Bya Kubijika
◼ Mabuku a kusha mu March: Shai buku wa bukumo wa kuba’mba Nanchi Baibolo Kine Ufunjisha’mba Ka? Ibikishaiko kutendeka mafunjisho a Baibolo. April ne May: Shilai bantu Kyamba kya Usopa ne Awake! Kimye kya kubwelako ku bantu bamwesha lusekelo lwa kukeba kufunda, kubikakotu ne boba batanwa ku Kivuluko kabiji nangwa boba batanwako ku kupwila kumo kwa Teokalasi bo tubula kupwila nabo jonse, monai kuba’mba mwibashila buku wa bukumo wa Nanchi Baibolo Kine Ufunjisha’mba Ka? Nkebelo ine yafwainwa kwikala ya kutendeka lufunjisho lwa Baibolo mu uno buku. June: Shai buku wa Sambilila Kuli Kasambilisha Mukalamba. Inge bena nzubo baamba’mba baana bafwabo, bashilai buku wa Insansa sha Lupwa.
◼ Byo kiji kuba’mba ñondo wa April uji na milungu itanu, ke ñondo wawama bingi kwingilako bupainiya bwa kukwasha.
◼ Kivuluko kikekalako pa Kisatu, April 12, 2006. Umvwe kipwilo kyenu kipwila pa Kisatu, kuno kupwila mwafwainwa kwikutwala pa juba jikwabo mu yewo mulungu umvwe Nzubo ya Bufumu kechi ikengijishiwanga ne. Umvwe kino kechi kyakonsheka kubiwa ne, kabiji Kupwila kwenu kwa Mwingilo kuba kwaubiwa ne, majashi a mu kuno kupwila akonsha kwingila bulongo mu kipwilo kyenu, mwakonsha kwiamba kimye kya Kupwila kukwabo kwa Mwingilo.
◼ Bipwilo biji na Mazubo a Bufumu aji na Land Record, Title Deed nangwa Occupancy License bibena kuvululwako kulondela muzhilo wa kupana Musonko wa Mushiji (Ground Rent) ku ba City Council nangwa ku Municipal Council. Ke mutembo wa kipwilo kyonse wa ‘kupana musonko ku Kesala’ nobe lubaji lwa kipwilo kufuma mu mali a kwingijisha a kipwilo. (Loma 13:6, 7) Bipwilo kechi byafwainwa kupana misonko ku bakanso ya Bishimikwa byatungiwa pa mpunzha ne, byonka byo kyabijikilwe mu Mwingilo Wetu wa Bufumu wa April 2005.
◼ Watchtower Library 2005 Edition: Byonka byo kyabijikilwe mu Mwingilo Wetu wa Bufumu wa July 2005, kutendekatu luno Watchtower Library ifumanga pa mwaka pa mwaka. Mukekala mabuku onse alupwilwe mu mwaka wa 2005. Kunungapo, mukavwangiwa mbaji ikwabo ibiji ya bukumo. Lubaji lutanshi mukekala kinembelo kya juba kufuma mu Kubalaulabalaula mu Binembelo pa Juba pa Juba ne mutanchi wa Sukulu ya Mwingilo wa Teokalasi. Aku mushinkulatu mutanchi wa Watchtower Library, kintu kitanshi kikamwekana pa kompyuta kikekala kinembelo kya jojo juba kabiji ne byambo byaambiwapo pa kyokyo kinembelo kufuma mu Kubalaulabalaula mu Binembelo. Panshi pakekala mutanchi wa Sukulu ya Mwingilo wa Teokalasi wa yeo mulungu. Lubaji lwa bubiji, ke lwa kwimukwasha amba mukonshe kumona milaka yavula pa kimye kimo. Kunyuma, umvwe mukeba kushinkula milaka ibiji nangwa yavula kwajinga kushinkula mitanchi yavula ya Watchtower Library. Kya kumwenako Kizungu ne ki Spanish, kechi byashinkukilanga pamo ne. Nga uno mutanchi wa bukumo wa kushinkula milaka yavula pa kimye kimo ukemukwashanga byepi? Umvwe mubena kwingijisha milaka yavula iji pa mutanchi wa mabuku a mu 2005, mwafwainwa kupesapesa ne kushinkula kinembelo mu mulaka umo kabiji kinembelo kintutu kimo kikamweshiwa mu milaka ikwabo. Akino kikakwasha bingi bamo bayuka milaka ikwabo iji mu Watchtower Library. Aluno lubaji lukengilangatu na mabuku a mu 2005. Luno lubaji lupya lwa Watchtower Library kechi lukengilanga pa kompyuta wa Windows 95 ne. Lukengilangatu pa ma Windows 98, Millennium, NT, 2000, XP, nangwa pa abayako. Bipwilo byafwainwa kutendeka kuonda Watchtower Library wa—2005, awo ukapanwangatu ku Bakamonyi ba kwa Yehoba kwapwa. Pa mitanchi patanchikwa kibelengelo kya mabuku pakanembwa’mba bibena kwiya panyuma kufika ne kimye kyo akekalako.
◼ Ku Bakulumpe Banengezha Mabuku ne Banembeshi mu Bipwilo: Kimye kya kwipuzha musampi pa mabuku atumwa abula enu, mwane umvwe kyakonsheka ikalai na mutanchi patanchikwa kibelengelo kya mabuku. Umvwe mubena kukeba kunembela nkalata ofweshi wa musampi, mwane tuminai pamo na Mutanchi patanchikwa kibelengelo kya mabuku.