Kupitulukamo Mu Sukulu Ya Mwingilo Wa Teokalasi
Ae mepuzho akekala a kwisamba mu Sukulu ya Mwingilo wa Teokalasi mu mulungu wa kutendeka December 26, 2005. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a milungu ya November 7 kufika ku December 26, 2005. [Yukaiˈmba: Pa mepuzho pabula mabuku mwakutana mikumbu, mwafwainwa kwipesela pesela anwe bene kutana mikumbu.—Monai buku wa Nonkelenimo mape. 36-7.]
ÑAMBILO
1. Ki ka kyo twakonsha kuba kya kwitukwasha kumona’mba lutundaiko lwetu lwa kutundaika na mukoyo lwaambiwa “na mambo a butemwe”? (File. 9) [be-CW pe. 266]
2. Mu ñanyi mashinda mo twakonshesha ‘kufunjisha na lufunjisho lwa lumbuluka’? (Titu. 1:9) [be-CW pe. 267 mapala. 1-2]
3. Mambo ka o kyanemena kulengela majashi etu kwikala a kutundaikañana, kabiji twakonsha kuba byepi kino? [be-CW pe. 268 mapala. 1-3, kabokoshi]
4. Mu kulonda Mosesa, nga kukwasha bakwetu kulanguluka pa bintu Yehoba byo aubila bantu banji kukoseshañana byepi? (Mpitu. 3:28; 31:1-8) [be-CW pe. 268 pala. 5–pe. 269 pala. 2]
5. Mambo ka kwamba na lusekelo pa bintu bibena kuba Yehoba luno ne byo akoba kulutwe o kwakonshesha kukosesha luonde lo tubena kwambako? [be-CW pe. 270-1]
JASHI NA. 1
6. Nga Septuagint yo ika, kabiji mambo ka o yanemena ku bena Kilishitu? [si-CW pe. 307 pala. 12–pe. 310 pala. 14]
7. Ba Masore bajinga bañanyi, kabiji bintu ka byanema byo bakwashisheko ku ntuntulwilo ya Baibolo? [si-CW pe. 310 pala. 18; pe. 311 mapala. 20-1]
8. Byambo bya mu binembelo bya Kihebelu mu Baibolo wa Kizungu wa New World Translation byafuma pi, kabiji mambo ka o kyafwainwa kwambiwa’mba ino ntuntulwilo yaluñama kabiji ne kuketekelwa? [si-CW pe. 312 pala. 28, 30]
9. Nga bena Kilishitu batanshi bamwesheshe byepi kizaku kikatampe kya kukeba kuyukanyikisha Mambo a Lesa? [si-CW pe. 315 mapala. 1-5]
10. Nga kufunda ma manyusikilipiti ne binembelo byajingako bya Binembelo Byazhila kumweshapo ka pa Baibolo? [si pe. 320 pala. 32]
KUTANGA BAIBOLO KWA MULUNGU NE MULUNGU
11. Nanchi Davida byo bamukanyijile kutunga nzubo ya Lesa kimwesha kuba’mba Yehoba kechi waitabizhe makondo Davida o alwile nenyi? (1 Moba. 22:6-10)
12. Mu lulombelo lwanji lwa kupana nzubo ya Lesa, Solomone wamwesheshe byepi kuba’mba Yehoba kechi utatu muchima ku bikeba bakalume banji mu bujibumba ne, pano bino wayuka ne makatazho eikajila apitamo bantu bamwakamwa pa muntu pa muntu? (2 Moba. 6:29, 30)
13. Nga “balesa babumbuzhi-mulume” batongolwa mu 2 Byambo bya Moba 11:15 bo ba ka?
14. Byo kiji kuba’mba Baasha watendekele kulama “mu mwaka wa busatu wa bufumu bwa Asa” kabiji ne kulamatu myaka 24, twakonsha kwitabizha byepi kwiya kwa Baasha na “kulwisha bena Yuda” mu “mwaka wa bumakumi asatu ne itanu na umo wa bufumu bwa Asa”? (1 Mfu. 15:33; 2 Moba. 16:1)
15. Nga 2 Byambo bya Moba 20:22, 23 bimwesha byepi bulongo kisakumwekela katataka ntanda ya kwa Satana?