Kupitulukamo Mu Sukulu Ya Mwingilo Wa Teokalasi
Ae mepuzho akekala a kwisamba mu Sukulu ya Mwingilo wa Teokalasi mu mulungu wa kutendeka February 27, 2006. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a milungu ya January 2 kufika ku February 27, 2006. [Yukaiˈmba: Pa mepuzho pabula mabuku mwakutana mikumbu, mwafwainwa kwipesela pesela anwe bene kutana mikumbu.—Monai buku wa Nonkelenimo mape. 36-7.]
ÑAMBILO
1. Mu ñanyi mashinda Sukulu ya Mwingilo wa Teokalasi mo itukwashisha ‘kuleta kitapisho kya kumutota Lesa ne kwamba patoka jizhina janji’? (Hebe. 13:15) [be-CW pe. 5 pala. 3-pe. 6 pala. 1]
2. Mambo ka o twafwainwa kutelako muchima kutanganga bulongo? [be-CW pe. 83 mapala. 1-5]
3. Kimye kyo tubena kwamba ne kufunjisha, mambo ka kwamba bintu bibena kumvwanyika bulongo o kwanemena? [be-CW pe. 86 mapala. 1-6]
4. Mambo ka o kyanemena kutela byambo bulongo, kabiji bintu ka byafwainwa kulangulukwapo? [be-CW pe. 89 pala. 1-pe. 90 pala. 2, kabokoshi]
5. Mashinda ka amo akonsha kwitukwasha kwamba kwakubula kwimanaimana? [be-CW pe. 94 mapala. 4-5, kabokoshi]
JASHI NA. 1
6. Jibumba ja Yehoba jaimena pa ka? [od-KD pe. 6 pala. 3]
7. Nga kuyuka kuba’mba Yehoba uji na jibumba ja mwiulu, kwafwainwa kwitutundaika kuba ka? [od-KD pe. 8 pala 2]
8. Ki ka kyavwangwamo mu kwendela pamo na Jibumba ja Yehoba? [od-KD pe. 9 pala 4]
9. Yesu wingijisha byepi bumutwe pa jibumba jimweka jiji panopantanda? [od-KD pe. 12 pala 2]
10. Byo kiji kuba’mba Yesu Kilishitu ye Ntangi kabiji ye Mukulumpe wa bantu ba Lesa, twakonsha kumwesha byepi amba twayuka mwingilo wanji mu lunengezho lwa Lesa lwa bintu? [od-KD pe. 13 pala 2-pe. 14 pala 1]
KUTANGA BAIBOLO KWA MULUNGU NE MULUNGU
11. Nanchi Ulimu ne Tumimu byaingijishiwe kimye kyo bakebelenga mukumbu kufuma kwi Yehoba, byajingako mu boba bantu babwelelenga kufuma mu buzha nyi? (Ezela 2:61-63)
12. Mambo ka Bayudea bavula bajinga mu Babilona o babujilenga kukeba kuya ku Yelusalema na Ezela? (Ezela 7:28–8:20)
13. Mwingilo wa kushimukulula nsakwa wafwainwe kwingijiwa byepi na kuboko kumo? (Ne. 4:17, 18)
14. Byo kiji kuba’mba makalata mwanembwanga bintu bya bufyamfya abikwanga mu mafukuta o bashinka, mambo ka Sanabalata o atumijile “nkalata ya kubula kushinka” kwi Nehemiya? (Ne. 6:5)
15. Kununga pa ‘kutana bilubo’ mu bayudea babwelele ku byubilo byakala, nobe byonka byo aubile patanshi na bamfumu ne babinemanga, ñanyi bintu bikwabo Nehemiya byo aubile? (Ne. 13:25, 28)