Mutanchi Wa Kupwila Kwa Mwingilo

Mulungu wa Kutendeka March 13

Lwimbo 41

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Kwingijisha mashinda atanshi abiji aji pa peja 8 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya April 1 ne Awake! wa March. Pa kupwisha kimwesho kyonse, musapwishi ete mwina nzubo kwiya na kukatanwa ku Kivuluko, kwingijisha nkupiko yapelako ya magazini.

Mamini. 15: “Kwashai Bantu Kumwenamo mu Bukuzhi.”a Lubaji lwalondela jino jashi lusakwamba pa mashinda a kwingijishishamo mapeja 206-8 aji mu buku wa Baibolo Ufunjisha kimye kya kwita bantu ku Kivuluko.

Mamini. 20: Kijiilo kya Nkambo kya Mabanga—Kivuluko Kinemeka Lesa. Mwisambo wa mepuzho ne mikumbu kufuma mu buku wa Baibolo Ufunjisha, pa mapeja 206-8. Panyuma ya kwambapo pacheche kwakubula kupitaila pa miniti umo, mweshai bya kutendeka uno mutwe ku mwina nzubo kupichila mu kutanga palagalafu mutanshi. Apa bino mwipuzhe luonde kukumbula mepuzho alondelapo kwakubula kutanga mapalagalafu: (pala. 2) Kimye ka Yesu kyo atendekeshe Kivuluko kya Lufu lwanji? (pala. 3) Bimye binga Kijiilo kya Nkambo kya Mabanga o kyafwainwa kuvulukwanga? (pala. 4) Baibolo ulumbulula byepi kino kivuluko? (pala. 5) Twayuka byepi amba Yesu kechi waalwile shinkwa kwikala ke mubiji wanji yenkawe, ne binyu kwikala mashi aji onkae ne? (pala. 6) Shinkwa wakubula mbizho wimenako ka? (pala. 7) Binyu bichila bimenako ka? (pala. 8) Bañanyi bafwainwatu kuja shinkwa ne kutoma binyu? (Pala. 9) Kimye ka kikalako Kivuluko pa mwaka pa mwaka, kabiji mambo ka o twafwainwa kutainwako? Isambai pa binembelo bikatampe umvwe kimye kokiji. Tundaikai bonse kwisamba na Bafunda Baibolo bino byambo ne bantu bakwabo bo beta ku Kivuluko kupichila mu kutanga mapalagalafu, kwisamba bishinka bikatampe, kabiji ne kwingijisha mepuzho apela nabiji ano aji mu jino jashi.

Lwimbo 134 ne lulombelo lwa kupezhako.

Mulungu wa Kutendeka March 20

Lwimbo 18

Mamini. 15: Bya kubijika bya pa kipwilo. Pitulukai mu bishinka bikatampe biji mu kabokoshi ka kuba’mba “Bya Kuvululako bya pa Kivuluko.” Ingijishai maminiti asatu nangwa ana kwamba pa mashinda ne kumwesha bya kwingijisha tubipepala twa kwichilapo bantu ku Kivuluko. Pitulukai mu mashinda aji mu Mwingilo Wetu wa Bufumu wa February 2006, pa peja 3 palagalafu 3.

Mamini. 15: “Nkalata Kufuma ku Jibumba Jitangijila.” Mwisambo wa kisemi. Besambe pa ene mambo kisemi o kyafwainwa kumona mwingilo wa mu bujimi kuba’mba mwingilo wa kwingila mulungu ne mulungu ao bonse ye bafwainwa kwingilako. Nsemi wa mulume apezheko na kutundaika kisemi kwingijisha bishinka byawama biji mu nkalata yafuma ku Jibumba Jitangijila.

Mamini. 15: Kukoseshiwa Kupichila mu Kubalaulabalaula mu Binembelo pa Juba pa Juba. Jashi ne kwisamba na luonde kufuma pa byambo bitanshi biji mu kabuku ka Kubalaulabalaula mu Binembelo pa Juba pa Juba—2006. Pitulukai mu mashinda aji mu Mwingilo Wetu wa Bufumu wa May 2005, pa peja 5, abena kwamba pa bisemi byo byakonsha kuvwanga kutanga kwa kinembelo pa juba pa juba pa mutanchi wabyo wa kisemi. Nengezhai kimwesho kya kisemi kimo kibena kwisamba kinembelo kya juba ja lelo ne byambo bya kwambapo.

Lwimbo 103 ne lulombelo lwa kupezhako.

Mulungu wa Kutendeka March 27

Lwimbo 44

Yukai’mba: Bipwilo kechi byafwainwa kutwala Kupwila kwa Mwingilo kwa mulungu wa March 27 mu mulungu walondelapo ne, kanatu kya kuba’mba mukulumpe wa kijiiji ukafwakashanga. Bipwilo byonse, byafwainwa kwisamba pa kyamukachi kya kupwila kwa nkambi pa Kupwila kwa Mwingilo byonka byo kyatanchikwa. Umvwe kuji Kupwila kwa kijiiji mu uno Mulungu, bakulumpe ba lufunjisho lwa buku bafwainwa kubijika kukekela kupwila kwa nkambi ne moba a kupwila mu mafunjisho abo a buku.

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa March. Tangai sawakya wa mali ne makalata a kuyukanyikisha’mba ofweshi wa musampi watambwijile mibingu yenu yo mwatumine. Kwingijisha mashinda abiji apelako aji pa peja 8 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya April 1 ne Awake! ya April. Kabiji mweshai bya kwingijisha tubipepala twa kwichilapo bantu baji na lusekelo ku Kivuluko.

Mamini. 20: “Kupwila kwa Nkambi kwa Bakamonyi ba kwa Yehoba kwa ‘Kupokololwa Kujitu Pepi’ kwa mu 2006.”b Jambiwe na munembeshi mu kipwilo. Panyuma ya kwambapo pa palagalafu 1, tangai nkalata ya March 15, 2006 ibena kumwesha kupwila kwa nkambi kwatongwelwa kutanwa kipwilo kyenu. Tundaikai bonse kwinengezhezha jimo kupwila kwa nkambi saka kukyangye kufika.

Mamini. 15: Byamwekele. Ipuzhaipo luonde kushimikizha byamwekele bya lusekelo byo bataine kimye kyo bashilenga buku wa Baibolo Ufunjisha mu March. Tongolai mafunjisho a Baibolo atendekelwe. Kyamwekele kimo nangwa bibiji, kyawama bulongo kyakonsha kumweshiwa byo kyajinga.

Lwimbo 170 ne lulombelo lwa kupezhako.

Mulungu wa Kutendeka April 3

Lwimbo 199

Mamini. 15: Bya kubijika bya pa kipwilo. Pitulukaimo pacheche mu mutwe wa kuba’mba “Iyowayi Lufunjisho Lwetu mu Buku wa Nanchi Baibolo Kine Ufunjisha’mba Ka?” uji mu Mwingilo Wetu wa Bufumu wa February 2006. Ambaipo pa mutanchi wa lufunjisho wa buku wa Baibolo Ufunjisha. Kabiji mweshai bya kwingijisha tubipepala twa kwichilapo bantu baji na lusekelo ku Kivuluko.

Mamini. 10: Bibena kukebewa pa kipwilo.

Mamini 20: “Funjishainga Bakimote Kwenda mu Jishinda ja Lesa.”c Ambai ne byambo biji mu Kyamba kya Usopa kya July 1, 2004, pa peja 27, palagalafu 9.

Lwimbo 93 ne lulombelo lwa kupezhako.

[Tubyambo twa mushi]