Bya Kubijika

◼ Mabuku a kusha mu July ne August: Mwakonsha kusha buloshuwa uji yense walondelapo wa mapeja 32: Ilemenai Bumi Pano Pantanda Myaka Yonse!, Kamfulumende Ukaleta Paradisa, Bushe Lesa mu Cituntulu Alatusakamana?, Ilyo Untu Watemwa Afwa, Labainga Mukenkentenga!, Mipashi ya Bafu Ya Konsha Kukukwashanyi Nangwa ku Kukozha? Nanchi Kine Koiji Nyi?, Balunda na Lesa ne Mwijitana Jishinda Jaya Kubumi? September: Buku wa Baibolo Ufunjisha ye ukengijishiwanga. Twafwainwa kwibikako kumona kuba’mba twatendeka lufunjisho lwa Baibolo pa lwendo lutanshi. Twafwainwa kubwela ku bantu bonse bo twashileko mabuku na nkebelo ya kutendeka lufunjisho lwa Baibolo. October: Shilai bantu Kyamba kya Usopa ne Awake! Umvwe bamwesha lusekelo, bamweshai buloshuwa wa Labainga mukenkentenga! pa kuba’mba kizaku kyabo kya Baibolo kibayileko. Kulutwe kacheche, misampi bakeibula bya mukwekele wiikajila wa Mambo Awama ubena kunengezhiwa.

◼ Kutendeka mu September, bakulumpe babijiiji bakambanga jashi jiji na mutwe wa kuba’mba, “Bwikalo Bwenu ne Lesa Buji Byepi?”

◼ Kutendeka na mulungu wa January 8, 2007, tukafundanga buku wa Popwelai Lesa Yenka Wakine pa Lufunjisho lwa Buku lwa Kipwilo. Panyuma ya kufunda uno buku, tukatendeka kufunda buku wa Fwenyai Kwipi ne Yehoba! Bipwilo byafwainwa kumona’mba biji na mabuku avula a kwingijisha kuvwangakotu ne oa anembwa mu bisopelo bikatampe pa kyokya kimye.

◼ Kibena kukebewa kuba’mba mapepala a kwipuzhizhapo mwingilo wa bupainiya atumwenga ku ofweshi wa musampi saka kwakishala moba 90 juba ja kutendeka kwingila saka jikyangye kufika. Munembeshi mu kipwilo wafwainwa kupitulukamo mu uno pepala ne kumona’mba byonse byanembwa bulongo. Umvwe aba babena kwipuzha mwingilo balubamo juba jine jo babatizwe, bafwainwa kusopelelatu ja esakanako ne kutwajijila kwijingijisha. Munembeshi mu kipwilo wafwainwa kunemba jino juba pa Kikachi kya Musapwishi mu Kipwilo (S-21)

◼ Banembeshi mu bipwilo bafwainwa kumona’mba baji na Nkalata ya Kutongwelapo Bapainiya (S-202) ya painiya wa kimye kyonse yense mu kipwilo. Umvwe bafwayo, bafwainwa kunembela ofweshi wa musampi.

◼ Kubala mabuku ne magazini o muji nao kubiwa pa mwaka pa mwaka, kwafwainwa kubiwa pa August 31, 2006 nangwa pa juba jijiko pepi na jino juba. Kuno kubala kujitu pamo na kokwa kuba mukulumpe unengezha mabuku byo eabala pa ñondo pa ñondo, kabiji kibelengelo kyao onse kyafwainwa kunembwa pa pepala ya Ukupenda Ifitabo (S-18). Mwafwainwa kwipuzha wa mwingilo nangwa bamingilo batala pa magazini mu kipwilo bemubule kibelengelo kyonse kya magazini ajipo. Munembeshi mu kipwilo kinengezha bya mabuku wafwainwa kutangijila kuno kubala mabuku. Aye ne mukulumpe utangijila mu kipwilo kinengezha mabuku bakasaina uno pepala. Kipwilo kyonse kinengezha mabuku, kikatambwila mapepala asatu a Ukupenda Ifitabo. Mwane tumai pepala mutanshi ku ofweshi wa musampi juba ja September 6 saka jikyangye kufika. Sungai pepala mukwabo mufwailo wenu. Pepala wa busatu kampepo mwafwainwa kumwingijisha pa kubala mabuku.

◼ Buku wa bukumo ujipo:

Icitabo Candi ca Malyashi ya mu Baibolo—Kilunda