jashi jiikajila ja mvula bantu ja mu kimye kya Kivuluko kya mu 2006, jikambiwa pa Mulungu, April 30. Mutwe wa jashi ukabijikwa kimye kikwabo. Bipwilo byonse byo bakafwakashilanga ku mukulumpe wa kijiiji, nangwa bikekala na kupwila kwa kijiiji nangwa kwa juba jimo mu uno mulungu, bikekala na jino jashi mulungu ukalondelapo. Kafwako kipwilo kyafwainwa kwamba jino jashi jiikajila juba ja April 30, 2006 saka jikyangye kufika ne.

◼ Bipwilo byafwainwa kutatula kuoda mabaundi volyumu a Kyamba kya Usopa ne Loleni! a mwaka wa 2005 ne Watchtower Library—2005 Edition pa CD-ROM pamo na oda wa mabuku wa ñondo walondelapo. Mwane yukai kuba’mba WatchtowerLibrary—2005 Edition ke lunengezho lwa basapwishi babatizwa ba mu kipwilo kabiji atumwatu kupichila mu kipwilo.