Bya Kubijika

◼Mabuku a kushajika mu December: Shajikai buku wa Umuntu Wakulisha Uwabalile Abako Uwa Mweo. Umvwe uno buku mufwaye, shajikai mabuku akwabo nabiji Baibolo—Cebo ca kwa Lesa Nelyo ca Muntu? Icitabo Candi ca Malyashi ya mu Baibolo, nangwa Kuti Waikala Kuli Pe na pe Muli Paradise Pe Sonde inge muji nao pa kipwilo. January: Shajikai buku uji yense wa kala wa mapeja 192 nangwa uji yense wanembelwe mwaka wa 1991 saka akyangye kufika. Bipwilo biji na buku wa Ukusapika Lesa Ukwa Mutundu wa Muntu byakonsha kumushajika. Umvwe bena nzubo bamukana uno buku, bashilai buloshuwa wa Labainga Mukenkentenga! February: Buku wa Palameni Kuli Yehova ye ukashajikwanga. Bipwilo byabula uno buku byakonsha kushajika buku wa Ukusokolola–Akalume ka Kuko Kakalamba Nakapalama! nangwa buku mukwabo ujipo pa kipwilo. March: Shajikai buku wa bukumo wa kuba’mba Nanchi Baibolo Kine Ufunjisha’mba Ka? Ibikishaiko kutendeka mafunjisho a Baibolo.

◼ Tubipepala twa Kwichilapo bantu ku Kivuluko kya 2006 katatakatu tukatumwe ku bipwilo byonse mu milaka yo bingijisha. Umvwe kuji milaka ikwabo yambiwa mu nyaunda yenu kabiji kampe mukakeba tuno tubipepala mu ino milaka, mwafwainwa kuonda bukiji bukiji kwingijisha pepala wa Literature Request Form (S-14). Milaka mukekala tuno Tubipepala twa Kwichilapo bantu ku Kivuluko ke: Kibemba, Kichewa, Kikaonde, Kiloshi, Kilubale, Kiswahili, Kitonga, ne Kizungu. Mwane odaitu milaka ikebewa mu nyaunda yenu.

◼ Mwane yukai’mba Kivuluko kya mu mwaka wa 2007 kikekalako pa Kimo, April 2, panyuma ya kuzhika juba. Kino kyabijikilwa jimo kuba’mba balongo batatule kunengezhezha jimo ne kwisamba na baji na bishimikwa umvwe kya kuba bipwilo byavula bingijisha Nzubo ya Bufumu imo, kabiji ne kwibakwashako kumwena jimo bipe bikwabo. Mu jino jishinda, bakulumpe mu kipwilo bafwainwa kwitabanzhenya jimo na bene bena kishimikwa kyo bakapwilamo ne kumona kuba’mba pa kyokyo kimye mu kishimikwa kechi mukekalapo bya kubauba bikwabo byakonsha kuvulañanya ne, pa kuba’mba Kivuluko kikavulukwe mu mutende kabiji kwakubula kiwowo.

◼ Na mambo a buneme bwa Kivuluko, pa kusala ñambi ukamba jashi ja Kivuluko, jibumba ja bakulumpe mu kipwilo jafwainwa kusala mukulumpe wafwainwa kwamba bulongo, kechi kutongolatu uji yense nangwa kwingijishatu mulongo umo pa mwaka pa mwaka ne. Umvwe paji mukulumpe mu kipwilo wa mu bashingwa wafwainwa kwamba bulongo, ye wakonsha kusalwa kwamba jino jashi.