Bya Kwamba pa Kusha Magazini

Kyamba kya Usopa Sept. 1

“Inge bemwambila’mba mwisambe ne Yehoba pa kintu kiji kyonse, ñanyi kintu kitanshi kyo mwakonsha kwisamba nanji? [Lekai akumbule.] Umvwe twalanguluka pa bintu byonse byo auba kala ne byo aketubila kulutwe, byafwainwa kwitulengela kumutota. Kino kibaba (kyaamba pa Masalamo 73 kufika ku kitango 106) kyamwesha nyimbi wa masalamo byo aubile kino.” Tangai 106:1.

Awake Aug.

“Nanchi mulanguluka’mba batemwe betu bafwa tukebamona jibiji nyi? [Lekai akumbule.] Akimonai mulaye wa kwa Yesu pa mambo a bafu. [Tangai Yoano 5:28, 29.] Kino kibaba kyalumbulula kufuma mu Baibolo byo kikala inge twafwa.” Mumweshai kibaba kyatendekela pa peja 28.

Kyamba kya Usopa Sept. 1

“Bantu bavula bazhinauka’mba kana Mambo a Lesa akonsha kupana bukwasho ku bantu babena kupita mu makatazho nyi. Mulanguluka’mba ka? [Lekai akumbule.] Kino kibaba kyaamba pa muntu wataikijilwe bunonshi ne baana banji bonse, kabiji panyuma ya byobyo wabelele kikola kya malwa. Kabiji kyamwesha ne kya kumwenako kyanji kya kuketekela mwi Lesa byo kyakonsha kwitutekenesha.” Tangai Loma 15:4.

Awake Aug.

“Bantu bavula balanguluka’mba kana kyailamo na bya sayasi kuketekela mwi Lesa nyi. Mulanguluka’mba ka? [Lekai akumbule. Apa bino mutange Bahebelu 3:4.] Ino Awake! iikajila yaamba pa bishinka byalengela bashayuka bamo ba bya sayasi kuketekela mwi Mulenga.”