Bya Kubijika

◼ Mabuku a kusha mu February: Buku wa Palameni Kuli Yehova ye ye tukashanga. Bipwilo byabula uno buku byakonsha kusha buku wa Ukusokolola–Akalume ka Kuko Kakalamba Nakapalama! nangwa buku mukwabo ujipo pa kipwilo. March: Shai buku wa bukumo wa kuba’mba Nanchi Baibolo Kine Ufunjisha’mba Ka? Ibikishaiko kutendeka mafunjisho a Baibolo. April ne May: Shilai bantu makope onse abiji a Kyamba kya Usopa ne Awake! Kimye kya kubwelako ku bantu bamwesha lusekelo lwa kukeba kufunda, kubikakotu ne boba batanwa ku Kivuluko kabiji nangwa boba batanwako ku kupwila kumo kwa Teokalasi bo tubula kupwila nabo jonse, monai kuba’mba mwibashila buku wa bukumo wa Nanchi Baibolo Kine Ufunjisha’mba Ka? Nkebelo ine yafwainwa kwikala ya kutendeka lufunjisho lwa Baibolo mu uno buku.

◼ Byo kiji kuba’mba ñondo wa April uji na milungu itanu, ke ñondo wawama bingi kwingilako bupainiya bwa kukwasha.

◼ Jashi ja mvula bantu jiikajila ja mu kimye kya Kivuluko kya mu 2006 jikekala na mutwe wa kuba’mba “Nanchi Lesa Ubena Kukitangijila Nyi?” Monai kya kubijika kipashako kyabijikilwe mu Mwingilo Wetu wa Bufumu wa October 2005.

◼ Mutwe uji pa peja 6 wa kuba’mba “Iyowayi Lufunjisho Lwetu mu Buku wa Nanchi Baibolo Kine Ufunjisha’mba Ka?” tukamufunda mu mulungu wa April 3 pa Kupwila kwa Mwingilo. Mwane sungai bulongo uno mutwe ne mutanchi wa kufunda.

◼ Mukulumpe utangijila mu kipwilo nangwa mukwabo umo ye atongola wafwainwa kubala mali a kipwilo pa March 1 nangwa bukiji bukiji panyuma ya jino juba. Umvwe muji na mali eikajila, nabiji a kuwamishisha pafwafwafwa nangwa a buntungi, nao mwafwainwa kwiabala. Umvwe mwapwisha kubala, bijikai ku kipwilo pa kubijika sawakya mukwabo ukalondelapo wa mali.

◼ Munembeshi ne utangijila mwingilo bafwainwa kupitulukamo mu mingilo ya bapainiya ba kimye kyonse. Umvwe paji bamo babena kutana lukatazho mu kufikizha maawala akebewa, bakulumpe bafwainwa kunengezhapo bukwasho bwa kwibakwasha. Pa mashinda a kwingijisha, pitulukai mu makalata atumwa pa mwaka pa mwaka a S-201.