Bya Kwamba pa Kusha Magazini

Kyamba kya Usopa Sept. 1

“Atweba bonse twayuka kuba’mba panopantanda paubiwa nshiji yatama bingi mu bwikalo bwa bantu bonse. Nangwatu bantangi bapanopantanda kechi babena kupwisha luno lukatazho ne. Nanchi mwalanguluka’mba twakonsha kwikala mu ntanda mwabula nshiji nyi? [Lekai akumbule, apa bino mutange Salamo 37:34.] Ino magazini yamwesha kuba’mba Lesa wa bololoke ye yenkatu wakonsha kuleta ntanda yawama, mambo uji na bulume bwa kufumyapo kilengela nshiji yonse.”

Awake Aug.

Umvwe mwatana mwanyike, mwakonsha kwamba’mba: “Banyike bakwenu bavula bafichishiwa bingi ku muchima na mambo a kwibayebeka. Nanchi obewa bakikuyebekapo kala nyi? [Lekai akumbule.] Mu Baibolo muji lufunjisho lwawama lwakonsha kwitukwasha umvwe bantu kebetuyebeke. Luno lufunjisho lumwesha ne byo twakonsha kuba na miyebe yakilamo kutama.” Mumweshai kibaba kyatendekela pa peja 12, ne kutangapo kinembelo kimo kiji mu kibaba.

Kyamba kya Usopa Sept. 1

“Bavula balanguluka’mba ‘Lulayañano lwa Kala’ lukwasha bingi kuyuka bintu byaubiwe kala. Pano bino, bazhinauka umvwe kya kuba byambo bijimo byanema lelo jino. Nga anweba mwalangulukapo’mba ka? [Lekai akumbule, apa bino mutange Loma 15:4.] Ino magazini yamwesha ‘Lulayañano lwa Kala’ byo lwitukwasha kuyuka mwa kwikela pa juba pa juba ne kwikala na luketekelo lwa kine mu bintu bya kulutwe.”

Awake Sept.

“Nanchi mulanguluka’mba bya malwa biponakotu bine bifuma kwi Lesa nyi? [Lekai akumbule, apa bino mutange Mpitulukilo ya mu mizhilo 32:4.] Ino magazini yalumbulula bulongo ene mambo Lesa o aswishisha bino bya malwa biponakotu bine kumwekana. Kabiji yamwesha ne byo mwakonsha kwikizhikijila kisemi kyenu.”